© “Metafizika” Journal
Vol 6, issue 4, serial 24, 2023. pp.47-64
UOT: 159.9
KBT: 87.3(2) 6
MJ № 185
p-ISSN 2616-6879
e-ISSN 2617-751X
Sədrəddin Şirazinin nəfs konsepsiyası
İbrahim Bağırov
Abstrakt. Fəlsəfə tarixinə nəzər yetirdiyimiz zaman insanın mental
hallarının əsasən ruh/nəfs fikri ilə izah edildiyinin şahidi oluruq. Nəfsin
mahiyyəti məsələsi isə qədim yunan filosoflarından bəri müzakirə olunmuş
və bu barədə fərqli nəzəriyyələr ortaya qoyulmuşdur. Qədim yunan
filosoflarından Platon nəfsin maddi bədəndən təmamilə fərqli, qeyri-maddi
bir substansiyadan təşkil olunduğunu düşünür və onun bədəndən müstəqil
var ola bilən, əzəli və əbədi olduğunu iddia edirdi. Substansial dualizm
olaraq tanınan bu nəzəriyyəni qəbul etməyən Aristotel isə nəfsi bədənin
mükəmməlliyi kimi tərif edir və Platondan fərqli olaraq onun bədəndən öncə
var olması fikrini, eləcə də, ölümsüzlüyünü inkar edirdi. İslam filosofları
Aristotelin nəfs tərifini qəbul etsələr də onu Platon kimi qeyri-maddi
substansiya hesab edir və insanın maddi bədən və qeyri-maddi nəfsdən təşkil
olunduğunu deyirdilər. Səfəvilər dövrünün İslam filosofu Sədrəddin Şirazi
isə sələflərindən bir çox cəhətdən fərqlənən nəfs konsepsiyası ilə çıxış edir.
O da İbn Sina və digər müsəlman filosoflar kimi nəfsin “orqanları olan təbii
bir cismin ilk mükəmməlliyi (ἐντελέχια)” olmasına dair aristotelist tərifi
qəbul edir, ancaq onun fikrincə tərifdəki orqanlar maddi bədən üzvləri
olmayıb, nəfsin gücləridir. Platondan fərqli olaraq Şirazi nəfsin əzəli olmayıb
yarandığını qəbul edir. Lakin nəfsin bədənlə birlikdə yarandığını düşünən
İbn Sinadan fərqli olaraq Şirazi nəfsin yarandığı zaman mücərrəd varlıq
olması fikrini rədd edir. Ona görə nəfs maddi bədəndə ortaya çıxır. Maddi
yaransa da Şiraziyə görə nəfs təbiətən sahib olduğu substansial hərəkət
sayəsində zamanla dəyişərək ruhani varlığa çevrilərək ölümsüzlük əldə edir.
Bu məqalə Sədrəddin Şirazinin nəfs konsepsiyasını ələ alaraq onun nəfs
və ruh anlayşını, nəfsin tərifi, yaranması və bədənlə münasibtinə dair
fikirlərini təhlil edir.
Açar sözlər: nəfs, ruh, nəfs-bədən problemi, substansial hərəkət, insan
nəfslərinin yaranması
AMEA akademik Z.Bünyadov adına Şərqşünaslıq İnstitutunun dissertantı və elmi işçisi; Bakı, Azərbaycan
E-mail: ibbaghiroff@yahoo.com
https://orcid.org/0000-0002-2976-2119
Məqaləyə istinad: Bağırov, İ. [2023] Sədrəddin Şirazinin nəfs konsepsiyası. “Metafizika” jurnalı, 6(4), səh.47-64.
Məqalənin tarixçəsi:
Məqalə redaksiyaya daxil olmuĢdur: 31.08.2023
Təkrar iĢlənməyə göndərilmiĢdir: 18.09.2023
Çapa qəbul edilmiĢdir: 01.12.2023
47
İbrahim Bağırov
Sədrəddin Şirazinin nəfs konsepsiyası
1.Giriş
İslam fəlsəfəsindəki insana dair konsepsiyalar Aristotelin təsirindən
qaynaqlanaraq “psixologiya” (elmun-nəfs) başlığı altında təhlil olunmuşdur.
Psixologiya da adətən təbiət fəlsəfəsinin bir şöbəsi hesab edilirdi və filosoflar
nəfsə dair müzakirələrə təbiət fəlsəfəsi (təbiiyyat) bölməsində yer verirdilər.
Fərabi, İbn Sina, İbn Rüşd, İbn Baccə və başqa filosofların əsərlərində bunu
müşahidə etmək mümkündür. Sədrəddin Şirazi isə özündən əvvəlki
filosoflardan fərqli olaraq psixologiyanı metafizikanın bir qolu kimi görür.
Onun bütün metafizikası da hər şeyin fövqəl qaynağı və qayəsi olan və ya
əvvəli və sonu olan varlıq anlayışı üzərində inşa olunmuşdur. Bu vahid
metafizik aləm anlayışı da ona kainatı nizamsız və pərakəndə (xaos) deyil,
nizamlı bir bütün (kosmos) olaraq görməyə imkan yaradır. Buna görə də
Şirazi mövcudatı zahiri və maddi təzahürlərinə əsasən deyil metafizik və ya
ontolojik mənşəyinə əsasən dəyərləndirməyi doğru hesab edir. Bu səbəblə
onun cismani olaraq ortaya çıxan ruh anlayışı zahirən bəzi modern nəfs
nəzəriyyələrinə bənzəsə də onun nəfs konsepsiyası müasir zehin
fəlsəfələrində bəzən müşahidə etdiyimiz adi hisslərin və düşüncələrin
cəmindən ibarət deyildir [Abdul Ḥaq, 1970, s.173]. Onun fikrincə nəfs
bədəndə yaransa da sonda ruhani varlığa çevrilərək ölümsüzləşir.
Sədrəddin Şirazinin nəfs konsepsiyasının modern nəfs konsepsiyalarından
fərqlənməsi bu konsepsiyanı klassik fəlsəfədəki ənənəvi nəfs anlayışlarından
biri kimi düşünməyimizə səbəb olmamalıdır. Onun nəfs anlayışı özünə qədər
mövcud olan aristotelist və platonist, ya da neo-platonist nəfs
konsepsiyalarından ciddi şəkildə fərqlənir. Şirazi nəfs, nəfsin yaranması və
onun bədənlə olan münasibətinə dair məsələləri bir-çox əsərində ələ alsa da
filosofun ən önəmli fəlsəfi əsəri olan “Əsfarul-ərbəə” (Dörd səfər) bu
mənada da seçilir. Dörd səfərdən ibarət olan “Əsfar”ın demək olar ki bütöv
bir səfəri bu problemə və bu problemlə əlaqəli məsələlərə ayrılmışdır.
Psixologiya və esxatologiyaya (məadşünaslıq) həsr olunmuş iki cilddən
ibarət bu səfərdə Şirazi “əbvab” adlandırdığı on bir hissədə nəfsin ilk
yaranışından tutmuş axirətdə yenidən dirilişinə qədər keçirdiyi bütün
mərhələləri ələ almışdır. Buna görə də bəzi araşdırmaçılara görə İslam
tarixində heç bir əsərdə bu mövzu bu dərəcədə geniş və təfsilatlı şəkildə
tədqiq edilməmişdir [Nasr, 2009, s.82]. Əlbəttə “Əsfar”da həm bu həm də
başqa məsələlərlə bağlı mətnlərin tamamilə orijinal olduğunu demək
mümkün deyil. Məsələn, aşağıda müzakirə edəcəyimiz dördüncü səfərin
əvvəlində nəfsin varlığının isbatı üçün ələ alınan məsələlər ondan əvvəl İbn
Sinanın “Əş-şifa” və Fəxrəddin Razinin “Əl-məbahisul-məşriqiyyə” adlı
əsərlərində ifadə edilmişdir [Baran, 2021, s.11]. Şirazi də bu məslələrdən
danışarkən artıq ədəbiyyatda mövcud olan dili işlətməyə üstünlük verir.
48
“Metafizika” Journal
2023, vol 6, issue 4, serial 24, pp.47-64
Bununla belə razılaşmadığı məqamlarda öncəkilərin fikirlərini tənqid edərək
öz qənaətini ortaya qoyur.
Şirazinin İbn Sinanın “Şifa”dakı sistematik yanaşmasını İbn Ərəbinin
“Futuhatul-məkiyyə” adlı əsərindəki irfani anlayışlarla birləşdirdiyini və
mahiyyət baxımından İbn Ərəbiyə daha yaxın olduğunu ifadə edənlər də
vardır [Nasr, 2009, s.82]. Buna baxmayaraq Əsfarda nəfsdən bəhs edilən
mətnlər sırf irfani olmaqdan daha çox nəfsin yarı-empirik şəkildə analiz
edildiyi mətnlərə bənzəyir. Nəfs, onun fərqli mərtəbələri və təkamül prosesi
təbiət fəlsəfəsinə xas olan bir dillə ifadə edilir. Şirazinin Əsfardakı nəfs
nəzəriyyəsi peripatetiklərin əsərlərindəki nəfs konsepsiyalarının davamı kimi
görünür. Bunu nəfsin tərifində və onun ayrıldığı fərqli mərtəbələrdən görmək
mümkündür. Bununla belə Şirazinin mütəaliyə fəlsəfəsinə xas elementləri də
müşahidə etmək mümkündür. Bu da Şirazi fəlsəfəsindəki teosofik
elementlərlə əlaqədardır. Belə ki peripatetik fəlsəfi nəfs anlayışı Şirazi
tərəfindən tamamilə dini və teosofik kontekstdə şərh edilir. Bu səbəbdən
nəfsin müxtəlif daxili və xarici gücləri və ya funksiyaları, hiss orqanları,
hisslər, yaddaş, xəyal, ağıl və mühakimə funksiyası Şirazi tərəfindən özündə
mövcud olan hərəkətlə təkamül edib yenilənən dinamik bir şeyin, yəni insan
nəfsinin fərqli mərtəbələri kimi görülür. Təsadüfi deyil ki, Şirazinin tipik
irfani teosofik dilə üstünlük verdiyi “Məfatihul-qeyb” əsərindəki nəfs
konsepsiyası ilə əsasən fəlsəfi əsər olan “Əsfar”dakı nəfs konsepsiyası çox
bənzərdir [Khorassani, 1976, s.154]. Qeyd etdiyimiz kimi filosofun
“Əsfar”da nəfsi təbiət fəlsəfəsi bölməsində deyil metafizika bölməsində ələ
almasına baxmayaraq, onu metafizikaya deyil fizikaya xas, təbiət fəlsəfəsinin
psixologiya mətnlərində görməyi adət etdiyimiz bir üslubda şərh edir. Bu
yanaşma da onun cismani yaranan nəfs konsepsiyası ilə uyğunluq təşkil edir.
“Nəfs” sözünün özü də filosofa görə bu maddi yaranış və ya bədənə
münasibəti ifadə edir [Şirazi, 1382, s.7].
2.Terminologiya
Nəfs-bədən problemi ilə bağlı İslam dünyasındakı ədəbiyyata baxdığımız
zaman “ruh” və “nəfs” kəlmələrinin bir-birinin yerinə, yaxud yaxın mənada
istifadə edildiyini görürük. Görünən odur ki, İslam filosofları əsasən bu iki
ifadə arasında əhəmiyyətli fərq görməyiblər [Məmmədov, 2020, s.159].
Buna baxmayaraq, bəzən ruh və nəfs iki müstəqil varlıq hesab edilir [Daftari,
2010]. Şirazinin əsərlərinə ümumi nəzər yetirdikdə bədənə münasibətdə
insanı ifadə edən nəfs termini ilə maddədən müstəqil ruhani substansiyanı
ifadə edən ruh arasında kəskin fərq qoyduğunu demək çətindir. O, nəfsi
bədəndə və bədənlə əlaqəli ruh kontekstində işlətsə də bəzən ruhu da nəfsin
alternativi olaraq istifadə edir. “Ərşiyyə” əsərində ruhu digər əsərlərində
nəfsi işlətdiyi mənada istifadə edir. Buna baxmayaraq “buxar ruh” (ər-ruh əl49
İbrahim Bağırov
Sədrəddin Şirazinin nəfs konsepsiyası
buxari) və qeyri-maddi/mücərrəd ruh (ər-ruh əl-mücərrəd) arasındakı fərqi
izah etdiyi zaman nəzərdə tutduğu məna nisbətən aydın olur. Ona görə buxar
ruh bədəndə cərəyan edən lətif bir cisimdir. Mücərrəd ruh isə buxar ruhdan
fərqli olaraq qeyri-maddi bir substansiya olub nə maddi nə də maddə ilə
əlaqəlidir. Buxar ruh təbiət elmlərində istifadə edilən metodlarla müşahidə
edilib öyrənilə bildiyi halda mücərrəd ruh ancaq intuitiv təcrübi yollarla dərk
oluna bilər [Shameli, 1994, s.33].
Şirazinin əsərlərində müşahidə olunan başqa bir yanaşma da nəfs və ruhun
insan təbiətinin fərqli mərtəbələrini ifadə etməsidir. Şirazinin Quran
təfsirindəki izahatı da bu fikri ifadə edir. Təfsirdə nəfsin mərtəbələrini
Quranın mənalarının mərtəbələri ilə müqayisə etdiyi zaman nəfsin yeddi
mərtəbəsinin olduğunu qeyd edir: təbiət (maddi), nəfs, ağıl, ruh, sirr, gizli
sirr (xafi), və ən gizli sirr (əxfa). Bu sonuncu dərəcə tanrının varlığına işarə
edərək onunla mükəmməl birliyi nəzərdə tutur. Bu mənada nəfs və ruh iki
müstəqil şey olmayıb substansial hərəkətlə gerçəkləşən ayrı iki insan varlığı
mərtəbələridir [Shameli, 1994, s.33-34]. Beləliklə demək mümkündür ki, nə
ruh nə də nəfs termini insanın varlığının əvvəlindən sonuna qədər tək
vücudda substansial hərəkətlə qət etdiyi varlıq dərəcələrini təkbaşına ifadə
etməyə yetərli deyil. Nəfs insan varlığının əvvəlindəki vəziyyətini ruh isə
maddədən ayrıldıqdan və ya mücərrədləşdikdən sonrakı halını ifadə etmək
üçün istifadə edilir. Ancaq nəfs sadəcə insanı deyil, digər canlı formalarını da
ehtiva edir.
Ümumiyyətlə bu terminlər arasındakı fərqi xülasə etməli olsaq belə deyə
bilərik ki, islam fəlsəfəsində, xüsusilə mütəaliyə fəlsəfəsində, “ruh” deyərkən
heç bir maddəyə bağlı olmayan insanın həqiqətini təşkil edən şey nəzərdə
tutulur. Buna görə, məsələn, bərzəx aləminə “ruhlar aləmi” də deyirlər. Bu
mənada insanın həqiqətini təşkil edən qeyri-maddi substansiya bədənlə
əlaqəsini kəsdikdən sonra ruh adlandırılmış olur, bədənə birləşdiyində isə
“nəfs” olaraq adlandırılır [Kərəci, 1392, s.139-140]. Yəni İslam filosofları
ruhla nəfs arasında hər hansı fundamental fərq görmürlər. Bu kəlmələrin hər
ikisi insanın həqiqətinə işarə edir; biri, yəni ruh, bədənə daxil olmazdan
öncəki və ya ondan ayrıldıqdan sonrakı müstəqil substansiyanı, digəri, yəni
nəfs isə bədənə birləşib onu idarə edən substansiyanı nəzərdə tutur. Şirazi
baxımından isə bu kontekstdə ruhun maddədən tam mücərrədləşib bədəndən
ayrılaraq əqli mərtəbəyə çatan insan varlığı mərtəbəsi olduğunu deyə bilərik.
3.Nəfsin varlığının isbatı
Şiraziyə görə “ünsürlər həyat və ruhu qəbul etmək üçün yaradılmışdır”.
Maddi varlıqlar içində həyat sahibi olan şeylər isə bitki, heyvan və insan
nəfsləridir. Bu üç fərqli mahiyyətin həyat əlamətləri isə müvafiq olaraq
qidalanma, inkişaf və çoxalma; hiss və hərəkət; və ağıl və mühakimə
50
“Metafizika” Journal
2023, vol 6, issue 4, serial 24, pp.47-64
qabiliyyətləridir. Bu həyat şəkillərinin hər biri də mükəmməllik (kamal)
forması olub bu forma vasitəsilə həyat əlamətləri istifadəsində olan güclər
yolu ilə maddəyə verilir. Bu həyat əlamətlərinin səbəbi olan həmin bu
surətlər də “nəfs” adlandırılır. Bu üç nəfs mərtəbələrindən ən aşağı dərəcədə
olan nəbati (bitki), ortancılı heyvan, ən üstünü isə natiq (düşünən) nəfs yəni
insan nəfsidir. “Nəfs” kəlməsi də bitki, heyvan və insan nəfslərini ifadə
etmək üçün istifadə edilən müştərək bir addır [Şirazi, 1382, s.6].
Bitki, heyvan və insanı ehtiva edəcək mənada nəfsin varlığını Şirazi onun
fərqli funksiyaların səbəbi olması ilə isbat edir.
“Nəfsin varlığının isbatına gəldikdə: Biz müəyyən cisimlər müĢahidə
edirik ki, onlardan iradələrindən asılı olmadan hiss, hərəkət, qidalanma,
böyümə və çoxalma (nəsil artırma) kimi fərqli fellər (funksiyalar) ortaya
çıxır. Bu funksiyaların prinsipi (qaynağı) ilk maddə deyildir. Çünki o (ilk
maddə) sırf qəbuledicidir və fel və təsir cəhətinə sahib deyil. Həmçinin
(bütün) cisimlərin ortaq sahib olduğu cisim surəti də (bu fellərin səbəbi) ola
bilməz. Ona görə ki, elə cisimlər vardır ki, bu (fərqli funksiyalara sahib
olan) cisimlərdən fərqlidirlər və bəzən də bu fellərin qaynağı kimi vəsf
edilmirlər. Beləliklə bu cisimlərdə cisimlikləri xaricində və içində cisimlər
olmayan baĢqa prinsiplər vardır. Əks təqdirdə çəkinilən irad təkrar keçərli
olar. Bu halda o bir gücdür ki, o cisimlərə bağlıdır; qüvvə və fel bəhsindən
bildiyin kimi biz fərqli Ģəkillərdə və üsullarda funksiyalar icra edə bilən fail
gücü nəfs adlandırırıq. Bu kəlmə də bu gücə nəzərən verilmiĢ bir addır
(nəfsin) bəsit zatına nəzərən deyil [ġirazi, 1382, s.6-7]”
Göründüyü kimi Sədrəddin Şirazi İbn Sina və digər bir çox filosof kimi
canlı varlıqların adi cansız cisimlərdən fərqli olduğu fikrindədir. Bu
fərqliliyin də varlıqların hərəkətlərində müşahidə edildiyini qeyd edirdi. O,
ümumi mənada nəfsin varlığını ortaya qoymağı hədəfləyən bu dəlilində
cisimləri yerinə yetirdikləri funksiyalarına və ya davranışlarına görə iki fərqli
sinifə ayırır. Elə cisimlər vardır ki hər bir zaman və istənilən şərtlər altında
müəyyən bir dəyişməz funksiyanı yerinə yetirirlər. Bəzi başqa cisimlərin isə
icra etdiyi funksiyalar və ya onlarda müşahidə edilən davranışlar dəyişir.
Buna görə də cisimlər fel və təsir baxımından bir-birlərindən fərqlənirlər.
Fellərin fərqliliyi isə növün fərqli olmasından qaynaqlanır. Ona görə, bu
fərqlilik cisimlikdən qaynaqlana bilməz. Çünki cisimlər cisim olmaq
baxımından ortaqdırlar. Əgər bir cisim cisim olması cəhətindən bir
funksiyanı yerinə yetirirsə bu digər eyni kateqoriyadan olan şeylərdə də
ortaya çıxmalıdır. Halbuki müşahidələr bunu göstərmir.
Şirazi əvvəlcə canlılarda müşahidə etdiyimiz hiss, hərəkət, qidalanma,
böyümə və nəslin və ya növün davam etdirilməsi kimi xüsusiyyətlərə işarə
edir. Bunlar canlılarda müşahidə etdiyimiz həyat əlaməti daşıyan
51
İbrahim Bağırov
Sədrəddin Şirazinin nəfs konsepsiyası
funksiyalardır. Başqa cür ifadə etsək bu funksiyalar ancaq canlı varlıqlarda
müşahidə edilir. Məsələn, canlı bir ağac ilə qurumuş bir ağacı və ya taxta
parşasını müqayisə etdikdə məlum olur ki, quru ağac və ya taxta parçası canlı
bitkidən fərqli olaraq canlılıq əlaməti olan qidalanma, böyümə və çoxalma
kimi xüsusiyyətlərə sahib deyil [Baran, 2021, s.13]. Digər bitki, heyvan və
insan növlərinin başqa cansız varlıqlarla xüsusiyyələri və ya funksiyaları
baxımından müqayisəsi də bu iki kateqoriya arasındakı müxtəlifliyi təsdiq
edir. Beləliklə canlı və cansız varlıqların hərəkət və funksiyaları bir-birindən
fərqlənir.
Canlı və cansız varlıqların hərəkətlərindəki fərqlilik canlıların
hərəkətlərinin və funksiyalarının müxtəlifliyidir. İnsan, heyvan və bitki
növlərinə aid olan varlıqlarda fərqli hərəkətlər ortaya çıxır. Məsələn, bitki
böyüyür, çiçək açır, meyvə verir, çoxalır. Heyvan və insan da qidalanır,
inkişaf edir, nəsil artırır, oturur, gəzir, danışır, düşünür və s. Cansız
varlıqlarda isə bu qəbildən olan fərqli fəaliyyətlər müşahidə edilmir. Od
yandırma xüsusiyyətinə sahibdir və həmişə yandırır, bəzən yandırıcı, bəzən
isə yandırıcı olmayan olmur. Su da həmçinin həmişə soyudur [Baran, 2021,
s.13].
Canlılarda bu fərqli funksiyalar həmişə failin iradəsindən asılı olaraq
meydana gəlmir. İnsan və heyvanlarda iradə gücünün təsiri ilə meydana
gələn xüsusiyyətlər olsa da canlı olmaları baxımından sahib olduqları
funksiyalar iradədən asılı olaraq gerçəkləşmir. Məsələn, İnsan və ya heyvan
qarşısında dayanan bir obyektə baxdığı zaman onu görür. Bir şeyə toxunduğu
zaman onu hiss edir. Bu xüsusiyyətlərin heç biri iradə ilə tənzimlənmir. İnsan
bir şeyə toxunduğu zaman onu birbaşa hiss edir. Əlbəttə, toxunub
toxunmamağa qərar verə bilər, ancaq toxunduğu zaman hiss edib etməməyə
iradəsi qərar vermir. Bitkilərdə də müşahidə edilən hərəkətlər bu qəbildəndir.
Ağac, məsələn, yazda yarpaq açır, inkişaf edir, payızda solur yarpaqlarını
tökür. Bu proseslərin baş verməsi müəyyən bir şəraitdə mümkün olur və
ağacın istəyindən asılı olaraq baş vermir. Yuxarıda “Əsfar”dan verdiyimiz
iqtibasda Şirazi iradədən asılı olmadan baş verən hərəkətlər dedikdə [Şirazi,
1382 h, s.6] yəqin ki bunu nəzərdə tutur.
Bunlardan başqa, həyat əlaməti və ya canlılıq göstəricisi olan hərəkət və
funksiyalara sahib olan prinsiplər bunlara sahib olmayan şeylərdən fərqli
olaraq bir-birinə zidd hərəkətlərin də prinsipidir. Məsələn, insan nəfsi idrak
prosesində idrakın mənbəyi olduğu üçün dərk edilən şeylərin təsiri ilə
təsirlənir. İdrak edilən obyektin surəti nəfsdə bir dəyişiklik meydana
gətirərək onda yeni bir hal yaradır. Bu mənada nəfs passiv təsirlənəndir.
Təsiri qəbul etdiyi üçün də qüvvə halındadır. Digər tərəfdən isə aktivlik və
hərəkət tələb edən qidalanma, böyümə və çoxalma kimi hərəkətlərin prinsipi
52
“Metafizika” Journal
2023, vol 6, issue 4, serial 24, pp.47-64
olduğu üçün aktualdır (bil-fel). Beləliklə insan nəfsi bir-birinin ziddi olan
aktivlik və passivlik ilə potensial və aktual meydanagəlmələrin qaynağını
təşkil edir [Baran, 2021, s.13].
Sədrəddin Şirazi bu fərqli fellərin səbəbini araşdırdığı zaman bu səbəbin
ilk maddə və cisim surəti olması ehtimalını istisna edir. İlk maddəyə
gəldikdə, ona görə, maddə sırf qəbuledicidir. O, müəyyən bir şey ola bilməsi
üçün formaya ehtiyac duyur. Forma və ya surətlə birləşmədikdə özü
özlüyündə potensiallıq xaricində bir məna ifadə etmir. Şiraziyə görə, cisim
surəti də ilk maddə kimi canlılardakı dəyişkən hərəkət və funksiyaların
prinsipi ola bilməz. Çünki bu surət canlı cansız fərqi olmadan bütün şeylərdə
mövcuddur. Əgər bu müxtəlif hərəkətlərin qaynağı cisim surəti olmuş
olsaydı o zaman həmin hərəkətlər bütün cisimlərdə olmalı idi. Ancaq bəzi
cisimlər xaric bu xüsusiyyətlər hər varlıqda müşahidə edilmir.
Bunlardan başqa canlılardakı müxtəlif hərəkət və funksiyaların səbəbinin
mücərrəd ağıllar olması ehtimalı da doğru qəbul edilmir [Baran, 2021, s.14].
Bu ehtimala etiraz edilməsinin səbəbi maddədən müstəqil olan mücərrəd
ağılların bütün cisimlərlə münasibətinin eyni olmasıdır. Bütün cisimlərə
nisbəti eyni olan mücərrəd ağıllar bu tip hərəkət və funksiyaların səbəbi
olsaydı cisim surəti ehtimalında deyildiyi kimi bu funksiyaların bütün
cisimlərdə meydana gəlməsi lazım olardı. Halbuki bütün cisimlərdə fərqli
növ hərəkət və funksiyaların meydana gəlmədiyini görürük. Buna görə də
Şirazi bu fərqli növ hərəkət və funksiyaların səbəbinin maddə və cisim
surətindən, eləcə də, mücərrəd ağıldan başqa bir şey olduğunu ifadə edir.
Ona görə bu güc nəfsdir. O, nəfs adının nəfsin mücərrəd varlığına deyil bu
gücə nəzərən verilmiş bir ad olduğunu da vurğulayır. Bu güc də maddi
təbiətlə əlaqəlidir. Yəni nəfs maddi təbiətə nisbətlə nəfs deyilən şeyə verilmiş
bir addır. Başqa sözlə bu termin bədənlərdə bədənə cansız varlıqlarda
olmayan bir sıra əlamətlərə sahib olmaq və fərqli funksiyaları yerinə
yetirmək imkanı yaradan bir güc və ya həyat prinsipinə verilən bir addır [AlKutubi, 2015, s.69]. Buna görə də nəfs təbiət fəlsəfəsinin mövzusu kimi
qəbul edilmiş və metafizikada deyil, fizikada ələ alınmışdır. Lakin bu o
mənaya da gəlmir ki o, nəfsi sırf maddi bir şey hesab edir. Şirazi də İbn Sina
kimi naturalistlərin iddia etdiyi nəfsin bədənin və ya maddi ünsürlərin xüsusi
bir kompozisiyasının nəticəsi və ya bu kompozisiya nəticəsində yaranan bir
şey olduğu fikrini də qəbul etmir [Al-Kutubi, 2015, s.69]. Bu mövzuda Şirazi
İbn Sina kimi İslam filosofları ilə eyni fikirdədir. Ancaq bədəndəki bu
canlılıq prinsipinin bədənlə əlaqəsinə dair izahlarında Şirazi ilə digər
filosoflar arasında fikir ayrılıqları ortaya çıxır. Fərqli fikirdə olduğu məsələ
isə nəfsin bu mərhələdə maddəyə nisbətdən başqa yəni maddi təbiətdən
başqa varlığının olub olmamasıdır. İbn Sina ya görə varlığının başlanğıcında
53
İbrahim Bağırov
Sədrəddin Şirazinin nəfs konsepsiyası
nəfs bədənlə birlikdə ortaya çıxsa da mücərrəd varlığa da sahibdir. Yəni
varlıq baxımından müstəqildir. Şirazi isə başlanğıcda nəfsin baddədən
müstəqil varlığa malik olmasını mümkün hesab etmir. Ona görə yaranışında
nəfs maddi təbiətdən başqa bir şey deyil. Yuxarıda qeyd etdiyimiz
naturalistik nəfs fikri ilə bənzər səslənsə də əslində eyni deyil və ya bu
bənzərlik ancaq bədənin nəfsin varlığa gəlməsindəki səbəb olma roluna
aiddir. Ona görə nəfs maddi bədəndə ortaya çıxıb ona bağlı olsa da təkamül
edərək maddədən müstəqil qeyri-maddi varlığa çevrilir [Malikov, 1390,
160].
4.Nəfsin tərifi
Filosoflara görə nəfsin həqiqətini dərk etmək və mücərrəd varlıq olması
baxımından onu tərif etmək olduqca çətin və hətta bəzilərinə görə hissi
idraka əsaslanan bilik ilə qeyri mümkün bir işdir. İbn Ərəbiyə görə nəfsin
həqiqətini başa düşmək heç bir filosofa və alimə müəssər olmamışdır. Bu
mənada ancaq peyğəmbərlər, vəlilər və böyük sufi ariflər istisna edilir. Yəni
ancaq bu qruplara daxil olan insanların nəfsin zatını və ya həqiqətini bilə
biləcəyi qəbul edilir. Bu insanların biliyi və bilik əldə etmə yollarının fəlsəfi
deyil vəhyani və ya ilham tərzi olduğu da məlumdur. Bu səbəbdən
qaynaqlanaraq İbn Sina, Şirazi və başqa filosofların nəfsi tərif etməsi onun
maddə və ya bədənlə olan münasibətinə nəzərəndir. Bu təriflər nəfsin
müstəqil, mücərrəd bir substansiya olması baxımından verilmiş təriflər
deyildir. Şiraziyə görə şeylərə verilən adlar bəzən zati yəni o şeyin
mahiyyətinə əsasən bəzən isə ərəzi yəni başqa bir şeyə nisbətlə, o şeyin öz
təbiəti əsas alınmadan verilir. Məsələn insan adı insanın öz mahiyyəti ilə
bağlı bir addır. Bəzi insanlar üçün istifadə edilən yazıçı adı isə ərəzi bir
addır. Yazıçı insanın yazarlıq xüsusiyyətinə əsasən ona sonradan verilən bir
addır. Bənzər şəkildə nəfs adı da artıq toxunduğumuz kimi bədənə nisbətlə
verilmiş bir addır [Al-Muslim, 2009, s.96].
Nəfsin tərifi ilə bağlı ilk növbədə qeyd etmək lazımdır ki, İslam filosofları
bu məsələdə demək olar ki Aristotelin yolu ilə gediblər. Aristotelin nəfs
anlayışından bəhs edərkən gördük ki, yunan filosofunun “De anima”da nəfsə
verdiyi tərifə görə nəfs “potensiyal həyata sahib təbii cismin, yəni orqanları
olan bir cismin ilk mükəmməlliyi və ya entelexiyasıdır” [Aristotel, 2001,
s.66]. Aristotelin “De anima”dakı bu tərifi açıq şəkildə nəfsin üzvi bədənin
forması və ya funksiyası olduğunu ortaya qoyur. Bundan başqa, daha vacibi,
bu tərif nəfsin bədəndən müstəqil ayrıca bir varlıq kimi var ola bilməsi
fikrini istisna edir [Rəhman, 1975, s.164]. Aristotel nəfsin bədənin
mükəmməlliyi olub bədənlə birlikdə məhv olacağı ilə bağlı qənaətində
qərarlı olsa da ağıl gücünün bədəndən sonrakı vəziyyəti məsələsində qərarsız
görünür. Buna baxmayaraq onun mücərrəd ağlın fiziki bədənin ölümündən
54
“Metafizika” Journal
2023, vol 6, issue 4, serial 24, pp.47-64
sonra yox olmayacağına inandığı ehtimal edilir. Aristotelin böyük şərhçisi
Aleksandr Afrodis isə Aristotelin bu fikrini daha aydın ifadə edərək müdafiə
edir; ona görə insan ağlı əbədi varlıqları düşünməsi ilə əbədiyyət qazanır
[Rəhman, 1975, s.164].
İslam dünyasındakı filosoflara təsiri böyük olan Plotin isə nəfsin
entelexiya olmasına dair aristotelist anlayışı qəbul etmirdi [Plotinus, 2018,
s.379]. O, platonik nəfs anlayışına xas bir tərzdə nəfsin bədəndən öncə var
olduğu və ondan sonra da var olacağı fikrində idi. Aristotel və Platonun
sintezini qarşısına məqsəd qoyan neoplatonist məktəblərdə isə bu iki
filosofun fikirləri uyğunlaşdırılaraq bədənin entelexiyası olmaqla bərabər
ölümsüzlük qazanan nəfs konsepsiyası hazırlandı [Rəhman, 1975, s.164].
Müsəlman peripatetiklərin ən tanınmış nümayəndəsi İbn Sina nəfsi bitki,
heyvan və insan nəfslərini ehtiva edən mənada “təbii cismin potensial həyat
sahibi olmaya dair mükəmməlliyi” olaraq tərif edirdi. İnsan və səmavi
varlıqlara aid olan bir mənada isə nəfs maddi cisim olmayan bir
substansiyadır. Ona görə nəfs düşünməyə aid, yəni aktual (bil-fel) potensial
ağlı olan bir prinsipi seçmə yolu ilə onu hərəkət etdirən bir cismin kamalıdır.
Potensial, güc halında olan bəşəri nəfsin fəslidir, aktual halda olan isə
mələklərə aid nəfsin fəsli və ya xassəsidir [İbn Sina, 2013, s.30]. Sədrəddin
Şirazi də nəfsi “potensial həyata sahib, orqanları olan təbii cismin ilk
mükəmməlliyi” olaraq tərif etmişdir. Görünür Sədrəddin Şirazi də sələfi İbn
Sina kimi nəfsin tərif edərkən Aristotelin nəfsin entelexiya olmasına dair
tərifini təməl qəbul etmişdir.
Təriflərdən gördüyümüz kimi nəfsin tərifində “mükəmməllik”, “təbii
cisim”, “orqan” və “potensial” ifadələrindən istifadə edilmişdir. Nəfs niyə
“mükəmməllik” olaraq tərif edilir və ya nəfsin tərifində nə üçün
“mükəmməllik” kəlməsindən istifadə edilir?
İbn Sinaya görə şeyin surəti onun ilk mükəmməlliyidir. Səbzəvari də
“mükəmməllik”lə nəzərdə tutulan şeyin “aktuallıq qazandıran” bir şey
olduğunu ifadə etmişdir [Al-Müslim, 2009, s.98]. Yəni mükəmməllik
formadır. Çünkü var olan şeylər forma sayəsində aktuallıq qazanaraq
olduqları şey olurlar. Əgər belədirsə, yəni mükəmməllik formadırsa o zaman
nə üçün nəfs forma deyil kamal olaraq adlandırılmışdır. Hilli “Kəşfulmurad” adlı əsərində nəfsin bədəndə bir hal olmadığını ifadə edir [Hilli,
1988, s.161]. Yəni nəfs surət kimi bədəndə həkk olunmuş bir şey deyil. Buna
görə də o bədənin surəti və ya forması yox kamalıdır. Forma ilə
mükəmməllik arasındakı fərqi daha aydın izah edən İbn Sina bütün surətlərin
mükəmməllik olduğunu, amma bütün mükəmməlliklərin forma olmadığını
qeyd edir. Məsələn bir şəhərin hakimi onun kamalı olduğuna baxmayaraq
55
İbrahim Bağırov
Sədrəddin Şirazinin nəfs konsepsiyası
onun forması deildir [Al-Müslim, 2009, s.98]. Nəfsin bədənlə münasibəti də
bu şəkildədir.
Bundan başqa filosoflar mükəmməlliyi birinci və ikinci olaraq iki
kateqoriyaya ayırırlar. Birinci kateqoriyaya daxil olan mükəmməlliklə
insanlıq kimi müəyyən bir növ yaranır. İkinci kateqoriyadan olan
mükəmməlliklər isə yaranmış növə sonradan birləşən xüsusiyyətlərdir.
Məsələn, qılıncın forması onun birinci mükəmməlliyi, itiliyi isə ikinci
kamalıdır. Bu ikinci kateqoriyadan olan mükəmməllik növü yaratmır, əksinə
artıq mövcud olan şeyə əlavə bir sifət olmuş olur. Nəfs də nəfsi olduğu cismi
yaratmış olur. Bitki nəfsinə sahib olan cisim bitki, heyvan nəfsinə sahib olan
heyvan və insan nəfsinə sahib olan varlıq da insan olmuş olur. Bunların hər
biri də ayrıca bir növdür. Buna görə də nəfs birinci kateqoriyadan olan
mükəmməllik hesab edilmişdir. Bu nəfslərin sonradan qazandıqları
xüsusiyyətlər isə ikinci kateqoriyadan olan mükəmməlliklərdir.
Nəfsin tərifindəki digər bir ifadə “cisim”lə isə təbii cisim nəzərdə tutulur.
Təbii cisim deməklə stol, stul kimi süni cisimlər tərifdə istisna edilir. Bundan
əlavə nəfs bütün təbii cisimlərin mükəmməlliyi olmadığına görə tərifdə nəfs
alət və ya orqanlar vasitəsiylə özündən ikinci kateqoriyadan olan
mükəmməlliklərin çıxması mümkün olan təbii cismin mükəmməlliyi hesab
edilir. Yəni nəfs od və hava kimi orqanları olmayan cisimlərin kamalı
deyildir.
Tərifdə vurğulanan orqan və ya alət isə Şiraziyə görə bədənin zahiri
əzaları deyil, nəfsin özündə olan güclərdir. Məsələn, bitkilərdə olan
qidalanma, çoxalma, digər canlılardakı xəyal, hisslər və düşüncə nəfsin
gücləridir [Şirazi, 1382, s.18]. Tərifdəki potensiyal həyatla da cismin özü
baxımından həyata sahib olmadığına işarə edilir. Cisim nəfs vasitəsiylə həyat
qazandığına görə onun həyatı qazanılmışdır [Al-Müslim, 2009, s.99].
Yuxarıda qeyd etdiyimiz kimi, Sədrəddin Şirazi nəfsin tərifində yer alan
orqanlar ifadəsi ilə əl, ayaq və digər üzvlər kimi fizioloji əzaların nəzərdə
tutulmadığını bildirir. Ona görə orqan dedikdə nəfsin icra etdiyi müxtəlif
funksiyaları mümkün edən güclər nəzərdə tutulur. F. Rəhmana görə Aristotel
orqanlara sahib olmayı təbii bədənə aid etməklə nəfsi bədənin funksiyası
kimi qəbul edirdi. Şirazi isə orqanları nəfsin gücləri kimi qəbul etməklə
radikal bir şəkildə Aristoteldən ayrılmışdır [Rahman, 1975, s.197-198].
5.Nəfsin yaranması və bədənlə münasibəti
Sədrəddin Şirazinin İslam fəlsəfəsində irəli sürdüyü ən orijinal
nəzəriyyələrdən biri nəfsin yaranması ilə bağlıdır. Nəfsin yaranmasına dair
onun məşhur tezisi nəfsin yaranışında cismani varlığının davamında isə
ruhani (cismaniyyətul-hudus ruhaniyyətul-bəqa) olması şəklində ifadə edilir.
Şirazi “Hikmətul-ərşiyyə” əsərində bu barədə deyir:
56
“Metafizika” Journal
2023, vol 6, issue 4, serial 24, pp.47-64
“Varlığının baĢlanğıcından gedəcəyi son nöqtəyə qədər düĢünən nəfs üçün
bir çox məqam və dərəcələr vardır. Ġnsan nəfsi zati varlıq nəĢətlərinə və
varlıq tərzlərinə sahibdir. O, varlığının baĢlanğıcında cismani bir
cövhərdir. Sonra varlığı addım-addım Ģiddətlənir və zatı ilə qaim olan
varlıq tərzlərini əldə edir. Bu dünyadan axirət aləminə köçür və beləliklə
rəbbinə qovuĢur. O, yaranıĢında cismə bağlıdır; varlığını davam
etdirməkdə isə ruhanidir. Nəfsin varlığında ilk meydana gələn cismani bir
Ģeydir. Sonra təbiətin sutəri və mərtəbələrinə uyğun olaraq hiss edən nəfs,
sonra düĢünən nəfs, sonra xatırlayan nəfs, sonra da danıĢan nəfsə çevrilir.
Praktiki ağıl yarandıqdan sonra potensial ağıl həddindən aktual ağıl və
oradan da aktiv ağıl dərəcəsinə yüksələrək nəzəri ağıl olur [Şirazi, 2022,
s.48].”
Şiraziyə görə nəfs varlığını cismani formada başlayır [Malikov, 2016,
s.209]. Daha sonra varlığında baş verən dəyişikliklərlə maddi varlıqdan
mərhələli şəkildə uzaqlaşıb qeyri-maddi substansiyaya çevrilir. Ona görə
insan təbiəti fərqli mərtəbələr ehtiva edən dinamik bir gerçəklikdir. O,
varlığın fərqli mərtəbələrə sahib olması kimi insanın varlığı da müxtəlif
varlıq dərəcələrindən ibarətdir. Ancaq bu varlıq halları insanın varlığının
əvvəlində aktual olaraq yox potensial olaraq mövcuddur. Varlığın əvvəlində
nəfs maddədir, ancaq substansial hərəkət sayəsində maddi varlığını tərk
edərək ruhaniliyə doğru təkamül edir. Şiraziyə görə ondan əvvəlki filosoflar
varlığın həqiqətini anlamadıqlarına görə nəfsin yaranışı və bədənlə
arasındakı münasibətlə bağlı çətinliklə qarşılaşaraq xətalı fikirlər irəli
sürüblər [Tahiri, 1393, s.144]. Bu səbəbdən Şirazi nəfsin hüdusu ilə bağlı
özünə qədərki nəzəriyyələri qəbul etməmişdir.
Məlum olduğu kimi İslam filosofları nəfsin yalnız mükəmməlləşdiyi
zaman deyil yarandığı zaman da bəsit varlıq olduğunu qəbul edirdilər. İbn
Sina belə nəfsin bədən ortaya çıxdığı zaman yarandığını desə də, ona görə
nəfs əvvəldən mücərrəd varlıqdır. Şiraziyə görə isə bəsitlik hüdus (yaranış)
anlayışına ziddir (Şirazi, 1382, s.399). Çünki əgər olmayan bir şeyin
meydana gəlməsindən söhbət gedirsə o şey meydana gəlməzdən onun
potensialı var deməkdir. Bu da həmin potensial və istedadı daşıyan maddəni
zəruri edir. Beləliklə, desək ki, nəfs hüdus edir, onun maddə və surətdən
əmələ gəldiyini qəbul etmiş oluruq. Maddə və surətdən təşkil olunması da
nəfsin bəsitliyi ideyası ilə ziddir [Tahiri, 1393, s.144]. Bundan başqa insanın
varlığının başlanğıcında maddədən mücərrəd ruhani varlıq olması onun
bədənlə birlikdə olması fikri ilə də uyğun gəlmir. Əgər nəfs varlığının
başlanğıcında mücərrəd və bəsit varlıqdırsa o halda bədənin maddi
təsirlərindən təsirlənməməlidir. Eyni zamanda bəsitlik nəfsin birliyini zəruri
57
İbrahim Bağırov
Sədrəddin Şirazinin nəfs konsepsiyası
edir, bu isə bədənlər vasitəsiylə çox olmasını imkansız hala gətirir [Şirazi,
1382, s.399].
Buna görə Şirazi nəfsi varlığının əvvəlində ruhani deyil maddi varlıq
hesab edir. Ona görə nəfs maddədə, bədənin substansial hərəkəti nəticəsində
yaranan varlıqdır. O da nəfsin özü baxımından ruhani olduğunu qəbul edir,
ancaq bu ruhanilik nəfsin maddəsinin tədrici təkamülünün sonunda meydana
gəlmişdir. Yəni nəfslə bədən arasında həqiqi dualizim mövcud deyil.
Fəlsəfədəki ümumi qəbul olunmuş qaydaya görə eksternal dünyada maddə
və surət, cins və fəsillə eyni şeydir. İnsanın surəti də onun təbii cisminin
forması olan natiqlikdir. Maddə ilə surətdə olduğu kimi nəfslə təbii cisim
bədən də bir-birindən ayrılması imkansız olan bir bütövdürlər. Yəni nəfsin
bədənlə münasibəti kapitan ilə gəminin münasibəti kimi idarə edənlə idarə
edilən arasındakı aksidental əlaqəyə bənzər deyil. Əksinə növlə fəsli və
bədənlə forması arasında olduğu kimi hər ikisi vahid bir varlığa sahibdirlər
[Malikov, 2016, s.209]. Əgər onlardan birinin ruhani, digərinin isə maddi
olduğunu təsəvvür etsək, maddi ilə qeyri-maddi şeyin əlaqəsinin
imkansızlığına görə bərabərliklərini və ya qarşılıqlı təsir etmə gücünə sahib
olduqlarını inkar etmiş olarıq. Halbuki, nəfslə bədənin bərabərliyi inkar
olunmazdır. Ona görə, bu da nəfsin yaranışında cismani substansiya
olduğunu ortaya qoyur. Cismani substansiyadan ruhani varlığın təkamül
etməsi də substansial hərəkətin bir növ isbatıdır. Sədrəddin Şiraziyə görə
ondan əvvəlki filosoflar bu vacib prinsipi başa düşmədikləri üçün nəfsin
yaranması və aqibəti barədə yanlış fikrə gəlmişlər. Bəziləri nəfsin
mücərrədliyini, bəziləri (maddi) bədəndən sonra ölümsüzlüyünü inkar etmiş,
hətta tənasüxü (ruh köçü) qəbul edənlər də olmuşdur [Şirazi, 1382, s.400401].
Nəfsin yarandığını qəbul etməklə Şirazi onun bədəndən müstəqil
substansiya olması fikrini rədd edir. Nəfsin bədəndən müstəqil olduğunu
qəbul etmək bir mənada onun əzəldən var olduğu fikrinə gətirib çıxarır.
Həmçinin əzəli olmasını qəbul etməklə də platonistlərin dediyi kimi müstəqil
substansiya olduğunu qəbul etmiş oluruq. Bədəndən müstəqil substansiya
olmasını qəbul etməklə də bədənlə nəfsin bir-birinə zidd iki fərqli
substansiya olması fikrinə gəlib çıxırıq ki, burada da “nəfs-bədən problemi”
ortaya çıxır: maddi ilə qeyri-maddi necə bir araya gələrək qarşılıqlı
əlaqələrinin mümkün olduğu bir birlik meydana gətirir. Sədrəddin Şiraziyə
görə əgər insan nəfsi bədəndən müstəqil qeyri-maddi substansiya olsaydı
onun onun bədənlə birlikdə olması qeyri-mümkün olardı [Zarkasyi, 2009,
s.342]. Çünki maddi ilə mücərrədin qarşılıqlı təsirdə olması və bərabərliyi
imkansızdır.
58
“Metafizika” Journal
2023, vol 6, issue 4, serial 24, pp.47-64
Lakin maddi bədəndə yaranan nəfsin maddi bədənlə münasibəti hər hansı
maddi surətin maddəsi ilə olan münasibəti kimi deyil. Maddə ilə surət
arasındakı münasibət ittihadidir. Yəni maddə və surət bir-birindən ayrılması
mümkün olmayan formada birliyə sahibdirlər və bu birlik həqiqətdə iki
müstəqil varlığa sahib olan şeylərin birləşərək mürəkkəb bir kompozisiya
yaratmasından fərqlidir. Bunlar bir-birinə nüfuz edərək vahid bir şeyi təşkil
edirlər. Forma maddəsinə birbaşa təsir etmə imkanına sahibdir. Nəfs isə
başqa güclərin vasitəçiliyi ilə maddə üzərində iş görə bilən bir gücdür. Buna
görə də Şirazi nəfsi maddi bədənin orqanları vasitəsi ilə fəaliyyət göstərən
entelexiyası hesab edir və orqanların burada maddi orqanlar olmadığına
əksinə qidalanma, qəzəb, şəhvət kimi nəfsani güclər olduğunu deyir
[Zarkasyi, 2009, s.343]. Bunlar da nəfsin həqiqi bədənini təşkil edir.
Beləliklə nəfslə bədən arasında əlaqə təsadüfi və aksidental olmayıb məntiqi
və birgə var olma tərzində bir əlaqədir. Bədən nəfsin həmişəlik yaşaya
biləcəyi bir kontekstdir [Farah, 2019, s.326]. Nəfs maddi yaranıb ruhaniliyə
doğru hərəkət etdiyi kimi fiziki bədən də nəfsin aləti mənasında insanın
varlığının başlanğıcında maddidir. Sonra isə nəfsin təbiətinə uyğun olaraq
formalaşır. Çünki S.Şiraziyə görə nəfsin həqiqi bədəni onun təbiətindəki
güclərdir.
Nəfs filosofa görə fərqli varlıq şəkillərinə malikdir. O həm maddi bədəndə
yaranır, həm də ruhaniləşərək maddi bədəni tərk edir. S.Şiraziyə görə insanın
həqiqətini bədən təşkil etmir. İnsanın həqiqətini onun varlığını və
şəxsiyyətini təmin edən nəfsdir. Maddi bədən ruhani həqiqətə çevrilə bilməsi
üçün nəfsin aləti funksiyasını icra edir. Ölüm də, şiraziyə görə maddi
bədənin funksiyasını icra edə bilməməyi və orqanların fəaliyyətini
dayandırması nəticəsində deyil nəfsin bədəni tərk etməsi nəticəsində baş
verir [Farah, 2019, s.327]. Beləliklə ölüm nəfsin substansiyal hərəkətinin
təbii nəticəsidir.
6.Nəticə
Sədrəddin Şirazi Aristotelin nəfs tərifinə bağlı qalaraq onu “ilk
mükəmməllik” olaraq tərif edir. Ancaq Aristoteldən fərqli olaraq ona görə
nəfsin tərifindəki orqanlar fiziki əzaları deyil nəfsin güclərini nəzərdə tutur.
Nəfs-bədən əlaqəsi də bu güclər yolu ilə gerçəkləşir. Ümumiyyətlə nəfs və
bədəni mücərrəd və maddi olaraq iki fərqli substansiya olaraq qəbul etsə də
ona görə insan bu iki zidd varlıqların bir araya gələrək birləşməsindən ibarət
deyil. O, insan nəfsini axışqan (səyyal) və rəvan bir varlıq hesab edir. Bu
səyyal varlıq maddi olaraq yaranır, amma substansial hərəkət nəticəsində
ruhaniləşir. Beləliklə, Sədrəddin Şirazini maddi və qeyri maddi
substansiyaların varlığını qəbul etməsi baxımından prinsip olaraq dualist
adlandıra bilsək də insanın bu iki zidd substansiyanın birləşməsindən
59
İbrahim Bağırov
Sədrəddin Şirazinin nəfs konsepsiyası
yarandığını düşünmədiyi üçün dualist hesab etmək doğru deyil. O insanın iki
fərqli substansiyadan təşkil olunmasından çox insanın və ya insan nəfsinin
dualist təbiətə sahib olduğuna inanır; lakin bu ikili təbiət paralel olmayıb
iyerarxikdir.
ƏDƏBİYYAT
1. Abdul Ḥaq, M. (1970). The Psychology of Mullā Ṣadrā. Islamic Studies,
Vol. 9, No. 2, s. 173-181.
2. Al-Kutubi, E. S. (2015). Mulla Sadra and Eschotology Evolution of
Being. Routledge.
3. Al-Muslim, S. (2009). Ibdā„āt Ṣadr al-Dīn al-Shīrāzī al-falsafīyah, alnafs namūdhajan. Damascus: Neynava Publisher.
4. Aristotel. (2001). Ruh Üzerine, (trans. Zeki, Ö.). İstanbul: Alfa Yayınları.
5. Baran, S. (2021). Molla Sadrada Psikoloji: Ġlmun-nefs. Ön Söz
yayıncılık.
6. Daftari, A. (2010). Mulla Sadra and the mind-body problem: A critical
assessment of Sadra's approach to the dichotomy of soul and spirit,
Durham theses, Durham University. Available at Durham.
7. Farah, R. (2019). Death in the philosophy of Mullā Sadrā and
Schopenhauer. Asian Philosophy, 29:4, s.322-332.
8. Hilli, C. (1988). KəĢful-murad fi Ģərhi təcridul-etiqad. (1st ed.). Beyrut:
Muassisat al-Ilmi al-Matbuat.
9. İbn Sina. (2013). Tanımlar Kitabı (trans. Aygün, A.,& İclal, A.). Ankara:
Elis Publisher.
10. Kərəci, Ə. (1392). Estelahate fəlsəfi və təfavote anha ba yekdigər. Qum:
Bustane-ketab.
11. Khorassani, S. R. (1976). Mulla Sadra‟s Philosophy and Its
Epistemological Implications (Doctoral dissertation). Durham University.
12. Malikov, A. (1390 hş). Aql və iman az didgahe Ġbn Rushd,
Sadrulmutaalihin Shirazi, va Imanuel Kant. Markaz beynalmilali tarjuma
va nashr al-mostafa.
13. Malikov, A. (2016). Nəzəriyyəye ensane kamil az didqahe erfan va
fəlsəfe. Markaze Beynalmilali Tarcome va Nashr Almostafa.
14. Məmmədov, E. (2020). Ġzahlı Ġslam fəlsəfəsi terminləri lüğəti. Bakı:
“Nurlar” Nəşriyyat-Poliqrafiya Mərkəzi.
15. Nasr, S. H. (2009). Molla Sadra ve Ilahi Hikmat (trans. by Armaghan,
M.). İnsan Yayinlari. (Original work published 1978).
16. Plotinus. (2018). The Enneads. (ed. Lloyd P. Gerson). Cambridge
Univercity Press.
60
“Metafizika” Journal
2023, vol 6, issue 4, serial 24, pp.47-64
17. Rahman, F. (1975). The Philosophy of Mulla Sadra (Sadr al-Din alShirazi). State University of New York Press.
18. Shameli, A. A. (1994) The soul-body problem in the philosophical
psychology of Mulla Sadra (1571-1640) and Ibn Sina (980-1037)
(Doctoral dissertation). McGill University.
19. Shirazi, S. (1383 hş). al-Hikmatul-mutaaliya fil-asfaril-aqliyyatil-arbaa
[Ağlın dörd səfərinə dair hikməti mütəaliyə], Vol 8. SIPRIn Publications.
20. Shirazi, S. (2022). Arşa Ait Hikmetler (el-Hikmetül-Arşiyye). (Feyzi
Yiğit trans.). Ön söz yayıncılık.
21. Tahiri, I. (1393 hş). Nefs ve gevaye an ez didgahe Aristo Ġbn Sina ve
Sadruddin Shirazi. Qum: Bustane Ketab.
22. Zarkasyi, H. F. (2009). The Philosophy of Mulla Sadra Being a Summary
of His Book al-Hikmah al-Muta‟aliyah fi al-Asfar al-„Aqliyyah alArba‟ah. Journal Tsaqafah, vol. 5. No. 2. 325-351.
Концепция нафса Садраддина Ширази
Ибрагим Багиров
Абстракт. В истории философии психические состояния человека
объясняются главным образом с помощью понятия «нафс». В связи с этим
вопросом, обсуждаемого с периода древнегреческих философов имеются
различные теории. Древнегреческий философ Платон считал, что нафс
состоит из нематериальной субстанции, совершенно отличающейся от
материального тела и утверждал, что он может существовать независимо от
тела и вечен. Аристотель, не принимавший эту теорию, известную как
«субстанциальный дуализм», определял нафс как совершенство тела и, в
отличие от Платона, отрицал идею о его существовании раздельно от тела, а
также его бессмертие. А исламские философы соглашались с выводами
Аристотеля. Однако они, как и Платон, считали нафс нематериальной
субстанцией и утверждали, что человек состоит из материального тела и
нематериального нафса. Концепция нафса исламского философа эпохи
Сефевидов Садраддина Ширази во многом отличалась от его
предшественников. Подобно Ибн Сине и другим мусульманским философам,
Научный сотрудник и диссертант Института Востоковедения имени aкадемика Зии Буниятова НАНА; Баку,
Азербайджан
E-mail: ibbaghiroff@yahoo.com
https://orcid.org/0000-0002-2976-2119
Цитировать статью: Багиров, И. [2023]. Концепция нафса Садраддина Ширази. Журнал «Metafizika», 6(4),
с.47-64.
История статьи:
Статья поступила в редакцию: 31.08.2023
Отправлена на доработку: 18.09.2023
Принята для печати: 01.12.2023
61
İbrahim Bağırov
Sədrəddin Şirazinin nəfs konsepsiyası
он принимал аристотелевское определение нафса как «начальное
совершенство (ἐντελέχια) естественного тела с органами». Однако, по его
мнению, органы в определении - это не материальные части тела, а силы
нафса. В отличие от Платона, Ширази утверждал, что нафс не является
первичным и была создан позже. В отличие от Ибн Сины, утверждавшего что
нафс создается вместе с телом, Ширази отвергал идею о том, что нафс
является абстрактной сущностью. По его мнению, нафс обретает
существование в материальном теле. По мнению Ширази, хотя нафс создан
материально, со временем он меняется и становится духовной сущностью
благодаря существенному движению, которым обладает по своей природе.
В статье рассмотрена концепция нафса Садреддина Ширази,
анализировано ее понимание, определение, а также взгляды ученого на
созидание нафса и его связи с душой и телом.
Ключевые
слова:
нафс,
психофизиологическая
проблема,
субстанциальное движение, сотворение человеческих душ
SADRADDIN SHIRAZI’S CONCEPT OF SOUL
Ibrahim Baghirov
Abstract. Considering the history of philosophy, one can see that the mental
states of human beings are often explained based on the idea of the soul. The
essence of the soul, though, has been a matter of dispute since the Greek
philosophers, and various theories have been suggested. According to Plato, who
considered the soul to be made up of an immaterial substance completely different
from that of the body, it is capable of living without the body, has lived before it, and
will continue to do so following its death. Aristotle, however, rejecting Plato‟s
substantial dualist approach, defined the soul as the perfection of the body and,
unlike Plato, denied its preexistence and immortality. Islamic philosophers, although
accepting Aristotle‟s definition of the soul, regarded it as an immaterial substance
and saw the human being as a composition of soul and body. Safavid period Islamic
philosopher Sadraddin Shirazi put forward a new soul theory different from those of
his predecessors. Like Ibn Sina and other Muslim philosophers, he accepted the
Aristotelian definition of the soul as “the first actuality of a natural body equipped
with organs”. However, to him, the organs in the definition are not material body
parts but powers of the soul. Unlike Plato, he considered the soul originated.
Researcher and PhD student of the Institute of Oriental Studies named after academician Ziya Bunyadov of ANAS;
Baku, Azerbaijan
E-mail: ibbaghiroff@yahoo.com
https://orcid.org/0000-0002-2976-2119
To cite this article: Baghirov, I. [2023]. Sadraddin Shirazi‟s Concept of Soul. “Metafizika” journal, 6(4), pp.47-64.
Article history:
Received: 31.08.2023
Accepted: 01.12.2023
62
“Metafizika” Journal
2023, vol 6, issue 4, serial 24, pp.47-64
Nevertheless, as opposed to Ibn Sina who states that the soul comes into existence
simultaneously with the body, Shirazi did not regard the soul as an immaterial being
at the beginning of its existence. In his view, the soul comes into existence in the
body. However, thanks to substantial motion, this material being evolves into an
immaterial spiritual one.
This article dealing with Sadraddin Shirazi‟s concept of the soul analyses his
understanding of soul and spirit, the definition of the soul, its origination, and its
relationship with the body.
Keywords: soul, spirit, soul-body problem, substantial motion, origination of
human souls, soul-body relationship.
REFERENCES
1. Abdul Ḥaq, M. (1970). The Psychology of Mullā Ṣadrā. Islamic Studies,
Vol. 9, No. 2, pp. 173-181. (in English)
2. Al-Kutubi, E. S. (2015). Mulla Sadra and Eschotology Evolution of Being.
Routledge. (in English)
3. Al-Muslim, S. (2009). Ibdā„āt Ṣadr al-Dīn al-Shīrāzī al-falsafīyah, al-nafs
namūdhajan. Damascus: Neynava Publisher. (in Arabic)
4. Aristotel. (2001). On the Spirit (trans. Zeki, O.). Istanbul: Alfa Yayinlari.
(in Turkish)
5. Baran, S. (2021). Molla Sadrada Psychological: Ilmun-nefs. Preface
broadcasting. (in Turkish)
6. Daftari, A. (2010). Mulla Sadra and the mind-body problem: A critical
assessment of Sadra‟s approach to the dichotomy of soul and spirit,
Durham theses, Durham University. Available at Durham. (in English)
7. Farah, R. (2019). Death in the philosophy of Mullā Sadrā and
Schopenhauer. Asian Philosophy, 29:4, s.322-332. (in English)
8. Hilli, J. (1988). Kashf al-murâd fî sharhi tajrid al-itiqâd. (1st ed.). Beyrut:
Muassisat al-Ilmi al-Matbuat. (in Arabic)
9. Ibn Sina. (2013). Book of Definitions (trans. Aygun, A., & Iclal, A.).
Ankara: Elis Publisher. (in Turkish)
10. Karaji, Ə. (1392 AD). Estelahate falsafi va tafavote anha ba yekdigar.
Qom: Bustane-ketab. (in Persian)
11. Khorassani, S. R. (1976). Mulla Sadra‟s Philosophy and Its
Epistemological Implications (Doctoral dissertation). Durham University.
(in English)
12. Malikov, A. (1390 AD). Aql va iman az didgahe Ibn Rushd,
Sadrulmutaalihin Shirazi, va Imanuel Kant. Markaz beynalmilali tarjuma
va nashr al-mostafa. (in Persian)
63
İbrahim Bağırov
Sədrəddin Şirazinin nəfs konsepsiyası
13. Malikov, A. (2016). A person who is perfect in theory is less wise and
philosophical. Markaze Beynalmilali Tarcome va Nashr Almostafa. (in
Persian)
14. Mammədov, E. (2020). An Explanatory Glossary of Islamic Philosophy
Terms. Baku: “Nurlar” Publishing-Polygraphy Center. (in Azerbaijani)
15. Nasr, S. H. (2009). Molla Sadra and Divine Wisdom (trans. by
Armaghan, M.). Insan Yayinlari. (Original work published 1978). (in
Turkish)
16. Plotinus. (2018). The Enneads. (ed. Lloyd P. Gerson), Cambridge
Univercity Press. (in English)
17. Rahman, F. (1975). The Philosophy of Mulla Sadra (Sadr al-Din alShirazi). State University of New York Press. (in English)
18. Shameli, A. A. (1994) The soul-body problem in the philosophical
psychology of Mulla Sadra (1571-1640) and Ibn Sina (980-1037)
(Doctoral dissertation). McGill University. (in English)
19. Shirazi, S. (1382 AD). al-Hikmatul-mutaaliya fil-asfaril-aqliyyatilarbaa [The Transcendent theosophy in the Four Journeys of the Intellect].
Vol 8. SIPRIn Publications. (in Arabic)
20. Shirazi, S. (2022). Wisdom of Arsha (al-Hikmetul-Arshiyye). (trans.
Feyzi Yigit). Preface broadcasting. (in Turkish)
21. Tahiri, I. (1393 AD). Nafs ve gavaye an az didgahe Aristo Ibn Sina ve
Sadruddin Shirazi. Qom: Bustane Ketab. (in Persian)
22. Zarkasyi, H. F. (2009). The Philosophy of Mulla Sadra Being a
Summary of His Book al-Hikmah al-Muta‟aliyah fi al-Asfar al-„Aqliyyah
al-Arba‟ah. Journal Tsaqafah, vol. 5. No. 2. 325-351. (in Arabic)
64