© “Metafizika” Journal
Vol 6, issue 4, serial 24, 2023. pp.73-82
p-ISSN 2616-6879
e-ISSN 2617-751X
UOT: 327.
KBT: 66.4
MJ № 187
Lobbiçilik fəaliyyətinin xarici siyasət qərarlarının qəbul olunmasına
təsiri: ABŞ nümunəsində
Aygün Musayeva
Abstrakt. Məqalədə lobbizm, ABŞ-da xarici siyasət qərarlarının qəbul
edilməsində bunun təsiri məsələlərindən bəhs edilir. Müasir beynəlxalq
münasibətlərdə dövlətə paralel olaraq yeni aktorlar xüsusi olaraq
fəallaşmaqdadır. Yeni aktorların fəallaşması dövlətlərin xarici siyasət
qərarlarının qəbul olunmasına təsir edir, hətta bir çox hallarda dövləti özlərindən
asılı vəziyyə salır. Belə yeni aktorlar sirasında transmilli şirkətləri, qeyrihökumət təşkilatlarını, ictimai hərəkatları, milli-azadlıq hərəkatlarını, eləcə də
lobbilərin fəaliyyətini qeyd edə bilərik. Xüsusilə, beynəlxalq münasibətlər
sisteminin aparıcı dövlətlərində lobbiçiliyin genişlənməsi müşahidə
olunmaqdadır. Amerika Birləşmiş Ştatlarının ictimai-siyasi sisteminin müasir
mərhələsinin inkişafı demokratikləşmə prosesinin get-gedə amerikan
cəmiyyətinin bütün tərəflərini-iqtisadiyyat, siyasət, ideologiya və mənəviyyat,
mədəniyyət və düşüncə tərzi, əhatə etməsi ilə xarakterikdir. Dünya
müharibəsindən sonrakı dövr Amerika Birləşmiş Ştatlarının super dövlət rolunu
bir daha itirməmək adı ilə qazandığı dövrdür. Daha müasir 80-ci illərdə isə
amerikalıların demokratiya və vətəndaş hüquqları uğrunda mübarizəsi
güclənmişdi.
Açar sözlər: lobbizm, xarici siyasət, aktor, demokratiya, seçki
1.Giriş
Bu gün “beynəlxalq aktor dedikdə” ağıla sadəcə dövlətlər gəlmir. Artıq müasir
günümüzdə dövlətlərarası münasibətlərdə qeyri-dövlət aktorlar da vardır. Belə
önəmli aktorlardan biri də lobbilərdir. Lobbiçilik termin kimi ilk dəfə İngiltərədə
yaransa da,dünya dövlətləri üçün “örnək lobbi modelini” ABŞ yaratmışdır.
Lobbiçiliyin leqallaşdırılması təşəbbüsü də ilk dəfə ABŞ tərəfindən atılmışdır. Bütün
bu və digər amilləri nəzərə alaraq, əminliklə deyə bilərik ki, müasir lobbiçiliyin
vətəni ABŞ sayılır. ABŞ-da bu termin ilk dəfə 1829-cu ildə vüsət alıb.
Bakı Dövlət Universitetinin dissertantı,
Bakı Dövlət Universitetinin “Politologiya və sosiologiya” kafedrasının dissertantı; Bakı, Azərbaycan
E-mail: aygunnmusayeva@gmail.com
https://orcid.org/0009-0002-5693-8906
Məqaləyə istinad: Musayeva, A. [2023] Lobbiçilik fəaliyyətinin xarici siyasət qərarlarının qəbul olunmasına təsiri:
ABŞ nümunəsində. “Metafizika” jurnalı, 6(4), səh.73-82.
Məqalənin tarixçəsi:
Məqalə redaksiyaya daxil olmuĢdur: 15.09.2023
Təkrar iĢlənməyə göndərilmiĢdir: 26.10.2023
Çapa qəbul edilmiĢdir: 01.12.2023
73
Aygün Musayeva
Lobbiçilik fəaliyyətinin xarici siyasət qərarlarının qəbul olunmasına təsiri: ABŞ nümunəsində
2.Lobbi fəaliyyətinin “Amerikan modeli”
İlk zamanlar ABŞ-da müxtəlif “maraqların müdafiəçisi” olan, maliyyə və
siyasət kluarlarında siyasi mənada işlədilməyə başlanan lobbi termini
konqresin dəhlizində “pulla səs satın almaq mənasını bildirirdi [Иванов,
1995, s.16].
ABŞ-da lobbizmin gündəmə gəlməsi 18-ci prezident Uillis Qrantın
dövrünə təsadüf edir. Ölkə prezidenti Qrant işdən sonra öz iqamətgahı ilə
üzbəüz yerləşən restoranda qəlyanaltıya düşərək, onun vestibülündə
dincəlməklə qeyri-rəsmi görüşlər keçirirdi. Bunu bilən ictimaiyyət
nümayəndələri onun yanına gələrək öz problemlərindən danışıb, prezidentdən
kömək umurdular. Bu işdən-xaric qeyri-rəsmi görüşlər siyasi xadimlər
arasında əlaqə xarakteri almaqla yanaşı siyasət tarixində mürəkkəb və yeni
siyasi hadisə olan lobbizmin əsasını qoydu.
1864-cü ildən başlayaraq konqresin dəhlizində “pul ilə səs almağı
bildirən” lobbiçilik xeyli müddət sonra qeyri-peşəkar fəaliyyət kimi
qiymətləndirilirdi.
Amerika lobbist təşkilatlarının tarixini araşdıran tədqiqatçılar belə bir
nəticəyə gəliblər ki, Amerikada lobbizm tarixi 4 yüksəliş dövründən keçib:
İlk dövr azadlıq hərəkatı ilə paralel başlayıb
I dünya müharibəsi və Amerikanın beynəlxalq areneya çıxışı ilə
başlayan - ikinci mərhələ
Böyük durğunluq dğvründən sonra və II dünya müharibəsi dövrünü
əhatə edən üçüncü mərhələ
Keçən əsrin 70-ci illərindən başlayaraq sülh siyasətinin sonu və
Amerikanın Sovet ittifaqını zəiflətmək üçün beynəlxalq arenada
ölkələrlə gücünü birləşdirməsi prosesləri ilə müşayiət olunur.
Lobbiçilik ABŞ-da artıq XX əsrdən başlayaraq siyasi təsir vasitəsi kimi
tanınmağa başladı. ABŞ siyasətində, QQEP-də lobbilərin təsiri çox güclüdü.
ABŞ siyasi sisteminin əsasında 1789-cu ildə qüvvəyə minmiş ABŞ
konstitusiyası dayanır. 50 ştatdan ibarət federal quruluşa sahib ABŞ-da
prezident və kongres sistemi var. Kökləri 1787-ci il konstitusiyasına baglı
olan bu siyasi sistem və qərar qəbul etmə mexanizmi aşağıdakı 4 quruluşda
özünü göstərir:
1. Demokratik quruluş
2. Federal sistem
3. Güc bərabərsizliyi
4. Nəzarət və balans
Amerika siyasətində lobbizmin həqiqi mənasını və rolunu anlamaq üçün
ilk öncə amerikanın öz siyasi quruluşunu, amerikan siyasətçilərinin və
xalqının xarakteristikasına nəzər salmaq lazımdı.Bu yolla lobbizmin Amerika
74
“Metafizika” Journal
2023, vol 6, issue 4, serial 24, pp. 73-82
konqresində qərar qəbulunda nə qədər rol oynaya biləcəyini, təsir gücünü
müəyyən edə bilərik.
1. Amerika əhalisinin etnik tərkibinə nəzər salsaq, görəcəyik ki, Amerika
ştatlardan təşkil olunub,hansı ki, bu ştatlar Avropanın, başda İngiltərənin
koloniyaları olub. Amerikaya hərtərəfli inkişaf üçün açıq olan “yağ-bal”
ölkəsi kimi baxılırdı. Bu da orada çoxlu sayda kapitalist qrupların
məskunlaşmasına gətirib çıxartdı. Həqiqətdə isə Amerikaya ilk gələnlər
uzunmüddətli və ya ömürlük həbs cəzası alanlar olub.Ölkələrindən uzaq
düşmək istəyən bu insanlar Amerikanın boş və sahibsiz torpaqlarına “ümid
yeri” kimi baxırdılar. Lakin, Amerikanın kəşfindən və onun zənginliyinin
sübutundan sonra oraya axınının istiqaməti, məqsədi tamamilə dəyişdi. Artıq
Amerikada təcrübəli mütəxəsislər və tədqiqatçılar qrupu məskunlaşmağa
başladı və onların hər biri bu möcüzəli torpaqların təbii sərvətlərini üzə
çıxarmaq üçün bütün imkanlarını səfərbər etdi. Zaman keçdikcə isə bu
insanlar Amerika əhalisinin böyük əksəriyyətini təşkil etdi.Buna görə də
Amerikanın əhalisi çoxlarının düşündüyü kimi cinayətkarlar nəslindən
yığılmış “cowboy yığımı” deyil, əksinə koloniyalaşma prosesi üçün illər boyu
aktiv fəaliyyət göstərən aktiv, zəhmətkeş, əməksevər xalqdır.
2. Amerikanın siyasi həyatına nəzər yetirəndə isə görəcəyik ki, orada ilk
dəfə kapitalistlər lobbizmə ehtiyac duyub, lobbist fəaliyyətlə məşğul olmağa
can atıblar. Kapitalistlər Amerika torpaqlarında məskunlaşıb, onun yerli
əhalisi ilə qaynayıb-qarışıblar və həmin mükəmməl iradəli əhali ilə birləşib
Avropa ölkələrinin ağalığına son qoymaq uğrunda birgə mübarizə
aparıblar.Onların bir mənafe uğrunda birləşməsi isə uzun və mürəkkəb bir
proses olub. Çünki. Amerikada məskunlaşan əhali etnik təribinə, dininə,
mədəniyyətinə, irqinə görə tam fərqli xalqlara mənsub olublar.
3. Amerikanın hakimiyyət bölgüsünə nəzər salaq. Əvvəla ABŞ-da
qanunverici hakimiyyəti ABŞ konqresi və ştatlarının qanunverici yığıncaqları
həyata keçirir. ABŞ konqresi 2 palatadan ibarətdir: Senat və Numayəndələr
palatası. Numayəndələr palatası üzvlərinin sayı 1913-cü ildə verilmış qanunla
müəyyənləşib və hələ də dəyişməz olaraq qalır ki, onların sayı 435 nəfərdən
ibarətdir. İndiki dövrdə palatanın hər bir üzvü 500000 seçicini təmsil edir, hər
10 ildən bir əhalinin siyahıya alınması nəticəsində Nümayəndələr palatasında
yerlər ştatlar arasında bölünür. Nümayəndələr palatasının üzvləri 2 il
müddətinə seçilir. Hər bir ştatda əhali senata senatorları seçir, hər ştat Senatda
2 nümayəndə seçir.Senatın tərkibinə 100 senator daxildi. Senatorlar 6 illiyə
seçilir. Hər iki ildən bir senatoraların 1/3 hissəsi yenidən seçilir.Bu isə
palatanın sabitliyini təmin edir və onun fəaliyyətinə msbət təsir edir. ABŞ-ın
Konqresində əhalinin burjua hissəsi təmsil edilib. Heyətində bir nəfər belə
sənaye və kənd təsərüfatı fəhləsi yoxdu. Hər iki palatada hüquqşünaslar
çoxluq təşkil edir. ABŞ əhalisinin 23%-ni zəncilər təşkil edir. Onların
75
Aygün Musayeva
Lobbiçilik fəaliyyətinin xarici siyasət qərarlarının qəbul olunmasına təsiri: ABŞ nümunəsində
nümayəndələr palatasında 23 konqresmeni olsa da senatda isə heç bir
nümayəndəsi yoxdur. Konqresin ən üstün səlahiyyəti yerli maliyyə sahəsinə
baxmaqdı. Bu ABŞ-ın “pul kisəsi” hakimiyyəti adlanır. Konqres ölkənin
bütün ərazisi üçün vahid vergini,rüsumları, aksiz rüsumlarını müəəyən edir,
dövlət səhmlərindən başqa bütün sahələrə ianələr verir, kreditə pul verir.
Konqres həm də ABŞ-ın adından borcları ödəyir, xarici və ştatlar arası ticarəti
təmin edir. ABŞ-ın xarici siyasət qərarlarının qəbul edilməsində ən əsas rolu
qanunverici orqanı olan Kongres və icraedicisi Prezident oynayır.
Bununla yanaşı, ABŞ siyasi partiya sistemi və Amerika mülki cəmiyyət
təşkilatları, lobbilər və mətbuat kimi sistem daxili aktorlarda xarici siyasət
qərarlarının qəbul edilməsində iştirak edir [Зяблюк, 1992, s.126].
3.ABŞ-da qərar qəbuletmə
ABŞ-da qərar qəbul etmə çətin və qarışıq prosesdir. Bunun səbəbi 2
qanunverici orqanın olmasıdır. Qanun layihəsi o zaman qanun qüvvəsinə
minir ki, hər iki palatada qəbul edilir və prezident tərəfindən imzalanır.
Qanunvericilik
prosesi
Nümayəndələr
palatasından
başlayır.
Nümayəndələr palatasına qanun təklifi verilir. Nümayəndələr palatası sədrinə
təklif verilir. Sədr təklifi uyğun hesab edərsə müvafiq komitəyə göndərir,
uyğun hesab etməzsə qanun ölür. Komitə sədri istəsə qanun təklifini
gündəliyə daxil edir, istəməsə daxil etmir. Gündəmə daxil edilirsə sədr hər
kəsi bu baradə məlumatlandırır. Komitə mərhələsi başlanmış olur. Lobbilər
komitə işlərini izləyir və bu prosesə daxil olaraq mövqelərini
müəyyənləşdirirlər. Daha sonra müzakirələr aparılır, hər kəs fikrini açıq
şəkildə bildirir. Bu komitənin iclasları qapalı olur, əldə olunmuş razılığa
palata nümayəndələri ayrı-ayrılıqda səs verirlər.
Sistemin dinamikasını Lobbilər də təşkil edir. ABŞ siyasi sisteminə və
qərar alma mexanizminə istər iqtisadi istərsə də əhali sayı olaraq çox böyük
təsiri var. Xüsusilə partiyaların təşkilatlatlarının olmaması, prezidentin
olmaması, namizədlərin özlərini seçkiyə hazırlamaqları və bu işin baha
olması bu cür qruplara ehtiyac doğurur. Lobbilər xeyir də versə, ziyan da
versə demokratiyanın işləməyinə təsir edir. Sistemi işlədən katalizator rolunu
oynayır.
Buradan belə bir nəticəyə gəlmək olar ki, ABŞ siyasi sistemi heç kəsə heç
bir mövzuda tək başına mütləq olaraq qərar vermək gücü verməmişdir. Bu
quruluş həm federal həm də ştatlarda bənzər şəkildə mövcuddur.
ABŞ-ın qanunverici hakimiyyətinin bu cür quruluşu onu digər
dövlətlərdən fərqləndirir. Bu quruluş birbaşa və ya dolayı yolla lobbizm
fəaliyyətinin yaranmasında Prezidenti bir nömrəli maraqlı şəxs edir.
Amerika toplumuna baxanda lobbilərin fəaliyyətinin ölkənin yararına
olub-olmaması mövzusunda şübhələr var. Amma, lobbiçiliyi Amerika
nöqteyi-nəzərindən dəğərləndirənlər bu nəticəyə gəlirlər ki, “Hava da bəzən
76
“Metafizika” Journal
2023, vol 6, issue 4, serial 24, pp. 73-82
pis və ya yaxşı olur, lakin heç kim onun gərəksiz olduğunu deyə bilməz.”
Məşhur amerkan tədqiqatçı Wolpeyə görə isə Amerikada konqresi lobbilər
tərəfindən təsirə həssa edən əsas faktor fəliyyət zamanının açıq olmasıdır.
Əslində isə lobbiçilik təkcə bu və ya digər qrupun sosial, siyasi, iqtisadi
maraqlarının müdafiəsi olmayıb, formal hakimiyyəti faktik hakimiyyətlə
hesasablaşmağa vadar edən mexanizmdi [8].
4.ABŞ lobbizminin əsas xüsusiyyətləri
ABŞ lobbizmi bir sıra əsas xüsusiyyətlərinə görə digər ölkələrin
lobbizmindən fərqlənir:
1. ABŞ-ın spesifik demokratik xususiyyətlərinə görə.ABŞ höküməti
qərarların qəbulunda konqresdən, yəni bilavasitə konqres üzvlərinin səsindən
asılıdı.Bu da birbaşa lobbiçilik fəliyyətinə gətirib çıxarır.
2. ABŞ-da lobbizmin leqallaşdırılması.Yəni burda lobbizm haqqında
qanunun mövcudluğu. Məhz ilk dəfə ABŞ lobbizmi dövlət və nazirlik
səviyyəsində rəsmən qanuniləşdirmişdir.
3. ABŞ siyasət arenasının xarici diasporlar üçün açıqlığı.
4. ABŞ-da seçki qabağı adətən kampaniyalar seçkilərə pul vəsaiti qoymaqla
öz namizədlərini seçirlər. Lakin onlar digər özlərinin seçmədiyi namizədlərə
də təsir göstərə bilirlər. Buna görə də amerikan partiyaları elə özü əsl lobbi
fəaliyyəti sayılır. Amerikada lobbizm xususiyyətləri üzərində çalışan
tədqiqatçılar bir neçə maraqlı nəticəyə gəlmişlər:
1. Araşdırmalar göstərir ki, Amerikada konqresin hər bir üzvünə 20 lobbist
düşür,hansı ki, bu lobbistlər 10000 təşkilatın və şirkətin qeydiyyatda olan
qanuni lobbistləridir.
“Center for public İntegrity” statiskalarına görə 2013-cü il üçün federal seçki
kampaniyalarına xərclənən miqdar2.3 milyard dollar təşkil edir. Eyni
zamanda digər konqres üzvlərinin səslərini satın almaq üçün 3.5milyard
dollar pul xərclənib.
2. Amerikada qanunvericilik üzvləri ilə xalq arasında poçt əlaqələrinin
qurulmasına xüsusi üstünlük verilir. Məsələn, Yəhudi lobbisi öz saytlarından
birində qürrələnir ki, hər il ABŞ-da konrqres üzvləri ilə 2000-dən çox görüş
keçirir və yəhudi maraqlarını müdafiə edən 100-dən çox qərar qəbuluna nail
olur.
3. Amerikada müxtəlif növ maraqların mənafeyinə uyğun qərar qəbulu üçün
müxtəlif növ lobbi təşkilatları mövcuddu:
İqtisadi sferada - sahibkarlıq unifikasiyaları, istehlakçılıq ittifaqları
Sosial sferada - sosial hüquqların müdafiəsi təşkil olunmuş unifikasiyalar,
özünə yardım SOS qrupları (anonim alkoqollar üçün,narkotik aludəçiləri
üçün), sosial xeyriyyəçilik ittifaqları
Turizm və istirahət sferasında - idman ittifaqları, kompleksləri, rabitə,
hobbilərin həyata keçirilməsi məqsədilə yaranan unifikasiyalar
77
Aygün Musayeva
Lobbiçilik fəaliyyətinin xarici siyasət qərarlarının qəbul olunmasına təsiri: ABŞ nümunəsində
Din, elmi, mədəni sferada maraqlar - kilsələr, sektalar, elmi assosasiyalar
və incəsənət klubları.
ABŞ lobbizminin əsas təsirli amili “maddi stimullaşdırma prinsipi” sayılır.
Qanunla təhdid olunan rüşvətvermə və korrupsiya əvəzinə seçki fondlarına
birdəfəlik, yaxud mütəmadi yardım göstərilməsi, pulsuz xarici səfərlərin
təşkili, sərfəli mühazirə turları,vəzifəli şəxslərin qohumlarının və hətta
hökümət qurumundakı yerlərini itirdikdə belə özlərinin “yağlı yerlərlə” təmin
olunması ABŞ lobbizminin əsas xüsusiyyətlərindəndi. Hansı ki, bu metodlar
artıq digər dünya dövlətləri üçün də nümunəyə çevrilib. Artiq bir çox
dövlətlərin praktikasında bu vasitələrdən sıx-sıx istifadə olunur.
Vaşinqtonda bir neçə min lobbi təşkilatı və kontorları qeydə alınıb. Bu
müşavir və məsləhətçi kimi ən yaxşı vəkillərin, iqtisadçıların, istefada olan
hərbçi və siyasətçilərin məşğul olduğu yüksək maaşlı fəaliyyət formasıdı.
ABŞ-da lobbiçiliklə bağlı bir sıra qanunlar mövcuddu.Bu da lobbiçiliyin
ABŞ siyasi sisteminin əsas təbii bir parçası olduğunu sübut edir.Lobbiçiliklə
bağlı qanunların qəbulunda isə məqsəd onun fəaliyyətinə məhdudiyyət deyil,
lobbiçilik fəaliyyətlərinə şəffaflıq gətirmək və özlərini daha açıq bir şəkildə
ifadə etmələrinə şərait yaratmaqdı.Amma, əlbəttə digər dövlətlərdəki kimi
ABŞ qanunlarında da lobbiçiliyin pis məqsədlə istifadə edilməsini
əngəlləmək üçün məhdudiyyət qoyan qanunlar da vardır [7].
Amerikada 1938-ci ildə “Xarici təmsilçilər haqqında” qanunu ikinci dünya
müharibəsi öncəsi Nazi propaqandasının artması üzərinə qəbul edilmişdir.Bu
qanuna görə xarici ölkələr adından lobbiçilik fəaliyyəti ilə məşğul olanlar
bunu kimin adına etdiyini və xərcləmələrini açıq şəkildə bildirməlidi. Bu
qanuna 1966-cı ildə edilmiş dəyişikliklərə görə lobbistlər Konqres üzvləri və
hökümət səlahiyyətli nümayəndələri ilə təmasda olarkən xarici təmsilçi
olduqlarını qeyd etməlidirlər və seçki kompaniyalarına yardım etmələri
qadağan olundu [Осипова, Рогов., 1978, s.50].
1946-cı ildən Lobbiçiliyi,lobbist partiyaları ABŞ-ın Ədliyyə nazirliyi
rəsmən qeydiyyata aldı və qanunvericilik əsasında maliyyə nəzarətinə keçdi.
Federal lobbi qanununda lobbiçilik fəaliyyətinə aşağıdakı öhdəliklər qoyulur:
Amerika konqresində qanunlara təsir göstərən və ya qanunun
qəbuluna,əngəllənməsinə çalışan birbaşa və ya dolayı pul və qiymətli əşyaları
alan, ya da əsas məqsədi bu olan şəxslər hər 3 aydan-bir xərcləmələrinə aid
olan qeydləri müəyyən idarəyə təqdim etməlidirlər.
Lobbistlər fəaliyyətə başlamazdan öncə Nümayəndələr palatası klerkinin
və senatın katibinin yanında qeydiyyatdan keçdikdən sonra and içməli və
sonra yazılı ərizə təqdim etməlidi. (bu bənd daha sonra 1995-ci il qanununda
daha da təkmilləşdirildi).
Qanundan irəli gələn maddələri incələdikdən sonra lobbiçiliyə belə izh
vermək olar. “Lobbiçilik bir qrup və topluluq adına hərəkət edərək hökümət
78
“Metafizika” Journal
2023, vol 6, issue 4, serial 24, pp. 73-82
qərarlarına təsir etmək məqsədilə planlanan və bu məqsədlə vətəndaşlara
qərar verənlər arasında qruplaşmağa çalışan bir iş, əlaqə münasibət olaraq
tanınır”.
ABŞ qanunvericiliyinə əsasən lobbi fəaliyyəti 2 yolla həyata keçirilir:
1. Birbaşa lobbiçilik. Bu fəaliyyət açıq-aşkar, birbaşa lobbisi ilə qərar verən
qurumun səlahiyyətli nümayəndəsi arasında aparılan danışıqlar və görülən işə
deyilir.
2. Dolayı lobbiçilik. Bu iş artıq profesional lobbi şirkətləri ilə aparılan
fəaliyyət növü olmaqla onları siyasi reklamçılıq adlandırmaq olar [Our
American government. 2013, s.12].
Bu gün Amerika siyasi sisteminin əsas qolu olan lobbiçilik fəaliyyəti
Qanunverici - İcraedici-Məhkəmə hakimiyyəti ilə yanaşı digər müxtəlif
sahələrdə də müxtəlif forma və vasitələrlə aparılır. İri transmilli
Korporasiyalar, keçmiş və indiki konqresmenlər, bankirlər, hüquqşünaslar,
siyasi-ictimai xadimlər, qeyri-hökümət təşkilatları, fermerlər, iş adamları,
etnik diasporalar və digər peşə sahibləri imkanları çərçivəsində lobbi
fəaliyyəti ilə məşğul olurlar [Зяблюк, 2014, s.126].
ABŞ qanunlarına görə lobbist kimi qeydiyyatdan keçmiş və qanunla
müəyyən olunmuş qaydada lobbi fəaliyyəti ilə məşğul olmaq üçün lisenziya
almış, üçüncü şəxsin yəni müştərinin maraqları naminə həm pulsuz, həm
pullu, həm də qonorarla lobbi fəaliyyəti ilə məşğul ola bilər.
Ümumiyyətlə, ABŞ üçün etnik, xarici və iqtisadi lobbizm fəaliyyəti
xarakterikdir. Çox uzun müddət ABŞ-da “xarici lobbizm” adı altında ən əvvəl
“müəyyən xarici maraqların dəstəklənməsi” anlaşılırdı. 1938-ci il qanunu da
elə bu mahiyyətdə verilmişdi. Bu qanun xarici agentliklərin üzərinə qeydiyyat
keçmək və fəaliyyətləri barəsində hesabat vermək öhdəliyi qoyur.
ABŞ-da lobbiçilik ilə məşğul olan iqtisadi qruplaşmalar və siyasi dairələr
üçün demək olar ki, maneələr mövcud deyil [International Encyclopedia of
Communications, 2016, s.14].
Lobbizmin amerikan modelinə nəzər saldıqda görürük ki, lobbist fəaliyyət
qarşılığında maraqlı “pul toplama vasitələri” mövcuddur.
“funt rising” – konqres üzvü üçün hər hansısa yerdə pul toplamaq;
“soft manage” – maliyyə qeydlərinə girməyən nəğd olaraq edilən
bağışlanmalar;
“honororia” – pulun hər hansısa konkret iş əvəzində verilməsi və s.
PAC-lar vasitəsi ilə təşkil olunan pul dəstəkləri də lobbizmin “amerikan
modelinə” xas xüsusiyyətdir. Amerika siyasətində pulun siyasət üzərində
böyük təsiri mövcuddu. Bu ənənə 1700-ci ildən bəri mövcuddu. 1971-ci ildən
sonra kompaniyaları dəstəkləmək və PAC yaratmaq mövzusundakı qanuna
düzəlişlər nəticəsində PAC-lar vasitəsi ilə edilən bağışlanmaların sayında
xeyli artım olmuşdu. PAC-lar siyasi hərəkat komitələridi.
79
Aygün Musayeva
Lobbiçilik fəaliyyətinin xarici siyasət qərarlarının qəbul olunmasına təsiri: ABŞ nümunəsində
Lobbizmin amerikan modelində belə güclü təsirinə baxmayaraq, yenə də
demək olmaz ki, Amerikada bütün hakimiyyət dolayısı ilə lobbistlərə tabedi.
Düzdü iri neft kampaniyaları və inhisarlar lobbist fəaliyyəti vasitəsi ilə maraq
və mənafelərini tam təmin edə bilirlər. Lakin onlar xarici siyasət sferasında
hökümət qanunlarına təsir göstərmək gücündə deyillər.
5.Nəticə
Ümumiyyətlə, lobbistlər adətən, daxili işlərlə, iqtisadi, səhiyyə, təhsil,
vergi və sosial məsələlərlə məşğul olurlar. Beynəlxalq arenadakı xarici
siyasət məsələləri isə onları demək olar ki, heç maraqlandırmır.
ABŞ özü hegemon fövqəldövlət statusuna malik olduğuna görə onun lobbi
sistemi də beynəlxalq aləm üçün örnək olub, hegemonluq edir desək,
yanılmarıq. Beynəlxalq arenada dövlətlərarası lobbizm demək olar ki,
Amerika maraqlarından kənara çıxmır.
1.
2.
3.
4.
5.
6.
7.
8.
ƏDƏBİYYAT
Зяблюк, Н. Г. (2014). Практика лоббистской деятельности в США.
Москва.
Зяблюк, Н. (1992). Лобби – слово не ругательное. Торговопромышленные ведомости, №8.
Иванов, Н. (1995). Лоббизм в политической культуре США. Власть.
№8.
Осипова, Н. В., & Рогов, С. М. (1978). Проарабский лоббизм в
Вашингтоне. США-ЭПИ, №1, 20-25 с.
Our American government. Washington: US GPO, 2013, 65 p.
International Encyclopedia of Communications. New-York, 2016.
www.washprofile.org
www.tumgazeteler.com/?a=148341
Влияние лоббийской деятельности на принятие
внешнеполитических решений: пример США
Айгюн Мусаева
Диссертант кафедры «Политология и социология» Бакинского государственного университета; Баку,
Азербайджан
E-mail: aygunnmusayeva@gmail.com
https://orcid.org/0009-0002-5693-8906
Цитировать статью: Мусаева, А. [2023]. Влияние лоббийской деятельности на принятие
внешнеполитических решений: пример США. Журнал «Metafizika», 6(4), с.73-82.
История статьи:
Статья поступила в редакцию: 15.09.2023
Отправлена на доработку: 26.10.2023
Принята для печати: 01.12.2023
80
“Metafizika” Journal
2023, vol 6, issue 4, serial 24, pp. 73-82
Абстракт. В статье рассматриваются вопросы лоббирования и его
влияние на принятие внешнеполитических решений в США. В
современных международных отношениях параллельно государству
особенно активны новые акторы. Активизация новых акторов влияет на
принятие внешнеполитических решений государств, а во многих
случаях даже ставит государство в зависимость от них. Среди таких
новых акторов можно упомянуть транснациональные компании,
неправительственные
организации,
общественные
движения,
национально-освободительные движения, а также деятельность
лоббистов. В частности, расширение лоббизма наблюдается в ведущих
государствах
системы
международных
отношений.
Развитие
современного этапа общественно-политической системы Соединѐнных
Штатов Америки характеризуется тем, что процесс демократизации
постепенно охватывает все стороны жизни американского общества экономику, политику, идеологию и духовность, культуру и образ
мышления. Период после мировой войны - это период, когда
Соединенные Штаты Америки завоевали роль сверхдержавы во имя
того, чтобы никогда больше ее не потерять. В последние 80-е годы
борьба американцев за демократию и гражданские права усилилась.
Ключевые слова: лоббирование, внешняя политика, актор,
демократия, выборы
The effect of lobbying activities on foreign policy decision making: the
case of the USA
Aygun Musayeva
Abstract. The article discusses issues of lobbying and its influence on
foreign policy decision-making in the United States. In modern
international relations, parallel to the state, new actors are especially active.
The activation of new actors affects the adoption of foreign policy
decisions of the states, and even makes the state dependent on them in
many cases. Among such new actors, we can mention transnational
companies, non-governmental organizations, social movements, nationalliberation movements, as well as the activities of lobbies. In particular, the
expansion of lobbying is observed in the leading states of the international
relations system. The development of the modern stage of the socio
Dissertation candidate of “Political Science and Sociology” department of Baku State University; Baku Azerbaijan
E-mail: aygunnmusayeva@gmail.com
https://orcid.org/0009-0002-5693-8906
To cite this article: Musayeva, A. [2023]. The effect of lobbying activities on foreign policy decision making: the
case of the USA. “Metafizika” journal, 6(4), pp.73-82.
Article history:
Received: 15.09.2023
Accepted: 01.12.2023
81
Aygün Musayeva
Lobbiçilik fəaliyyətinin xarici siyasət qərarlarının qəbul olunmasına təsiri: ABŞ nümunəsində
political system of the United States of America is characterized by the fact
that the process of democratization gradually covers all aspects of the
American society - economy, politics, ideology and spirituality, culture and
way of thinking. The period after the World War is the period when the
United States of America won the role of a superpower without losing it
again. In the more recent 80s, Americans' struggle for democracy and civil
rights intensified.
Keywords: lobbying, foreign policy, actor, democracy, election
1.
2.
3.
4.
5.
6.
7.
8.
REFERENCES
Zyabluk, N. G. (2014). Lobbying practice in the USA. Moscow. (in
Russian)
Zyabluk, N. (1992). Lobby is not a dirty word. Trade and Industrial
Gazette, No. 8. (in Russian)
Ivanov, N. (1995). Lobbying in US political culture. Power. No. 8. (in
Russian)
Osipova, N. V., & Rogov S. M. (1978). Pro-Arab lobbying in Washington.
USA-EPI, No. 1, 20-25 p. (in Russian)
Our American government. Washington: US GPO, 2013, 65 p. (in
English)
International Encyclopedia of Communications. New York, 2016. (in
English)
www.washprofile.org
www.tumgazeteler.com/?a=148341
82