Ang Paglago ng Pantayong Pananaw sa
Konteksto ng Kapantasan ni Zeus A. Salazar:
Isang Maikling Pagsasakasaysayan, 1951-2019
Mark Joseph P. SANTOS1
Manila Theological College
Manila, Philippines
ABSTRAK
Bilang “kathang-buhay” ni Zeus A. Salazar, ang tinaguriang Ama
ng Pantayong Pananaw (PP) at ng Bagong Historiograpiyang
Pilipino, hindi mauunawaan ang PP nang hiwalay sa kanyang
akademikong talambuhay. Kaya naman mainam na baybayin ang
kasaysayan ng Pantayong Pananaw sa konteksto ng kapantasan
ni Salazar. Maaaring hatiin ang kasaysayan ng PP sa konteksto
ng kapantasan ni Salazar sa limang yugto, gamit ang metapora ng
paglago ng halaman: 1. Panahon ng Pagpupunla ng mga ideyang
magiging batayang kaisipan ng PP sa hinaharap, mula sa
pagpasok ni Salazar sa Unibersidad ng Pilipinas (PP) bilang magaaral ng kasaysayan (1951) hanggang sa pagkakalimbag ng
kanyang Ang Pagtuturo ng Kasaysayan sa Pilipino (1970), maaari
itong bansagan bilang “Yugtong Pre-Pantayo”; 2. Panahon ng
Pag-uugat ng PP sa UP mula sa pagkakalimbag ng artikulo ukol
sa wikang Filipino (1970) hanggang sa pagdaraos ng Unang
Pambansang Kumperensya sa Historiograpiyang Pilipino,
kaalinsabay ng paghirang sa kanya bilang dekano ng
Dalubhasaan ng Agham Panlipunan at Pilosopiya at pagdaraos ng
(1989), 3. Panahon ng Pagsibol ng PP sa UP na tumutukoy sa
institusyunalisasyon nito sa UP Departamento ng Kasaysayan
mula sa kumperensyang ito (1989) hanggang sa pagkakalimbag
ng Pantayong Pananaw: Ugat at Kabuluhan (1997), 4. Panahon ng
1 Si Mark Joseph P. Santos ay nagtapos ng Batsilyer ng Sining sa Kasaysayan, cum laude
(2015) at Postbaccalaureate in Teacher Education (2017), kapwa mula sa Politeknikong
Unibersidad ng Pilipinas. Kasalukuyan niyang tinatapos ang kanyang Master of Divinity sa Manila
Theological College. Siya ay may-akda at patnugot ng sumusunod na mga artikulo at aklat: “Ang
Retorika ng Rehimeng Duterte at Ang Kulturang Pilipino: Isang Kasong Pag-aaral sa
Pagbabanggaan ng Kultura at Burukrasya,” Historical Bulletin 51 (2017); “Kulturang Materyal
bilang Batis at Larangan ng Kasaysayan,” E-Saliksik Journal 7:3 (Nobyembre 2018); Martes sa
Escaler. Klase sa Historiograpiya ni Dr. Zeus A. Salazar (2019); at Martes sa Escaler II: Talakayan
ng mga Mag-aaral ng P.U.P. Pilosopiya ng Kasaysayan. Klase sa Historiograpiya ni Dr. Zeus A.
Salazar (2019). Nagbasa siya ng papel ukol sa ambag ni Zeus Salazar sa Araling Timog
Silangang Asya sa isang internasyunal na kumperensya na ginanap sa University of Lisbon,
Portugal noong Disyembre 2018. Ang abstrak ng pag-aaral na ito na “Southeast Asian Studies
and the Nationalist Tradition: Evaluating the Historiographical Contribution of Zeus A. Salazar in
Building Pan-Malayan Identity” ay nailathala sa Regional Journal of Southeast Asian Studies 4:1
(January 2019).
47
SANTOS
Pagyabong ng PP sa labas ng UP mula sa pagkakalimbag ng
aklat (1997) hanggang sa paglulunsad ng Saliksik E-Journal
(2012), at 5. Panahon ng Pamumunga mula sa paglulunsad ng
Saliksik E-Journal (2012) hanggang sa pagtatapos ng pagtuturo ni
Salazar sa Politeknikong Unibersidad ng Pilipinas (2019).
Mga Susing Salita: Pantayong Pananaw, Zeus Salazar, Bagong
Kasaysayan, Wikang Filipino
PANIMULA
umigit kumulang kalahating siglo na ang nakararaan mula nang
magpasimula ang isa sa tatlong proyektong intelektuwal na
umusbong sa Unibersidad ng Pilipinas noong dekada sitenta, na
kolektibong tinatagurian bilang Agham Panlipunang Pilipino.
Kahanay ng Sikolohiyang Pilipino ni Virgilio Enriquez at Pilipinolohiya ni
Prospero Covar, nabuo ang Pantayong Pananaw (PP) ni Zeus Salazar na
naglalayong pag-aralan ang pambansang kasaysayan ng Pilipinas sa wikang
Filipino. Bagaman totoo na ang Pantayong Pananaw ay hindi limitado kay
Zeus Salazar2 (dahil isa na itong malawak na proyektong patuloy na pinalalago
ng dating mga mag-aaral ni Salazar), hindi naman ito maaaring ihiwalay sa
kanya. Bilang kathang-buhay ni Salazar, kung saan inialay niya ang kanyang
buong buhay-akademiko bilang historyador-antropolohista, anumang
pagsasakasaysayan sa PP na hindi isinasaalang-alang ang ambag ni Salazar ay
hindi magiging mabunga. Sa ganitong reyalisasyon nakabatay ang rasyunal na
desisyong baybayin ang kasaysayan ng PP sa konteksto ng kapantasan ni
Salazar. Ipinapanukala ng kasalukuyang sanaysay ang limang yugtong
piryodisasyon ng pag-unlad ng PP bilang isang proyektong intelektuwal,
tulad ng paglago ng isang halaman.
H
Ang unang yugto, na maaaring bansagan bilang “Panahon ng Pagpupunla,”
ay mula sa pagpasok ni Salazar bilang mag-aaral ng kasaysayan sa UP noong
1951 hanggang sa publikasyon ng kauna-unahan niyang artikulo na
nagbibigay distinksyon sa pagitan ng “kami” at “tayo” noong 1970, ang
sanaysay na Ang Pagtuturo ng Kasaysayan sa Pilipino. Ang panahong ito ay
“Yugtong Pre-Pantayo,” sapagkat ang sinasaysay dito ay ang
pagpapakadalubhasa ni Salazar sa UP at matapos nito ay sa Paris, mga
karanasang humubog sa kaisipan ng magiging Ama ng Pantayong Pananaw sa
hinaharap.
Ramon Guillermo, “Exposition, Critique and New Directions for Pantayong Pananaw,” Kyoto
Review of Southeast Asia 3 (March 2003).
2
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
SANTOS
48
Ang ikalawang yugto, “Panahon ng Pag-uugat,” ay mula sa pagkakalathala
ng Ang Pagtuturo ng Kasaysayan sa Pilipino noong 1970 hanggang sa
makasaysayang Unang Pambansang Kumperensya sa Historiograpiyang
Pilipino na naganap noong 1989. Kaalinsabay nito ang pagkakaluklok kay
Salazar bilang dekano ng Dalubhasaan ng Agham Panlipunan at Pilosopiya ng
UP. Ito ay panahon ng pag-uugat ng PP sa UP, kung kailan lilitaw ang
maiiksing pagpapaliwanag ni Salazar ukol sa PP.
Ang ikatlong yugto, “Panahon ng Pagsibol,” na tumutukoy sa
institusyunalisasyon ng PP sa UP mula sa pagdaraos ng makasaysayang
kumperensya noong 1989 hanggang sa publikasyon ng Pantayong Pananaw:
Ugat at Kabuluhan noong 1997, ang kauna-unahang koleksyon ng mga
sopistikadong sanaysay ni Salazar ukol sa PP, lalo na ang Pantayong Pananaw
bilang Diskursong Pangkabihasnan. Ito ang panahon ng pagiging dominante ng
PP bilang pananaw pangkasaysayan sa UP Departamento ng Kasaysayan.
Masasaksihan ng ikaapat na yugto, mula sa pagkakalathala ng naturang
aklat noong 1997 hanggang sa paglulunsad ng E-Saliksik Journal noong 2012,
ang unti-unting paghina ng PP sa UP at ang paglaganap naman nito sa labas
ng pamantasan. Maaaring ituring ang yugtong ito na “Panahon ng
Pagyabong.” Dulot ng iba’t ibang salik (tulad ng pagreretiro ni Salazar sa UP,
pagkalas sa PP ng ilan niyang dating estudyante, at pagkakatanggal ng mga
nakababatang kaguruan ng Departamento ng Kasaysayan na nagsusulong ng
PP), gradwal na natanggal ang pagkakaugat ng PP sa UP Departamento ng
Kasaysayan. Nagdulot naman ito ng pagkalat ng mga kaisipan ng PP sa iba’t
ibang institusyon kung saan napadpad ang mga nakababatang tagapagsulong
nito. Sa panahong ito pinakalumago ang PP sa usapin ng publikasyon.
Ang huling yugto ay ang “Panahon ng Pamumunga.” Magsisimula ito sa
paglulunsad ng E-Saliksik Journal noong 2012 at magtatapos sa pagtuturo ni
Salazar sa Politeknikong Unibersidad ng Pilipinas (PUP) nitong 2019.
Makakarakterisa ang panahong ito ng patuloy na paglago ng PP gamit ang
mga instrumentong didyital bilang tagapagdaloy ng mga kaisipan nito. Isa
ring tema sa panahong ito ang pagtingkad ng ugnayan ni Salazar sa PUP na
hahantong sa dalawang semestre niya rito at magbubunga ng walong aklat na
mailalathala ng Bagong Kasaysayan (BAKAS).
Matapos ang payak na pagsasakasaysayang ito ay naglagay din ng maikling
talakayan ukol sa mga kritika na tinanggap ng PP sa daloy ng paglago nito
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
49
SANTOS
bilang isang proyektong intelektuwal na nagsusulong ng talastasang bayan sa
wikang Filipino.
PANAHON NG PAGPUPUNLA (YUGTONG PRE-PANTAYO):
MULA SA PAG-AARAL SA UP HANGGANG SA PUBLIKASYON NG
“ANG PAGTUTURO NG KASAYSAYAN SA PILIPINO” (1951-1970)
Panganay sa pitong magkakapatid, si Zeus Atayza Salazar ay ipinanganak
kina Luz Atayza-Salazar at Ireneo Salazar (na kauna-unahang abogado sa
kanilang bayan) sa Tiwi, Albay noong ika-29 ng Abril 1934. Lumuwas si
Salazar sa Maynila upang mag-aral ng primaryang edukasyon sa San Beda
College, kung saan siya nagtapos bilang balediktoryan noong 1947. Matapos
nito ay umuwi siya sa kanyang bayan at pumasok sa Albay High School, na
kalaunan ay naging Bicol State University. Muli siyang nagtungo sa
Kamaynilaan upang mag-aral sa Unibersidad ng Pilipinas noong 1951. Nais
ng kanyang ama na sumunod siya sa yapak nito bilang abogado, ngunit mas
pinili niya na kumuha ng programang Batsilyer ng Sining sa Kasaysayan, na
kanyang nakamit noong 1955 bilang kauna-unahang summa cum laude ng
programa sa pamantasan.3 Nagturo si Salazar bilang katuwang na instruktor
sa Departamento ng Kasaysayan sa loob ng isang taon bago siya tumungo sa
Europa upang simulan ang kanyang gradwadong pag-aaral.
Mula 1958 hanggang 1965 ay kumuha siya ng iba’t ibang akademikong
diploma at lisensya sa Ecole Nationale des Langues Orientales Vivantes,
Sorbonne Universite de Paris, at Musee de l’Homme tulad ng Wika at
Sibilisasyong Pranses (1958), Wika at Sibilisasyong Malay-Indones (1962),
Wika at Sibilisasyong Ruso (1962), Pangkalahatang Lingguwistika,
Kasaysayan ng Relihiyon, at Prehistorikong Arkeolohiya (1963), at Kultural
na Antropolohiya ng Oceania (1965). Ang kulminasyon ng kanyang
akademikong pagsasanay sa Paris ay ang paggawad sa kanya ng Doktorado sa
Etnolohiya sa Sorbonne Universite de Paris noong 1968.4 Sa panahong ito,
napasailalim siya sa gabay ng kanyang doktoradong tagapayo na si Roger
Paglilinaw ni Salazar, sa kanilang Departamento, nauna sa kanya sa pagiging summa cum
laude ang kanyang mentor na si Guadalupe Fores-Ganzon. Ngunit ang digri nito ay Bachelor of
Science in Education major in History na ang naggawad ay ang UP Kolehiyo ng Edukasyon. Si
Salazar ang unang summa cum laude sa programang Bachelor of Arts in History ng UP
Departamento ng Kasaysayan.
4 Personal na pasasalamat kay Dr. Carmen Peñalosa para sa pagbibigay sa akin ng kopya ng
67-pahinang curriculum vitae ni Salazar.
3
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
50
SANTOS
Bastid, isang sosyolohista-antropolohistang Pranses na eksperto sa mga AproAmerikanong katutubong relihiyon sa Brazil.5
Ang kanyang disertasyon ay may pamagat na Le concept AC+ ‘anitu’ dans le
monde austronesien: vers l’etude comparative des religions ethnique austronesiennes6
(Ang AC+ ‘Anitu’ sa Mundong Austronesyano: Tungo sa Kumparatibong
Pag-aaral ng mga Etnikong Relihiyong Austronesyano). Naglalayon ang
kanyang disertasyon na unawain ang relihiyong Austronesyano mula sa emiko
o panloob na perspektiba, gamit ang sentral na konsepto ng anito na laganap
sa buong mundong Austronesyano. Ito ay upang kumawala sa etiko o panlabas
na perspektiba ng ilang Europeong pantas na madalas na minamaliit ang mga
katutubong relihiyon sa mundong Austronesyano. Ang kanilang
mapangmatang pagsusuri sa mga ito bilang “animistiko” ay dulot ng kanilang
pagkukumpara sa mga ito sa mga “modernong relihiyon” na monoteistiko ng
Kanlurang Asya tulad ng Judaismo, Kristiyanismo, at Islam, sa halip na
unawain ang mga ito gamit ang mga panloob na dalumat na nagmumula
mismo sa kalinangang Austronesyano. Ang ganitong Euro-sentrikong pagaaral sa mga katutubong relihiyon ng Asya ay matagal nang suliranin sa
akademya. Mainam na sipiin ang pahayag ng sosyolohistang si Syed Alatas
ukol dito:
There is something of a cultural divide in the social
sciences that can be seen in the very concepts
employed by the various disciplines. The nature of
this cultural divide is as follows. Many concepts in
the social sciences originated from a Greco-Roman,
Latin-Christian and European tradition, which in
itself does not pose a problem if these concepts
evolve to become universal or plural. The problem,
however, is that most of the concepts are passed off
as universal when in fact they derive their
characteristics from a particular cultural tradition.
Tingnan ang Roger Bastide, The African Religions of Brazil: Toward a Sociology of the
Interpenetration of Civilizations (Maryland: John Hopkins University Press, 1978).
6 Zeus Salazar, Le concept AC+ ‘anitu’ dans le monde austronesien: vers l’etude comparative
des religions ethnique austronesiennes (Disertasyon: Universite de Paris, 1968). Ang pinaikling
bersyon nito ay matatagpuan sa kanyang sanaysay na “Pelerinage aux Sources: la Religion des
Austronesiens” (Pagbabalik-loob: Ang Relihiyon ng mga Austronesyano) na nasa Zeus Salazar,
Malayan Connection: Ang Pilipinas sa Dunia Melayu (Lunsod Quezon: Bagong Kasaysayan,
1998). Ang buod ng sanaysay nito sa wikang Filipino ay isinulat ni Gerry Se, na matatagpuan sa
apendise ng aklat.
5
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
51
SANTOS
This wreaks havoc on our understanding of social
phenomenon as can be illustrated by referring to
the example of the concept of religion. While
‘religion’ is presented as a universal concept, the
understanding of what makes up religion in
phenomenological, historical and sociological terms
is often derived from Christianity, in what Joachim
Matthes (2000) while referring to Islam, calls the
“hidden” cultural Christianisation” of the Muslim
world since it started to think of Islam as a
‘religion’. This raises the interesting question of the
extent to which ‘religions’ such as Buddhism,
Hinduism and Islam have been intellectually
reconstructed after the image of Christianity to the
very concepts employed by the disciplines that
study religions such as, ‘church’, ‘sect’,
‘denomination’, ‘secularization’, and ‘religion’
itself…7
Ang ganitong akademikong tendensya ang pinilit igpawan ni Salazar sa
kanyang disertasyon. Kapansin-pansin na ang panimulang pagpupunla ng mga
batayang kaisipan ng Pantayong Pananaw sa disertasyon na ito, na mas
mapapayabong niya kalaunan sa kanyang mga lathalain pagbalik sa
Unibersidad ng Pilipinas. Sa kasamaang palad, hanggang sa kasalukuyan ay
hindi pa rin naililimbag sa Pilipinas ang disertasyon na ito sapagkat nakasulat
sa wikang Pranses. Hindi na rin pinagtuunan pa ng pansin ni Salazar ang
pagsasalin nito sa Filipino yamang marami sa mga ideyang nilalaman nito ay
naisulat at mas nabigyang eksposisyon na niya sa mga sumunod niyang mga
akda. Gayunman, hindi maiwasan ang ispekulasyon na mas naging mabilis at
malaganap sana ang resepsyon ng iskolarsyip ni Salazar sa Pilipinas, lalo sa
larangan ng antropolohiya, kung nailimbag agad ito noong dekada sitenta.
Sa malawak na impluwensya ng multi-disiplinaryong kasanayang tinamo
niya sa Europa sa kanyang pag-iisip, hindi kalabisang ipagpalagay na hindi
ipapanganak ang PP (na may multi-disiplinaryong lapit sa kasaysayan) kung
hindi niya kinuha ang kanyang mga gradwadong pag-aaral sa Paris.
7 Syed Farid Alatas, Alternative Discourses in Asian Social Science: Responses to
Eurocentrism (India: Sage Publications Pvt Ltd, 2006), pah. 15-16, sinipi sa Clemen Aquino,
“Panlipunang Pagbabanghay: Piling Usapin sa Pag-unawa sa Sariling Lipunan,” Daluyan: Journal
ng Wikang Filipino 19:2 (2013), pah. 141.
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
SANTOS
52
Mabibigyang ilustrasyon ang puntong ito kung titingnan ang implikasyon ng
tatlong pantulong na disiplina sa uri ng naiibang pagtanaw ni Salazar sa
historiograpiya:
1. Antropolohiya – Ang kasanayang antropolohikal ni Salazar ang
nagdulot sa kanya ng tendensya na bigyan ng primaryang diin ang
panloob na pagsusuri sa isang kabihasnan. Kinakategorya ng mga
antropolohista ang metodo ng pag-aaral sa isang kultura sa dalawang
lapit: etikong lapit at emikong lapit. Ang etikong lapit ay tumutukoy sa
pag-aaral sa isang kultura gamit ang panlabas na mga kategoryang
tangan-tangan ng antropolohistang nagsasagawa ng obserbasyon. Sa
kabilang banda, ang emikong lapit naman ay tumutukoy sa pag-aaral sa
isang kultura gamit ang panloob na mga kategoryang nagmumula
mismo sa kulturang sinusuri. Noong nag-aaral si Salazar sa Paris, ang
mas binibigyang pabor na pananaw sa antropolohiya ay ang emikong
lapit. Nakaugalian din ng mga propesor sa Europa na himukin ang
kanilang mga estudyanteng magsulat ng tesis o disertasyon ukol sa
komunidad o kabihasnang kanilang pinanggalingan. Liban sa mayroong
likas na simpatya ang estudyante sa kanyang pinag-aaralan dahil doon
siya nagmula, may bentahe na rin siya sa pagsusuri sapagkat pamilyar
siya sa mga konseptong naroon bilang tagaloob. Malaki ang naging
epekto nito sa pagtingin ni Salazar sa pag-aaral ng kultura. Kalaunan,
ang kanyang emikong kasanayan sa Paris ay lilitaw nang tuloy-tuloy sa
kanyang mga publikasyon at magiging kapansin-pansin sa walang
maliw niyang pagbibigay prayoridad sa mga dalumat na nagmumula sa
“loob.”
2. Arkeolohiya – Liban sa pagiging historyador at antropolohista, sa
kasanayan ay isa ring arkeolohista si Salazar. Sa partikular, dalawang
aklat ang naisulat niya na ukol sa arkeolohiya.8 Bilang tugon sa isang
lekturang propesoryal ni Salazar noong Marso 2019, ipinahayag ni
Grace Barretto-Tesoro na ang disertasyong sinulat niya sa Unibersidad
ng Cambridge ay nakabatay sa arkeolohikal na balangkas ni Salazar.9
Zeus Salazar at Carmen Peñalosa, mga pat., Ang Saysay ng Inskripsyon sa Binatbat na
Tanso ng Laguna (Lunsod Quezon at Laguna: Bagong Kasaysayan at Pila Historical Society
Foundation Inc., 2013) at Zeus Salazar, Liktao at Epiko: Ang Takip ng Tapayang Libingan ng
Libmanan, Camarines Sur (Lunsod Quezon: Bagong Kasaysayan, 2004).
9 Ang lekturang propesoryal na ito na naganap noong ika-18 ng Marso 2019 sa Bulwagang
Bonifacio ng PUP Sta. Mesa ay ang naging batayan ng bagong aklat ni Salazar sa arkeolohiya na
kasalukuyang inihahanda: Preliminaryong Pagsusuri sa Representasyon/Pag-aanyo ng Tatlong
Liktao sa Butuan Heritage Museum, Lungsod Antipolo (Lunsod Quezon: Bagong Kasaysayan,
8
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
SANTOS
53
Masasabing ang arkeolohikal na kasanayan ni Salazar ang dahilan kung
bakit para sa kanya, mayroon nang napakahabang kasaysayan ang
Pilipinas bago pa man ang 1521. Kaiba ng mas naunang mga
historyador na may positibistang tendensya tulad nina Zaide, Agoncillo,
at Constantino na mayroong napakanipis na mga pagtalakay sa
kasaysayan ng bansa bago ang 1521, maraming aklat si Salazar na ang
tuon ay ang panahong ito. Sila Zaide, Agoncillo, Constantino at iba pang
naunang henerasyon ng mga historyador ay bunga ng isang panahon
kung kailan positibismo ang nangingibabaw na metodo sa pag-aaral ng
kasaysayan. Para sa kanila, dokumento lamang ang maaaring gamitin
ng historyador. “Kung walang dokumento, walang kasaysayan!” Ito ang
dahilan kung bakit manipis ang talakayan ng mga naunang historyador
sa panahon bago ang 1521. Kung kakaunti ang mga dokumentong
naisulat ukol sa kasaysayan ng Pilipinas bago ang 1521, paano nga
naman pag-aaralan ang panahong ito? Ngunit para kay Salazar, hindi
maaaring pabayaan ang pag-aaral ng panahong ito sapagkat naniniwala
siyang mas mahalaga ang napakahabang yugtong ito kaysa sa apat na
siglong kolonisasyon ng mga banyaga, na kung ikukumpara sa una ay
napakaikli lamang. Iginigiit din niya na ang kalinangan at
pagkakakilanlang Pilipino ay mas nahubog sa loob ng mahabang
panahong ito. Ang preokupasyon niya sa mga Austronesyano at paguugnay nito sa kasalukuyang kalinangan at kamalayang Pilipino ay
matibay na patunay ng ganitong paninindigan ni Salazar. Kahit kaunti
lamang ang dokumento, posibleng pag-aralan ang kasaysayan ng
Pilipinas bago ang 1521 gamit ang mga artipakto. Ang ganitong
pananaw niya sa kasaysayan ng Pilipinas ay dulot ng pormal na
arkeolohikal na kasanayang nasagap niya (sa pamamagitan ng lisensya
sa arkeolohiya) sa Sorbonne Universite de Paris noong 1963.
3. Lingguwistika – Malaki rin ang epekto ng pag-aaral ni Salazar ng iba’t
ibang wika sa pagbubuo niya kalaunan ng mga batayang konsepto ng
PP. Tulad ng nabanggit na sa itaas, liban sa pangkalahatang
lingguwistika, nagsanay din si Salazar ng mga wika at kalinangang
Pranses, Ruso at Malayo-Indones. Kung papansinin ang katawagan sa
mga diploma at lisensya sa wika na kinuha ni Salazar, laging
magkasamang pinag-aaralan ang wika at kalinangan. Ito ang nagmulat
kay Salazar sa reyalisasyon na hindi maaaring pag-aralan ang wika at
kalinangan nang magkahiwalay. Kung magkasamang sinusuri ang wika
papalabas). Ang nagsilbing mga reaktor sa kanyang lekturang ito ay apat na arkeolohista: Andrea
Malaya Ragrario, Grace Barretto-Tesoro, Joan Tara Reyes-Hernandez, at Timothy James Vitales.
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
54
SANTOS
at kalinangang Pranses, Ruso, at Malayo-Indones, hindi ba nararapat
lamang din na pag-aralan ang wika at kalinangang Filipino nang
magkasama? Ito rin marahil ang dahilan kung bakit mapapansin ng
lahat ng bumabasa kay Salazar na sa kanyang mga aklat, madalas
niyang binabanggit bilang iisang termino ang “wika-at-kalinangan” (hal.
wika-at-kalinangang Filipino vis-à-vis lengguwahe-at-kulturang
Espanyol). Dahil sa ganito niyang kasanayan sa Paris, kalaunan, sa
pormulasyon ng PP, isa sa lilitaw na pinaka matingkad na tema ay ang
mahigpit na pagkakaugnay ng wika at kalinangang Filipino.
Magdudulot din ito ng paninindigan ni Salazar na marapat lamang na
pag-aralan ang kasaysayan ng Pilipinas sa wikang Filipino. Liban dito,
isa pang epekto kay Salazar ng lingguwistikong kasanayan niya sa Paris
ay ang paggamit niya ng historikal na lingguwistika sa pag-aaral ng
kasaysayan at kalinangang Pilipino. Mababanaag ang pasinasyon ni
Salazar (at maging ng mga sumunod na henerasyon ng mga nagpaPantayong Pananaw) sa pagsusuri ng etimolohiya ng iba’t ibang
terminong Filipino. Pinaka litaw ang ganitong metodo ni Salazar sa
kanyang Ang Pilipinong Banua sa Mundong Melano-Polynesiano10 at Wika
ng Himagsikan, Lengguwahe ng Rebolusyon.11
Samakatuwid, lahat ng ito (epekto ng antropolohiya sa panloob na
perspektiba ni Salazar, epekto ng arkeolohiya sa malalim na paglublob niya sa
panahong prehistoriko ng bansa, at epekto ng lingguwistika sa kanyang diin
sa wikang Filipino) ay nagpapakita ng malawak na implikasyon ng pag-aaral
ni Salazar sa Paris sa naging hulma at direksyon ng Pantayong Pananaw
bilang pananaw pangkasaysayan sa Pilipinas.
PANAHON NG PAG-UUGAT:
MULA SA PUBLIKASYON NG “ANG PAGTUTURO NG
KASAYSAYAN SA PILIPINO” HANGGANG SA UNANG
PAMBANSANG KUMPERENSYA SA HISTORIOGRAPIYANG
PILIPINO (1970-1989)
Makaraan ang labingdalawang taong pananatili sa Pransya na nagwakas sa
kanyang pagkamit ng doktorado sa etnolohiya noong 1968, bumalik siya sa
Pilipinas upang simulang magturo sa Departamento ng Kasaysayan ng
10 Zeus Salazar, Ang Pilipinong Banua/Banwa sa Mundong Melano-Polynesiano (Lunsod
Quezon: Bagong Kasaysayan, 2006).
11 Zeus Salazar, Wika ng Himagsikan Lengguwahe ng Rebolusyon (Lunsod Quezon: Bagong
Kasaysayan, 1999).
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
SANTOS
55
Unibersidad ng Pilipinas noong akademikong taong 1968-1969. Unang taon
pa lamang niya sa UP ay sinimulan na niya ang pagtuturo ng kasaysayan sa
wikang Filipino. Ang kauna-unahang nagtangka sa Departamento na magturo
ng kasaysayan sa Filipino ay ang kanyang mentor na si Guadalupe ForesGanzon. Gayunman, hindi ito nagtagumpay sapagkat siya ang nag-iisang
nagsagawa nito. Lahat ng kanyang mga kasabayan, kabilang na si Teodoro
Agoncillo, ay nanatiling nasa wikang Ingles ang pagtuturo at pagsusulat. Sa
kaso ni Salazar, nahikayat niya ang ilan niyang mga kasamahan sa
Departamento na magturo sa wikang Filipino. Kaya naman 1968 ang
maituturing na pagsisimula ng tradisyon ng pagtuturo ng kasaysayan sa
wikang Filipino sa UP.12 Noong una ay nahirapan siya dulot na rin ng
labingdalawang taong pagkakawalay niya sa wikang Filipino habang nasa
Pransya. Ang kanya pa ngang mga estudyante ang tumulong sa kanya noong
simula sa pamamagitan ng pagtatama ng kanyang Filipino. Mas nahikayat ni
Salazar ang kanyang mga mag-aaral na gamitin ang wikang Filipino sa
pamamagitan ng pagbibigay ng dagdag na puntos bilang insentibo sa
sinumang mag-aaral na sasagot sa mga pagsusulit at susulat ng mga sanaysay
gamit ang wikang pambansa (bawal pa noon ang pagpapamandatoryo ng
wikang Filipino sa klase).
Taong 1970 ang itinuturing nina Navarro, Rodriguez-Tatel at Villan na
panahon ng kapanganakan ng PP,13 sa pagkakalimbag sa isang dyornal ng
sanaysay ni Salazar na Ang Pagtuturo ng Kasaysayan sa Filipino.14 Bagaman
1983 pa unang lilitaw ang Pantayong Pananaw bilang termino sa UP,15 ang
Zeus Salazar, pat., Ang P/Filipino sa Agham Panlipunan at Pilosopiya (Maynila: Kalikasan
Press, 1991), 79.
13 Atoy M. Navarro, Mary Jane Rodriguez-Tatel at Vicente C. Villan, mga pat., “Pambungad ng
mga Patnugot,” nasa Navarro, et al, mga patnugot, Pantayong Pananaw: Pagyabong ng
Talastasan. Pagbubunyi kay Zeus A. Salazar (Lunsod Quezon: Bagong Kasaysayan, 2015), pah.
1.
14 Zeus Salazar, “Ang Pagtuturo ng Kasaysayan sa Pilipino,”
15 Personal na komunikasyon kay Prop. Atoy Navarro sa facebook messenger, Setyembre 17,
2019. Aniya, una itong magagamit sa klase ni Salazar sa historiograpiya. Ang unang
bibliograpikal na talang naglalaman nito ay ang Alejandro Navarro, Wilfredo Sarino, Wilfredo
Reyes, Daniel Agoncillo, Nelson Molina, Cristina Sionosa at Juan Miguel Padua, “Ang Pantayong
Pananaw Noong 1983,” papel na inihanda para sa klase ng Kasaysayan 199, U.P. Diliman,
1983. Ang unang publikong lektura naman kung saan lumitaw ang PP ay ang Zeus Salazar, "Ang
Pantayong Pananaw sa Kasaysayan at ang Kaugnayan nito sa Disiplina ng Sikolohiya." Isang
publikong lekturang pinasinayahan ng Philippine Psychology Research and Training House
(PPRTH), Setyembre 2, 1987. Ngunit ang unang pormal na pagkakagamit ng termino sa isang
lathalain ay matatagpuan sa Zeus Salazar, “Paunang Salita,” nasa Nilo Ocampo, Katutubo,
Muslim, Kristyano: Palawan, 1621-1901 (Kolonya: Alemanya: Bahay Saliksikan ng Kasaysayan,
1985).
12
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
56
SANTOS
sanaysay na ito ni Salazar ay naglalaman na ng mga batayang kaisipan ng PP
tulad ng tunggalian sa pagitan ng “kulturang kolonyal” at “kalinangang
Pilipino,” ang pag-iral ng pagkakaiba sa pagitan ng “pagkakami” at
“pagkatayo” ng mga Filipino, ang pananaig ng Ingles na nagdudulot ng
pagsasagilid sa bayang Filipino, at pangangailangan na ituro at isulat ang
kasaysayan sa wikang Filipino. Ibig sabihin, sa pagkakataong ito magkakaroon
ng unang pag-uugat ng kaisipan ng PP sa Departamento ng Kasaysayan sa
UP.
Simula sa panahong ito ay mas paiigtingin ni Salazar ang kanyang
adbokasiya sa pagpapalaganap ng wikang Filipino sa disiplina ng kasaysayan.
Isa sa mga paraan na ginamit niya para rito ay ang pagpapasulat ng mga
katitikan (minutes of the meeting) ng lahat ng napag-usapan nila sa loob ng klase
sa wikang Filipino.16 Ibinuhos niya rin ang kanyang atensyon sa pagsasalin ng
iba’t ibang akda tungo sa wikang Filipino. Naniniwala siya na ang pagsasalin
ay isang esensyal na hakbang tungo sa pagbubuo ng isang talastasang
pambansa na may PP. Sa isang sanaysay noong 1974, ganito ang kanyang
ipinahayag ukol sa gawain ng pagsasalin:
Bawat nabubuhay na kabuuang kultural ay
umaangkin ng galing sa iba at sa labas, batay sa
sariling batas ng pagkakultura, upang umiral at
huwag pumanaw at maangkin pa nga ng iba. Bilang
isang organismong istoriko-kultural na may
sariling kakanyahan, ang pamayanang Pilipino ay
dapat na humango (at sumalok pa nga) sa buong
daigdig, tumanggap ng pangkalinangang ambag at
impluho mula sa alinmang panig, subalit ang lahat
ng ito’y dapat ilagak sa sariling wika, sapagkat dala
ng wika an gating kulturang kanya ring
pinauunlad. Kaya kailangan ang pagsasalin sa
Pilipino, isang gawaing lalo pang magkakamit ng
ibayong lawak at kabuluhan sa tulin at ritmo ng
ating pagiging buong pagkakultura-at-wika.17
Detalyadong inilahad ang ukol sa mga katitikan sa klase ni Salazar sa Mark Joseph P.
Santos, “Panimula: Ang Guro sa Bahay Escaler,” nasa Santos at Axle Christien J. Tugano, mga
pat., Martes sa Escaler (Lunsod Quezon: Bagong Kasaysayan, 2019).
17 Zeus Salazar, “Mula sa Patnugot,” nasa Salazar, pat., Ang Kasaysayan: Diwa at Lawak
(Lunsod Quezon: Limbagan ng Unibersidad ng Pilipinas, 1974), pah. ix-x.
16
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
SANTOS
57
Sa parehong aklat kung saan matatagpuan ang siping ito ay isinalin niya
mula wikang Aleman tungo sa Filipino ang isang kabanata ng aklat ni Oswald
Spengler na The Decline of the West.18 Sa mga sumunod na dekada ay
magkakaroon pa siya ng ilan pang mga proyekto ng pagsasalin tulad ng “Ang
Pagguho ng Troya”19 na pagsasa-Filipino ng akdang pangliteratura ni Walter
Jens mula parin sa wikang Aleman. Mayroon din siyang isang buong aklat ng
mga tula, na liban pa sa mga personal niyang katha ay naglalaman ng salin
niya sa Filipino ng tula ng mga makatang Europeo.20 Ngunit ang pinaka
mahalaga marahil na proyektong pagsasalin na nagawa ni Salazar ay ang
pagsasa-Filipino niya ng Manifesto ng Partido Komunista21 nina Karl Marx at
Friedrich Engels. Bukod sa salin, naglalaman ito ng mahahabang anotasyon at
pangkalahatang tala na naglalahad ng posisyon ni Salazar at ng PP ukol sa
Marxismo. Iginiit niya na hindi pa lubusang naaangkin ng Kapilipinuhan ang
Marxismo, lalo pa dahil karamihan sa mga pangunahing teksto nito (gayundin
ang pagdidiskurso ukol dito ng mga lider at intelektuwal ng partido) ay nasa
wikang banyaga parin. Ani nga ni Ramon Guillermo sa isang panayam niya sa
Politeknikong Unibersidad ng Pilipinas, “isinalin ni Salazar ang Manifesto ng
Partido Komunista para maipakita na hindi ito maisasalin.”22
Ngunit lahat ng ito ay nasa hinaharap pa. Balik sa dekada sitenta, isang taon
bago ang Batas Militar, lumahok noong 1971 si Salazar sa protesta ng mga
kaguruan at mga mag-aaral ng UP na tinaguriang Diliman Commune. Ipinagutos ni Marcos ang pagdakip sa mga nakilahok dito. Isa na rito si Salazar na
inaresto at ipiniit mula 1971 hanggang 1973.23 Nakalaya lamang siya dahil sa
pakiusap ng kanyang kaibigang si Leticia Ramos-Shahani, kapatid ng dating
Pangulong Fidel Ramos. Pagsapit ng 1974, nasangkot si Salazar sa
proyektong multi-tomong kasaysayan ng Pilipinas na ipinakomisyon ni
Oswald Spengler, The Decline of the West (Munich: C.H. Beck’sche Verlagsbuchhandlung,
1922).
19 Walter Jens, Pagguho ng Troya, salin ni Zeus Salazar (Maynila: Kalikasan Press, 1989).
20 Zeus Salazar, Mga Tula ng Pag-iral at Pakikibaka (Lunsod Quezon: Bagong Kasaysayan,
2001).
21 Karl Marx at Friedrich Engels, Manifesto ng Partido Komunista ng Pilipinas, salin ni Zeus
Salazar (Lunsod Quezon: Bagong Kasaysayan, 2000).
22 Ramon Guillermo, “Ang mga Komento ni Karl Marx Hinggil kay James Mill: Pagsasalin at
Pagpapakahulugan,” panayam na inorganisa ng PUP Center for Language and Literature Studies,
ginanap sa Bonifacio Hall, NALLRC, PUP Sta. Mesa noong ika 23 ng Marso 2018. Ang pormal na
tugon ni Guillermo sa salin ni Salazar ng Manifesto ng Partida Komunista ay Ramon Guillermo,
“Notes on Zeus Salazar’s Filipino Translation of The Communist Manifesto,” nasa Teresa S.
Encarnacion Tadem at Laura L. Samson, mga pat., Marxism in the Philippines: Continuing
Engagements (Mandaluyong: Anvil Publishing Inc., 2010).
23 Portia L. Reyes, “Celebrating Zeus Salazar,” nasa Reyes, pat., Towards a Filipino History: A
Festschrift for Zeus Salazar (Lunsod Quezon: Bagong Kasaysayan, 2015), pah. 4.
18
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
58
SANTOS
Marcos, ang Tadhana: The History of the Filipino People. Karamihan sa
bumubuo sa pangkat ng mga iskolar na lumahok sa proyektong ito ay mula sa
UP tulad nina Alejandrino Hufana, Cesar Hidalgo, at Samuel Tan. Si Salazar
ang naghanda ng pangkabuuang balangkas ng pinaplano sanang 21-tomong
serye. Gayunpaman, hindi ito natupad at apat na tomo lamang ang naisagawa
ng grupo. Ang pansamantalang partisipasyon ni Salazar sa proyektong ito ay
magdadala ng permanenteng bahid sa kanyang reputasyon, na magiging
dahilan din ng pagbabansag sa kanya ng ilang iskolar tulad ni Patricio
Abinales na “tutang istoryador ng diktador.”24
Gayunpaman, sa ganang kay Salazar, ang dahilan kung bakit siya sumali sa
proyekto ay sapagkat nakita niya ito bilang oportunidad na mas mapalawak pa
ang pangkaalamang pangkasaysayan ng mga Pilipino. Ayon sa panunuringaklat ni Michael Charleston “Xiao” Chua sa Tadhana, ang pangunahing ambag
ng aklat ay ang pagiging kauna-unahang akdang pangkasaysayan ng Pilipinas
na pinaka ekstensibo ang pagtalakay sa panahon mula ikalabing-anim
hanggang ikalabingwalong dantaon. Aniya, lahat ng mga aklat at teksbuk
bago ang Tadhana ay mayroong nakapanipis na pagtalakay sa panahong ito.
Karamihan sa mga pahina ng mga aklat ay nakatuon sa ikalabingsiyam na
dantaon. Dahil pangulo ang pasimuno ng proyektong ito, inalis ang
restriksyon sa lahat ng batis na matatagpuan sa Pambansang Aklatan at
Pambansang Sinupan ng bansa, upang magamit ang mga ito ng pangkat.
Ipinadala rin ang ilang mga iskolar sa Estados Unidos habang kay Salazar
ipinagkatiwala ang paggalugad sa mga aklatan at sinupan ng Europa, dahil na
rin sa kaalaman niya sa mga wikang Europeo.25 Kaya naman, tinitingnan ni
Salazar ang paglahok niya sa proyektong ito hindi bilang paglilingkod sa
diktador kundi okasyon para maisakatuparan ang mahalagang gawain ng
pagsusulat ng pambansang kasaysayan tungo sa patuloy na pagbubuo ng
bayan. Aniya:
Ang mga presidente ay manunungkulan sa
maikling panahon at pagkatapos ay mawawala.
Ngunit ang proyekto ng pagsulat ng kasaysayan ay
“Ang Akademikong Debate/Talastasan ng Dekada,” p. 22, 24. Isang di-nakalathalang
dokumento na tinipon at isinaayos ni Prop. Michael Charleston Chua. Ito ay naglalaman ng
palitan ni Patricio Abinales sa isang banda, at Zeus Salazar, Adonis Elumbre, Atoy Navarro at iba
sa kabilang banda sa facebook noong Hulyo 2010 ukol sa samu’t saring isyu tulad ng Marxismo,
Mindanao, Batas Militar, at Pantayong Pananaw.
25 Michael Charleston B. Chua, “Ang Dapat na Tadhana ng Tadhana: Isang Muling Sulyap sa
Pamana ng Intelektwal na Produksyon ng Diktadurang Marcos ukol sa 17-18 Siglo,” Panunuringaklat sa klase ni Vicente Villan na Kasaysayan 203, Unang Semestre, 2010-2011.
24
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
59
SANTOS
nagpapatuloy. Dapat pa nga na bawat
administrasyon ay magkaroon ng proyekto ng
multi-volume na kasaysayan ng Pilipinas. Ngunit
natigil iyan kay Marcos, wala na muling pangulong
nagsagawa ng ganyang proyekto.26
Ngunit taong 1979 ay nilisan na ni Salazar ang proyektong Tadhana.
Kalagitnaan ng dekada sitenta ay magtatagpo ang landas ng tatagurian sa
hinaharap bilang “Tatlong Bathala ng Agham Panlipunang Pilipino”: Zeus
Salazar, Virgilio Enriquez at Prospero Covar. Matapos ang kanilang pag-aaral
sa UP, lahat sila ay tumungo sa ibang bansa upang kumuha ng doktorado:
Doktorado sa Etnolohiya sa Sorbonne University, Paris si Salazar; Doktorado
sa Panlipunang Sikolohiya sa Northwestern University, Illinois si Enriquez; at
Doktorado sa Antropolohiya sa University of Arizona si Covar. Bumalik si
Salazar (1968), Enriquez (1971) at Covar (1975) sa UP sa parehong taon kung
kailan nila natapos ang kani-kanilang doktorado. Taong 1975 ay inorganisa ni
Enriquez ang Unang Pambansang Kumperensya sa Sikolohiyang Pilipino,
kung saan inimbitahan niya bilang mga tagapagsalita sina Salazar at Covar.
Bunga ng kumperensyang ito ay ipinanganak ang Pambansang Samahan sa
Sikolohiyang Pilipino (PSSP).27 Tumayo si Salazar bilang isa sa mga unang
lupong tagapamahala ng PSSP. Mula rito ay naging mahigpit na ang
pagtutulungan sa pagitan ng tatlong pantas, na nagsulong ng Pilipinisasyon
ng kanilang disiplina sa kani-kanilang Departamento ng Kasaysayan,
Sikolohiya at Antropolohiya. Bunga nito, tatagurian sila bilang Ama ng
Pantayong Pananaw (Salazar), Ama ng Sikolohiyang Pilipino (Enriquez), at
Ama ng Pilipinolohiya (Covar).
Pagsapit ng 1980, kasama ang kanyang asawa, ang Alemang lingguwistang
si Marlies Spiecker-Salazar, at kanilang mga anak, tumungo sila sa Alemanya
noong 1980 kung saan sila nanirahan ng limang taon. Nanatili siya sa
Unibersidad ng Cologne sa pamamagitan ng research fellowship na naigawad sa
kanya ng pamahalaang Aleman. Sa Cologne mailalathala ang mahalagang
sanaysay niya na A Legacy of the Propaganda,28 kung saan niya unang
Mark Joseph Santos at Axle Christien J. Tugano, mga pat., Martes sa Escaler (Lunsod
Quezon: Bagong Kasaysayan, 2019), pah. 96.
27 Atoy Navarro, “Ama ng Sikolohiyang Pilipino: Buhay at Kontribusyon ni Virgilio G. Enriquez,”
Diwa E-Journal 1:1 (Nobyembre 2013): 244.
28 Zeus Salazar, “A Legacy of the Propaganda” nasa Salazar, pat., The Ethnic Dimension:
Papers on Philippine Culture, History and Psychology (Kolonya: Counseling Center for Filipinos,
1983), pah. 107-126.
26
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
SANTOS
60
ipaliliwanag ang pagkakabuo ng reaktibong tatluhang-hating pangkasaysayan
ng nasyonalistang historiograpiya bilang tugon sa dalawahang-hating
pangkasaysayan ng kolonyal na historiograpiya. Habang nasa siyudad na ito,
nakipag-ugnayan siya sa mga kasamahan niyang propesor sa UP
Departamento ng Kasaysayan at magkakatuwang nilang itinatag ang Bahay
Saliksikan sa Kasaysayan.29 Ang aralang grupong ito ang maglalathala sa
Cologne ng tesis at mga disertasyon nina Nilo Ocampo,30 Jaime Veneracion,31
at Consolacion Alaras.32
Bumalik si Salazar sa UP noong 1986 upang ipagpatuloy ang kanyang
pagtuturo. Makalipas ang isang taon, hinirang siya bilang tagapangulo ng
Departamento ng Kasaysayan. Nagbigay ito sa kanya ng oportunidad upang
mas payabungin sa Departamento ang pagtuturo at pagsusulat ng kasaysayan
sa Filipino. Sa panahon ding ito lilitaw sa mga magasin ang tuwiran ngunit
maiikling paliwanag ni Salazar ukol sa PP.33
PANAHON NG PAGSIBOL:
MULA SA UNANG PAMBANSANG KUMPERENSYA SA
HISTORIOGRAPIYANG PILIPINO HANGGANG SA PUBLIKASYON
NG “PANTAYONG PANANAW: UGAT AT KABULUHAN” (19891997)
Ang natatanging pangyayari na maaaring ituring na nagbigay daan sa
institusyunalisasyon ng PP sa UP Departamento ng Kasaysayan ay ang
Unang Pambansang Kumperensya sa Historiograpiyang Pilipino na naganap
mula Marso 27 hanggang Abril 1, 1989. Sa pangunguna ni Salazar, inorganisa
ito ng Departamento ng Kasaysayan, Lipunang Pangkasaysayan, at Bahay
Saliksikan sa Kasaysayan. Ito ang kauna-unahang pampublikong pagtitipon
kung saan sistematikong inilatag ng samu’t saring tagapagsalita ang pagbuo
ng isang Bagong Kasaysayan na nakasandig sa PP. Kalaunan, tinipon ang mga
papel ng mga tagapagsalita at nailimbag sa pamamatnugot nina Dedina Lapar
Reyes, op cit, pah. 8
Nilo Ocampo, Katutubo, Muslim, Kristyano: Palawan, 1621-1901 (Kolonya: Bahay
Saliksikan ng Kasaysayan, 1985).
31 Jaime Veneracion, Kasaysayan ng Bulakan (Kolonya: Bahay-Saliksikan sa Kasaysayan,
1986).
32 Consolacion R. Alaras, Pamathalaan: Ang Pagbubukas sa Tipan ng Mahal na Ina (Kolonya:
Bahay-Saliksikan sa Kasaysayan, 1988).
33 Zeus Salazar, “Pantayong Pananaw: Isang Paliwanag,” Philippine Currents IV:9 (September
1989): 17-20, at “Ang Pantayong Pananaw sa Agham Panlipunan: Historiograpiya,” Philippine
Currents IV:11-12 (November-December 1989): 10-14.
29
30
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
SANTOS
61
at Bernadette Abrera.34 Liban sa naipakalat ng kumperensyang ito ang mga
ideya ng PP sa napakaraming mga delagado na nagmula sa iba’t ibang
institusyon at nailahad ang opisyal na tindig ng Departamento ukol sa
historiograpiya, napakahalaga rin ng akademikong pagtitipong ito dahil
nagbigay daan ito sa pagtatatag ng isang propesyunal na samahang
pangkasaysayan. Matapos ang kumperensya, pormal na itinatag ang
Asosasyon ng mga Dalubhasa, may Hilig at Interes sa Kasaysayan (ADHIKA)
ng Pilipinas, na pinangunahan ni Jaime Veneracion bilang unang pangulo nito.
Katulad ng Bahay Saliksikan sa Kasaysayan, magsisilbing matibay na
instrumento ang ADHIKA sa pagsusulong ng pagtuturo at pananaliksik sa
kasaysayan na nasa wikang Filipino at may PP, na isinasagawa nito hanggang
sa kasalukuyan.
Dalawang taon lamang naglingkod si Salazar bilang tagapangulo ng
Departamento ng Kasaysayan, dahil dalawang buwan matapos ang
kumperensya ay itinalaga siya bilang dekano ng Kolehiyo ng Agham
Panlipunan at Pilosopiya. Radikal at mabilisan ang ginawang transpormasyon
ni Salazar sa sistema ng Kolehiyo. Simboliko ang ginawa niyang pagsasaFilipino ng pangalan ng Kolehiyo mula College of Social Sciences and Philosophy
tungong Dalubhasaan ng Agham Panlipunan at Pilosopiya (DAPP). Ipinagutos niya ang tahasang pagsasa-Filipino ng mga liham at papel-transaksyon
ng Kolehiyo, maging ang pagsulat ng mga katitikan at wika ng mga
pagpupulong.
Lubos na nakatulong sa pagpupunyaging ito ni Salazar ang pag-angat ni
Jose Abueva bilang ikalabing-anim na pangulo ng UP mula 1987 hanggang
1993. Liban sa kanyang reputasyon bilang isa sa mga nangungunang pantas
ng agham pampulitika ng bansa, pinaka kilala rin si Abueva sa kanyang
institusyunalisasyon ng wikang Filipino sa UP sa panahon ng kanyang
panunungkulan. Upang matasa ang estado ng pagpi-Filipino ng iba’t ibang
departamento sa pamantasan, ipinag-utos ni Abueva ang pagdaraos ng isang
kolokyum. Ginanap sa parehong taon ng kumperensya sa Historiograpiyang
Pilipino, ang kolokyum na ito ay nilahukan ng mga kinatawan ng unibersidad
mula sa iba’t ibang disiplina tulad ng kasaysayan, heyograpiya, sosyolohiya,
gawaing panlipunan, antropolohiya, sikolohiya, ekonomiya, demograpiya,
agham pampulitika, administrasyong pampubliko, lingguwistika, at batas.
34 María Bernadette L. Abrera at Dedina A. Lapar, mga pat., Paksa, Paraan at Pananaw sa
Kasaysayan: Ulat ng Unang Pambansang Kumperensya sa Historiograpiyang Pilipino, 27 March 1 April 1989 (Lunsod Quezon: Departamento ng Kasaysayan, Unibersidad ng Pilipinas, 1993)
219-224.
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
62
SANTOS
Inilahad ng bawat tagapagsalita ang kasaysayan at kasalukuyang kondisyon
ng pagpi-Filipino sa kani-kanilang departamento. Kalaunan, tinipon ang
kanilang mga papel at inilimbag sa pamamatnugot ni Salazar.35
Isa pa sa magiging preokupasyon ni Salazar ay ang pamamahala ng
programang doktorado sa Philippine Studies. Pinalitan niya ang pangalan ng
PhD Philippine Studies patungong Doktorado sa Pilipinolohiya, na
sumisimbulo sa radikal na pagbabago sa pananaw ng programa. Naging
katuwang niya ang kanyang matalik na kaibigang si Prospero Covar ng
Departamento ng Antropolohiya (na hinirang niya bilang Kawaksing
Dekano)36 sa pagdadalumat ng konseptong Pilipinolohiya. Binigyang
kahulugan ni Covar ang Pilipinolohiya bilang:
[S]istimatikong pag-aaral ng (1) Pilipinong
kaisipan (psyche) (2) Pilipinong kultura at
Pilipinong lipunan. Ang wika at iba’t ibang
larangan ng sining: musika, pagguhit, eskultura,
sayaw, arkitektura, drama, panitikan, pelikula,
pilosopiya, pati na ang relihiyon ay aking
ibinibilang sa kultura. Sa kabuuan, ang lahat ng ito:
kaisipan, kultura at lipunan ang pinag-aaralan
upang palitawin ang pagka F/Pilipino ng bawat
larangan. Ang lahat ng larangang nabanggit ay
hinabi at nililok ng mga F/Pilipino.37
Samakatuwid, anumang pag-aaral ukol sa mga Filipino sa Pilipinas na nasa
wikang Filipino ay maituturing na saklaw ng malawak na larangan ng
Pilipinolohiya. Sa pamamagitan muli ng pagtutulungan ng dalawa,
magkakaroon ng pagtitipon ng buod ng mga disertasyon na naisulat sa ilalim
ng programang doktorado ng Pilipinolohiya, at ilalathala ito bilang
Pilipinolohiya: Kasaysayan, Pilosopiya at Pananaliksik.38 Bukod sa artikulo ni
Zeus Salazar, pat., Ang P/Filipino sa Agham Panlipunan at Pilosopiya (Maynila: Kalikasan
Press, 1991).
36 Lily Mendoza, “Theoretical Advances in the Discourse of Indigenization,” nasa Atoy M.
Navarro at Flordeliza Lagbao-Bolante, mga pat., Mga Babasahin sa Agham Panlipunang Pilipino:
Sikolohiyang Pilipino, Pilipinolohiya at Pantayong Pananaw (Lunsod Quezon: C&E Publishing Inc.,
2007), pah. 259.
37 Prospero Covar, Larangan: Seminal Essays on Philippine Culture (Metro Manila: National
Commission for Culture and the Arts, 1998), pah. 27.
38 Violeta V. Bautista at Rogelia Pe-Pua, mga pat., Pilipinolohiya: Kasaysayan, Pilosopiya at
Pananaliksik (Maynila: Kalikasan Press, 1991).
35
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
SANTOS
63
Covar na tumatalakay sa saklaw at pananaw ng Pilipinolohiya, nakapaloob din
sa aklat na ito ang kauna-unahang ekstensibong pagpapaliwanag ni Salazar sa
PP. Ang Pantayong Pananaw bilang Diskursong Pangkabihasnan ang
maituturing na pinaka sistematikong eksposisyon ni Salazar ng PP. Isang
matibay na patunay nito ay ang desisyon ni Isaac Donoso, propesor ng
kasaysayan sa Unibersidad ng Alicante, Espanya na piliin ang artikulong ito at
isalin mula Filipino tungong Espanyol upang ipresinta ang PP sa mga
akademiko at estudyanteng Espanyol.39
Mahalaga ang taong 1997 sa yugtong ito ng kasaysayan ng PP. Sa taong ito
titipunin ng mga mag-aaral ni Salazar ang kanyang kalat-kalat na mga
sanaysay mula sa iba’t ibang dyornal at aklat at ilalathala sa ilalim ng titulong
Pantayong Pananaw: Ugat at Kabuluhan.40 Ito ang magsisilbing unang isang
buong aklat ukol sa PP. Ang publikasyon nito ay naging instrumental sa
paglaganap ng PP sa labas ng UP.
PANAHON NG PAGYABONG:
MULA SA PUBLIKASYON NG “PANTAYONG PANANAW: UGAT AT
KABULUHAN” HANGGANG SA PAGLULUNSAD NG SALIKSIK EJOURNAL (1997-2012)
Sa buong kasaysayan ng PP mula 1970 hanggang kasalukuyan, ang dekada
nobenta at unang dekada ng sumunod na siglo ang maituturing na pinaka
produktibong mga dekada ni Salazar at ng Bagong Kasaysayan sa usapin ng
paglalathala ng mga akda ukol sa PP. Liban sa Pantayong Pananaw: Ugat at
Kabuluhan, mahalaga rin ang 1997 dahil sa taong ito sisimulan ng Bagong
Kasaysayan (BAKAS) ang paglulunsad ng serye ng mga pag-aaral na nasa
diwa ng PP, na naging posible sa pamamagitan ng di-matatawarang tulong ni
Carmen Peñalosa. Mula 1997 hanggang 2006, labing-apat na mga monograp
ang inilathala ng BAKAS na isinulat ni Salazar at iba pang tagapagsulong ng
PP na karamihan ay kanyang mga dating mag-aaral. Narito ang listahan ng
labinlimang lathalain:41
Zeus Salazar, “Pantayong Pananaw como Discurso Civilizacional,” isinalin ni Isaac Donoso,
Revista Filipina 2:2 (2015): 5-22.
40 Atoy Navarro, Mary Jane Rodriguez, at Vicente Villan, mga pat., Pantayong Pananaw: Ugat
at Kabuluhan. Pambungad na Pag-aaral sa Bagong Kasaysayan (Lunsod Quezon: Palimbagan ng
Lahi, 1997).
41 Mapapansin na walang “Lathalain Bilang 12,” at tumalon kaagad sa Lathalain Bilang 13.
Maaaring nagkaroon lamang dito ng pagkakamali sa pagnunumero.
39
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
64
SANTOS
Talahanayan I
Serye ng mga BAKAS Monograp mula 1997 hanggang 2006
Bilang
Lathalain Bilang
1
Lathalain Bilang
2
Lathalain Bilang
3
Lathalain Bilang
4
Lathalain Bilang
5
Lathalain Bilang
6
Monograp
Ang ‘Real’ ni Bonifacio bilang
Teknikang Militar42
Si Andres Bonifacio at ang
Kabayanihang Pilipino43
Ang Timawa sa Kasaysayang
Pilipino44
Ang Babaylan sa Kasaysayan ng
Pilipinas,45
Ang Himagsikang Pilipino sa mga
Pahayagang Aleman46
Ang Kartilya ni Emilio Jacinto at
ang Diwang Pilipino sa Agos ng
Kasaysayan47
Lathalain Bilang
Ang Kababaihan sa Himagsikang
7
Pilipino48
Lathalain Bilang Wika ng Himagsikan Lengguwahe
8
ng Rebolusyon49
Lathalain Bilang ‘Araw’ at ‘Gahum’ ng New Israel sa
9
Mindanaw: Isang Pag-aaral sa
Sekta ng Moncado Alpha and Omega
sa Perspektibang HistorikoKultural50
May-akda
Zeus Salazar
Zeus Salazar
Nancy KimuellGabriel
Zeus Salazar
Portia L. Reyes
Zeus Salazar
Mary Jane Rodriguez
Zeus Salazar
Myfel Joseph Paluga
Zeus Salazar, Ang ‘Real’ ni Bonifacio bilang Teknikang Militar sa Kasaysayan ng Pilipinas
(Lunsod Quezon: Bagong Kasaysayan, 1997).
43 Zeus Salazar, Si Bonifacio at ang Kabayanihang Pilipino (Lunsod Quezon: Bagong
Kasaysayan, 1997).
44 Nancy Kimuell-Gabriel, Ang Timawa sa Kasaysayang Pilipino (Lunsod Quezon: Bagong
Kasaysayan, 1999).
45 Zeus Salazar, Ang Babaylan sa Kasaysayan ng Pilipinas (Lunsod Quezon: Bagong
Kasaysayan, 1999).
46 Portia L. Reyes, Ang Himagsikang Pilipino sa mga Pahayagang Aleman (Lunsod Quezon:
Bagong Kasaysayan, 1999).
47 Zeus Salazar, Ang Kartilya ni Emilio Jacinto at ang Diwang Pilipino sa Agos ng Kasaysayan
(Lunsod Quezon: Bagong Kasaysayan, 1999).
48 Mary Jane Rodriguez, Ang Kababaihan sa Himagsikang Pilipino (Lunsod Quezon: Bagong
Kasaysayan, 1999).
49 Zeus Salazar, Wika ng Himagsikan Lengguwahe ng Rebolusyon (Lunsod Quezon: Bagong
Kasaysayan, 1999).
50 Myfel Joseph Paluga, ‘Araw’ at ‘Gahum’ ng New Israel sa Mindanaw: Isang Pag-aaral sa
Sekta ng Moncado Alpha and Omega sa Perspektibang Historiko-Kultural (Lunsod Quezon:
42
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
65
SANTOS
Lathalain Bilang
10
Lathalain Bilang
11
Manifesto ng Partido Komunista51
Ang Bagong Kasaysayan sa Wikang
Filipino: Kalikasan, Kaparaanan,
Pagsasakasaysayan52
Lathalain Bilang Ideolohiyang Anacbanua: Pagtatakda
13
ng Baley/Sentro ng Doxa at
Kamalayang Makabansa sa
Kasaysayan at Panitikan ng
Pangasinan53
Lathalain Bilang
Ang Sakayan sa Pagbubuo ng
14
Banua: Pandan, 1174-194854
Lathalain Bilang
Ang Dalumat ng Bayan sa
15
Kamalayan at Kasaysayang
Pilipino55
Zeus Salazar
Atoy Navarro
Ma. Crisanta Flores
Efren Isorena
Mary Jane Rodriguez
Sa dalawang dekada rin na ito lilitaw ang mahahalagang mga aklat ni
Salazar tulad ng The Malayan Connection,56 Mga Tula ng Pag-iral at
Pakikibaka,57 Liktao at Epiko,58 Kasaysayan ng Kapilipinuhan: Bagong
Balangkas,59 Pangulong ERAP:
Biograpiyang Sosyo-Pulitikal
at
60
Pangkalinangan ni Joseph Ejercito Estrada, Ang Pilipinong Banua/Banwa sa
Bagong Kasaysayan, 2000).
51 Karl Marx at Friedrich Engels, Manifesto ng Partido Komunista ng Pilipinas, salin ni Zeus
Salazar (Lunsod Quezon: Bagong Kasaysayan, 2000).
52 Atoy Navarro, Ang Bagong Kasaysayan sa Wikang Filipino: Kalikasan, Kaparaanan,
Pagsasakasaysayan (Lunsod Quezon: Bagong Kasaysayan, 2000).
53 Ma. Crisanta Flores, Ideolohiyang Anacbanua: Pagtatakda ng Baley/Sentro ng Doxa at
Kamalayang Makabansa sa Kasaysayan at Panitikan ng Pangasinan (Lunsod Quezon: Bagong
Kasaysayan, 2006).
54 Efren Isorena, Ang Sakayan sa Pagbubuo ng Banua: Pandan, 1174-1948 (Lunsod Quezon:
Bagong Kasaysayan, 2006).
55 Mary Jane Rodriguez, Ang Dalumat ng Bayan sa Kamalayan at Kasaysayang Pilipino
(Lunsod Quezon: Bagong Kasaysayan, 2006).
56 Zeus Salazar, Malayan Connection: Ang Pilipinas sa Dunia Melayu (Lunsod Quezon: Bagong
Kasaysayan, 1998).
57 Zeus Salazar, Mga Tula ng Pag-iral at Pakikibaka (Lunsod Quezon: Bagong Kasaysayan,
2001).
58 Zeus Salazar, Liktao at Epiko: Ang Takip ng Tapayang Libingan ng Libmanan, Camarines
Sur (Lunsod Quezon: Bagong Kasaysayan, 2004).
59 Zeus Salazar, Kasaysayan ng Kapilipinuhan: Bagong Balangkas (Lunsod Quezon: Bagong
Kasaysayan, 2004).
60 Zeus Salazar, Pangulong ERAP: Biograpiyang Sosyo-Pulitikal at Pangkalinangan ni Joseph
Ejercito Estrada. Tomo 1. Pinunong Bayan: Tungo sa Hamon ng EDSA II (San Juan: RPG
Foundation Inc., 2005).
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
SANTOS
66
Mundong Melano-Polynesiano,61 at Asya: Kasaysayan at Kabihasnan.62 Tulad
ng napansin ni Atoy Navarro, late bloomer si Salazar pagdating sa
paglalathala.63 Mapapansing dekada nobenta lamang aarangkada ang kanyang
publikasyon sa usapin ng bilang. Bago ang 1990s, marami siyang kalat-kalat
na mga artikulo ngunit mangilan-ngilan lamang ang kanyang mga aklat na
naisusulat. Tatlong dahilan ang maaaring tingnan. Una, natuon ang atensyon
ni Salazar sa kanyang mga gampanin bilang tagapangulo ng departamento
(1987-1989) at dekano ng kolehiyo (1989-1992). Ikalawa, ang radikal na mga
hakbang ni Salazar tungo sa pagsasa-Filipino ng kolehiyo ay umani ng
antagonismo mula sa ilan niyang mga kasamahan, na naging sanhi ng
pagkalublob niya sa masalimuot na pulitika at polemika ng kolehiyo, na
malamang na umubos ng kanyang oras.64 Sa simula pa lamang ng kanyang
panunungkulan bilang dekano ay tinatangka na ang pagpapababa sa kanya at
pag-agaw sa kanyang posisyon, ngunit nagawa niya itong pagtagumpayan
hanggang sa palitan siya ni Consuela Paz noong 1992. Ikatlo, dekada nobenta
unti-unting mawawalan ng administratibong gawain si Salazar. Bukod sa
pagbaba bilang dekano noong 1992, taong 1996 binitawan ni Salazar ang
kurso sa historiograpiya. Taong 2000 naman magreretiro si Salazar mula sa
pagtuturo sa UP. Ang mga ito ang makapagpapaliwanag kung bakit dekada
nobenta lamang siya magsisimulang maging produktibo sa kanyang mga
paglalathala. Matapos ang pagreretiro, lalo pang dadami ang kanyang
panahon sa pagsusulat, gayundin ang pagbibigay ng mga publikong panayam.
Subalit kaalinsabay ng pagbulusok sa produksyon ng mga lathalain ni
Salazar at BAKAS ay ang unti-unti namang paghina ng PP sa UP. Dalawang
salik ang maaaring makapagpaliwanag nito. Una ay ang pagbaba ni Salazar
bilang dekano noong 1992 at kanyang pagreretiro noong 2000 sa edad na 66.
Bagaman dalawang taon ang maaaring ekstensyon ng isang propesor na may
edad 65 bago ang pagreretiro, isang taon lamang ang ipinahintulot na
ekstensyon kay Salazar sa UP. Kasunod nito ay ang unti-unting pagtanggal
mula sa Departamento ng Kasaysayan ng mga nakababatang tagapagsulong
ng PP mula 2002 hanggang 2003. Ang mga propesor na ito ay nagsilipat sa
iba’t ibang institusyon tulad ng UP Manila, Pamantasang De La Salle,
Zeus Salazar, Ang Pilipinong Banua/Banwa sa Mundong Melano-Polynesiano (Lunsod
Quezon: Bagong Kasaysayan, 2006).
62 Zeus Salazar, Atoy Navarro, Lars Ubaldo, at Sharon Maminta, Asya: Kasaysayan at
Kabihasnan (Lunsod Quezon: Abiva Publishing House Inc., 2010).
63 Personal na komunikasyon kay Prop. Atoy Navarro sa opisina ng Institute of Human and
Social Development, PUP Sta. Mesa, Setyembre 28, 2018.
64 Personal na komunikasyon kay Dr. Carlos Tatel Jr., Bulwagang Bonifacio, PUP Sta. Mesa,
Hulyo 2, 2019.
61
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
SANTOS
67
Kolehiyo ng San Beda, Kolehiyo ng St. Joseph, at Kolehiyo ng St. Scholastica.
Kalaunan, ilan sa kanila ay nakabalik sa UP Diliman, ngunit hindi sa
Departamento ng Kasaysayan, bagkus ay sa Departamento ng Filipino at
Panitikan ng Pilipinas (DFPP).65 Dahil sa mga personal at ideolohikal na
pulitika, unti-unting binaklas ng ilang propesor mula sa kolehiyo at
departamento ang PP. Bagaman nanatili ang pagsasa-Filipino sa
Departamento ng Kasaysayan (na hanggang ngayon ay nagpapatuloy),
naisagilid naman dito ang PP bilang pangkasaysayang perspektiba sa
pagtuturo at pananaliksik, samantalang bumalik naman ang dominasyon ng
Ingles sa kolehiyo. Isang simbolikong aksyon dito ang pagtanggal ng
pangalang Dalubhasaan ng Agham Panlipunan at Pilosopiya ng kolehiyo.
Marahil isa sa mga dahilan ng antogonismong ito sa PP ay ang pagtaliwas ng
marami sa radikal at istriktong pamumuno ni Salazar, na kinailangan niya
upang mabilisang maisagawa ang pagsasa-Filipino ng kolehiyo.
Ikalawang salik nito ay ang krisis sa pamunuan ng ADHIKA. Mula 2000,
unti-unting kakalas mula sa PP ang ilang propesor ng Departamento ng
Kasaysayan at mga pinuno ng ADHIKA tulad nina Ferdinand Llanes, Jaime
Veneracion at Bernadette Abrera. Umiinog ang kanilang pangkat sa konsepto
ng Kasaysayang Bayan, na ang pakahulugan ay iba sa mga
pagpapakahulugang naisagawa na ni Salazar noon pa mang 1985. Naagaw ng
kanilang pangkat ang pamunuan ng ADHIKA nang iluklok si Llanes bilang
pangulo nito. Isa sa naging pangunahing dahilan ng paghiwalay ng pangkat
ng Kasaysayang Bayan sa PP ay ang patuloy na pagtindig ni Salazar sa
kanyang paniniwala na hindi pa naiuugat ang Marxismo sa kalinangang
Pilipino kaya naman hindi pa ito nagkakaroon ng saysay sa Kapilipinuhan.66
Matutunghayan ang mga polemika ng magkabilang panig sa mga publikasyon
ng BAKAS at ADHIKA mula sa taong 2000. Ang pinaka tuwirang kritisismo
ni Salazar sa pangkat ng Kasaysayang Bayan (na madalas niyang kantiin sa
pamamagitan ng taguring “kasaysayan ba yan?”) ay matatagpuan sa mga
komentaryo at talababa niya sa kanyang salin ng Manifesto ng Partido
Komunista.67
Dahil sa pinagsama-samang pangyayaring ito (pagtatapos ng termino ni
Salazar bilang dekano, pagreretiro, pagtatanggal sa mga nakababatang
Personal na komunikasyon kay Prop. Atoy Navarro, facebook messenger, Setyembre 17,
2019.
66 Portia L. Reyes, “Fighting Over a Nation: Theorizing a Filipino Historiography,” Postcolonial
Studies 11:3 (2008): 244.
67 Karl Marx at Friedrich Engels, Manifesto ng Partido Komunista ng Pilipinas, salin ni Zeus
Salazar (Lunsod Quezon: Bagong Kasaysayan, 2000), pah. 175-193, 271-273.
65
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
SANTOS
68
tagapagsulong ng PP, personal at mga ideolohikal na pulitika sa kolehiyo, at
krisis sa pamunuan ng ADHIKA), unti-unting naisagilid ang PP sa
departamento at kolehiyo, at natigil na ang institusyunalisasyon nito sa UP na
nagsimula noong 1989. Ngunit sa perspektiba ni Salazar at iba pang miyembro
ng BAKAS, sa isang banda ay nakabuti pa nga ang mga pangyayaring ito sa
pagpapalaganap ng PP sa pangmatagalang aspekto. Sa halip na nakasentro
lamang ang PP sa UP Departamento ng Kasaysayan, naipalaganap ito sa iba’t
ibang institusyon kaakibat ng pagkalat ng mga nakababatang tagapagsulong
nito sa labas ng UP.
Bagaman “retirado” na sa pagtuturo sa UP, wala naman talagang
pagreretirong ginawa si Salazar sa mga gawaing pangkasaysayan. Kung
tutuusin, mas dumami pa nga ang kanyang panahon sa pagsusulat at
pagbibigay ng mga pampublikong panayam sa iba’t ibang seminar at
kumperensya. Sa parehong taon ng pagreretiro niya sa UP ay inanyayahan
naman siya na magturo sa Departamento ng Sikolohiya at Departamento ng
Lingguwistika ng Pamantasang De La Salle. Nagturo siya rito sa loob ng apat
na taon, mula 2000 hanggang 2004. Mula sa kanyang pagtuturo sa
pamantasang ito ay nabuo ang pinatnugutan niyang Sikolohiyang Panlipunanat-Kalinangan,68 na kolektibong isinulat ng kanyang mga gradwadong
estudyante sa sikolohiya.
Taong 2003 pinasimulan ng BAKAS ang serye ng mga pambansang
kumperensya nito ukol sa PP. Malaki ang naging implikasyon nito sa
pagpapalaganap ng PP sa sistemang pang-edukasyon sapagkat karamihan sa
mga dumadalo rito ay mga guro ng agham panlipunan sa primarya at
sekondarya, gayundin ang mga instruktor at propesor ng kasaysayan at mga
agham panlipunan sa mga pamantasan. Makikita sa talahanayang nasa ibaba
ang tema ng mga pambansang kumperensya ng BAKAS mula 2003 hanggang
2018:69
Zeus Salazar, pat., Sikolohiyang Panlipunan-at-Kalinangan: Panimulang Pagbabalangkas
ng Isang Larangan (Lunsod Quezon: Bagong Kasaysayan, 2004).
69 Ang impormasyon mula sa una hanggang ikalabingdalawang kumperensya ay hango sa
Zeus Salazar at Carmen Peñalosa, mga patnugot, Pagkabuo ng Bayan (1588-1913): Ikalawang
Yugto ng Kasaysayan ng Kapilipinuhan (Quezon City: Bagong Kasaysayan, 2014), walang
pahinasyon.
68
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
69
SANTOS
Talahanayan II
Serye ng mga Pambansang BAKAS Seminar-Workshop
mula 2003 hanggang 2018
Bilang
Una
Ikalawa
Ikatlo
Ikaapat
Ikalima
Ikaanim
Ikapito
Ikawalo
Tema
Bagong Kasaysayan: Ang
Historiograpiyang Pilipino sa
Ika-21ng Dantaon
Iba’t Ibang Pilosopiya at
Pamamaraan sa Pagsusulat at
Pagtuturo ng Kasaysayan
Ang mga Etnolingguwistikong
Grupo sa Pag-aaral ng Etnisidad:
Tungo sa Integratibong
Lapit/Metodo ng Pagtuturo at
sa Pagpapatibay ng Araling
Panlipunan bilang Bahagi ng
Kurikulum sa Lahat ng Antas
Pang-edukasyon
Mga Pagsasakasaysayan sa
Bagong Historiograpiyang
Pilipino: Mga Larangan sa
Pananaliksik at Pagtuturo,
Integrasyon at Pagpopook
(Indehinisasyon o Lokalisasyon)
Kamalayang Panrelihiyon at
Pambansa: Pagbabalik-aral sa
Karanasang Ispiritwal ng mga
Pilipino sa Agos ng Kasaysayan
at ang Nagpapatuloy na Papel ng
Relihiyon sa Lipunan at
Estadong Pilipino
Kalikasan, Kapaligiran at
Kalinangan sa Pag-aaral ng
Bagong Kasaysayan
Ang Bayan sa Ibayong-dagat:
OFW, Pamilyang Pilipino at
Katatagang Panlipunan sa Agos
ng Kasaysayan ng Migrasyon
Kasarian: Mga
Pagpapakahulugan sa Daloy ng
Pinagdausan
Poveda Learning
Center, Quezon
City
Poveda Learning
Center, Quezon
City
Mirriam College,
Quezon City
Petsa
Abril 2224, 2003
Colegio de San
Juan de Letran,
Manila
Abril 1820, 2006
San Beda
College, Manila
Abril 1820, 2007
St. Paul College,
Makati
Abril 2325, 2008
Don Bosco
Technical School,
Makati
Abril 2224, 2009
Unibersidad ng
Pilipinas, Manila
Mayo 5-7,
2010
Abril 1214, 2004
Abril 1820, 2005
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
70
SANTOS
Ikasiyam
Ikasampu
Ikalabingisa
Kasaysayan
Kasaysayan at Kalinangan: Ang
Bagong Kasaysayan sa Unang
Dekada ng Siglo 21
Kasaysayan at Kapilipinuhan:
Bagong Balangkas
Ortigas
Foundation Inc.
Library, Ortigas
Center, Pasig
Don Bosco
Technical School,
Makati
San Antonio de
Padua College,
Laguna
Pamayanan (hk 500,000-250,000
BK-1588 MK): Unang Yugto ng
Kasaysayan ng Kapilipinuhan sa
Pagdiriwang ng Ika-400ng
Anibersaryo ng Pagkalimbag ni
Tomas Pinpin ng Diksyunaryo ni
San Buenaventura (1613)
Ikalabing- Pagkabuo ng Bayan (1588-1913):
Politeknikong
dalawa
Pangalawang Yugto ng
Unibersidad ng
Kasaysayan ng Kapilipinuhan.
Pilipinas, San
Alay sa Pagdiriwang ng IkaJuan
150ng Anibersaryo ng
Kapanganakan ni Gat Andres
Bonifacio
Ikalabing- Panahon ng Transisyon at Krisis Filamer Christian
tatlo
ng Lipunan at Kalinangan ng
University,
Kapilipinuhan (1890-1913):
Roxas, Capiz
Huling Baytang ng Pagkabuo ng
Bayan (1588-1913).
Pangalawang Bahagi ng
Kasaysayan ng Kapilipinuhan
(500,000/250,000 BK-2015 MK)
Ikalabing- Bagong Kasaysayan at ang K-12 Claret School of
apat
Curriculum
Quezon City
Mayo 1012, 2011
Abril 1821, 2012
Abril 3-6,
2013
Abril 2326, 2014
Abril 2225, 2015
Abril 1113
Sa yugto ring ito ng paglaganap (1997-2012) lumitaw ang mga tesis at
disertasyon na pumapaksa sa PP. Ilan na rito ang tesis at mga disertasyon nina
Ramon Guillermo sa Unibersidad ng Pilipinas,70 Lily Mendoza sa Arizona
State University,71 Portia Reyes sa Bremen University,72 at Rommel Curaming
70 Ramon Guillermo, Pook at paninindigan sa pagpapakahulugan: pag-uugat ng talastasang
sosyalista sa kalinangang bayan (MA Thesis: University of the Philippines, 1999).
71 S. Lily Mendoza, Between the Home and the Diaspora: The Politics of Theorizing Filipino
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
71
SANTOS
sa Australian National University.73 Naging paksa rin ang PP ng isang buong
isyu ng dyornal na Kritika Kultura ng Ateneo de Manila University (ADMU).
Ang isyung ito, na may kontribusyon nina Guillermo,74 Myfel Paluga,75 Aaron
Moralina,76 at Rhommel Hernandez77 ay bunga ng isang sampaksaan ukol sa
PP na ginanap sa ADMU noong Hulyo 17, 2009. Lahat ng ito ay indikasyon
ng paglaganap ng PP sa akademyang Pilipino.
PANAHON NG PAGMUMUNGA:
MULA SA PAGLULUNSAD NG SALIKSIK E-JOURNAL HANGGANG
SA PAGTUTURO NI SALAZAR SA PUP (2012-2019)
Dalawang pangunahing tema ang lantad sa yugtong ito ng kasaysayan ng
PP. Una ay ang didyital na paglaganap ng PP, at ikalawa ay ang tumitingkad
na koneksyon ni Salazar sa Politeknikong Unibersidad ng Pilipinas (PUP),
partikular na sa Departamento ng Kasaysayan nito. Tatlong mahahalagang
pangyayari ang pumapaloob sa didyital na pag-unlad ng PP: 1. Paglulunsad ng
E-Saliksik Journal, 2. Pagsisimula ng Talastasang BAKAS sa Facebook, at 3.
Serye ng mga panayam ng Dulowtard History Live kay Salazar.
Sa taong 2012 ay magkakatuwang na itinatag nina Salazar, Jaime Tiongson
at Lorenz Lasco ang Saliksik E-Journal, ang opisyal na dyornal ng BAKAS.
Ganito binigyang deskripsyon ng mga tagapamahala ang dyornal:
Ang SALIKSIK E-Journal ay naglalayong isulong
ang akademikong talastasan sa agham panlipunan,
humanidades, kasaysayan, pilosopiya, at siyensya sa
wikang Filipino. Isa itong refereed e-journal na
and Filipino American Identities. A Second Look at the Poststructuralism-Indigenization Debates
(New York: Routledge, 2002).
72 Portia L. Reyes, Pantayong Pananaw and Bagong Kasaysayan in the New Filipino
Historiography. A History of Filipino Historiography as an History of Ideas (PhD Dissertation:
Bremen University, 2002).
73 Rommel A. Curaming, When Clio Meets the Titans: Rethinking State-Historian Relations in
Indonesia and the Philippines (PhD Dissertation: Australian National University, 2006).
74 Ramon Guillermo, “Pantayong Pananaw and the History of Philippine Political Concepts,”
Kritika Kultura 13 (2009): 107-116.
75 Myfel Joseph Paluga, “Pagbabasa at Pagbabasang-Muli sa PP,” Kritika Kultura 13 (2009):
117-127.
76 Aaron Rom O. Moralina, “Short Notations and Reflections on Pantayong Pananaw,” Kritika
Kultura 13 (2009): 128-135.
77 Jose Rhommel B. Hernandez, “Ang Pandaigdigang Pananaw ng Pantayong Pananaw,”
Kritika Kultura 13 (2009): 136-144.
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
72
SANTOS
itinatag nina Zeus A. Salazar, Ph.D., Jimmy F.
Tiongson, at Lorenz Lasco. Lumalabas ito ng hindi
bababa ng isang beses kada taon.78
Itinatahan ng bahay-dagitab ng Philippine E-Journals, mula 2012 hanggang
2018 ay nakapaglathala ito ng labingtatlong isyu. Liban noong 2013, kada
taon ay naglalathala ang Saliksik E-Journal ng dalawang isyu. Makikita sa
talahanayang nasa ibaba ang mga isyu ng Saliksik E-Journal:
Talahanayan III
Mga Isyu ng Saliksik E-Journal mula 2012 hanggang 2018
Tomo
at
Bilang
1:1
Taon
Patnugot
2012
Lorenz Lasco at Jimmy
F. Tiongson
1:2
2012
2:1
3:1
2013
2014
3:2
4:1
4:2
2014
2015
2015
5:1
2016
5:2
6:1
2016
2017
6:2
7:1
2017
2018
7:2
2018
78
Tema
Pagpapakilala Saliksik EJournal, Pantayong Pananaw at
Bagong Kasaysayan
Atoy Navarro
Araling Kabanwahan at Araling
Timog Silangang Asya
Vicente Villan
Sakayan, Sining at Wika
Adonis Elumbre
Kasaysang Buhay, Kasaysayang
Bayan, at Kasaysayang
Kabanwahan
Nancy Kimuell-Gabriel Andres Bonifacio at Katipunan
Lars Raymund Ubaldo
Austronesyano
Adonis Elumbre
Araling ASEAN at Araling
Timog Silangang Asya
Ma. Florina OrillosAraling Pangkapaligiran
Juan
Roderick Javar
Kasaysayang Buhay
Mary Jane RodriguezAraling Etniko
Tatel
Nancy Kimuell-Gabriel Araling Kababaihan at Kasarian
Atoy Navarro
Festschrift para kay Nilo
Ocampo: Kasaysayang
Pampook, Araling Rizal, at
Wikang Filipino
Michael Charleston
Batas Militar
“Karapatang Sipi at Patnugutan,” Saliksik E-Journal 1:1 (2012).
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
73
SANTOS
Chua
Naging daluyan din ng talakayan ukol sa samu’t saring isyung
pangkasaysayan ang facebook, na nilahukan ni Salazar at ng iba pang
tagapagtaguyod ng BAKAS. Nagsimula ang tinaguriang Talastasang BAKAS
sa Facebook noong 2015 nang magkaroon ng debate ukol sa pagtatayo ng
Torre de Manila sa likod ng Luneta. Uminog ang pagtatalo sa pagiging etikal
ng proyektong ito sa aspektong pangkasaysayan, lalo pa dahil ang pinaguusapan ay may kinalaman sa bantayog ni Jose Rizal. Kalaunan, inilimbag ng
BAKAS bilang aklat ang napakahabang palitan na ito sa facebook.79 Sinundan
ito ng mas kontrobersyal na debate noong 2017 sa pagitan ni Salazar at Floro
Quibuyen. Nagsimula ito sa isang artikulo ni Michael Charleston “Xiao” Chua
na Rizal: The First Emo? na nilapatan ng mga komentaryo ni Quibuyen sa mga
talahuli ng teksto, at tinugunan namang muli ni Chua. Noong 2017, muli
nilang pinaskil ang palitang ito sa facebook na nagpasimula ng talastasan ukol
sa pagkakaiba ng konsepto ng bayani at heroe. Iginiit ni Quibuyen na isang uri
ng maling dikotomiya ni Salazar ang paghihiwalay sa bayani at heroe, na
nagbunga ng pagturing kay Rizal bilang isang heroe at hindi bayani.
Napagpasyahan muli ng BAKAS na ilathala ang palitang ito, na nilapatan ni
Salazar ng kanyang piling mga artikulo sa apendise ng aklat.80 Naglalaman din
ang aklat na ito ng kritika ni Salazar sa tesis ni Quibuyen sa A Nation Aborted81
na kay Johann Gottfried Herder nasagap ni Rizal ang kanyang konsepto ng
nasyon.82 Sa kasalukuyan, mayroon pang dalawang Talastasang BAKAS sa
Facebook na napipintong ilathala ng BAKAS. Ang una ay ukol sa debate noong
2017 kung talaga bang nakatulog si Bonifacio noong 1896 kaya hindi
nakalusob sa Intramuros, at ikalawa ay ukol sa palitan noong 2018 kung may
pangangailangan ba na palaganapin ang baybayin bilang pambansang panulat.
Taong 2017 naman sinimulan ng Dulowtard History Live ang serye ng mga
panayam kay Salazar ukol sa PP. Ang Dulowtard History Live ay serye ng mga
talakayan ukol sa samu’t saring paksa sa kasaysayan nina Xiao Chua at Van
Arvin Lloyd Pingul, Jose Mario de Vega, at Reymar Tecson, mga patnugot, Talastasang
BAKAS sa Facebook; Pagtatakda sa Luneta: Ang Monumento at ang Torre sa Kasaysayan; Hiraya
ng ‘Knights’ at Pasiya ng Bayan (Quezon City: Bagong Kasaysayan, 2015).
80 Arvin Lloyd Pingul, et al, mga pat., Pamana ng Ika-19 na Dantaon: Pagtatakdang
Pangkasaysayan. Bayani at Heroe sa Pagbubuo ng Bansa (Lunsod Quezon: Bagong Kasaysayan,
2017).
81 Floro C. Quibuyen, A Nation Aborted: Rizal, American Hegemony, and Philippine
Nationalism (Quezon City: Ateneo de Manila University Press, 1999).
82 “Tala tungkol sa Griyegong ήρως (heros) at Kastilang Heroe; ang Pinagmulan ng ‘Nacion’ ni
Rizal,” nasa Pingul, op cit, pah. 352-389.
79
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
SANTOS
74
Ybiernas, na isinasagawa sa facebook at ipinapaskil sa youtube. Naganap ang
serye ng kanilang pakikipanayam kay Salazar ukol sa PP at iba pang paksang
may kinalaman dito noong ika-19 ng Setyembre 2017, ika-29 ng Disyembre
2018 at ika-17 ng Abril 2019. Bilang isang instrumento ng pampublikong
kasaysayan, nakita nina Chua at Ybiernas ang facebook bilang epektibong
daluyan ng kasaysayan patungo sa bayan. Dahil sa maraming tagasubaybay
sina Chua at Ybiernas, nakatulong pang lalo ang Dulowtard History Live sa
popularisasyon ng PP. Sa aspektong ito ng popularisasyon ng PP naging
instrumental ang mga pangpublikong kasaysayang aktibidad ni Chua. Mas
naipalaganap pa lalo ang PP sa pamamagitan ng ilan niyang mga
pampublikong panayam, pagsusulat sa dyaryo at paglitaw sa telebisyon kung
saan itinatanghal niya si Salazar at ang PP (dahilan kung bakit pabiro siyang
binabansagan sa sirkulo ng BAKAS bilang “umalohokan ng Pantayong
Pananaw”).83
Ang ikalawang mahalagang tema sa yugtong ito ng PP ay ang tumitingkad
na kaugnayan ni Salazar sa PUP Departamento ng Kasaysayan. Maiuugat ito
sa makailang ulit na imbitasyon ng PUP kay Salazar na maging tagapagsalita
sa iba’t ibang kumperensya mula 2011 hanggang 2013.84 Taong 2013 din
binigyan si Salazar ng Gawad Kalatas, isang parangal na iginagawad ng PUP
Departamento ng Kasaysayan. Sa pamamagitan ng pakikipag-ugnayan ng
PUP Departamento ng Kasaysayan sa BAKAS, idinaos ang ika-13
pambansang kumperensya ng BAKAS sa PUP San Juan noong 2014. Sa
kumperensyang ito sinurpresa si Salazar ng kanyang mga dating mag-aaral,
kaguro at mga kaibigan sa pamamagitan ng paghahandog sa kanya ng
dalawang festschriften,85 isa sa wikang Filipino at isa sa Ingles, sa okasyon ng
Ilang halimbawa na ay ang mga sumusunod: Michael Charleston Chua, “Saysay ng sariling
kasaysayan: Ang Ambag ni Zeus Salazar sa Bayan,” GMA News, Enero 8, 2018; “Mga Maling
Akala ukol sa Pantayong Pananaw,” Abante, Mayo 4, 2019; at PTV, “[News@1] Xiao Time: Dr.
Zeus A. Salazar, Ama ng Bagong Kasaysayan,” Youtube, Abril 21, 2014, matatagpuan sa
https://www.youtube.com/watch?v=OcVnZmqU5_s, inakses noong ika-23 ng Setyembre 2019.
84 Ilan sa mga panayam na ibinahagi ni Salazar sa PUP sa yugtong ito ay ang mga
sumusunod: “Andres Bonifacio bilang Pinunong Militar,” Bulwagang Claro M. Recto, PUP Sta.
Mesa, ika-2 ng Disyembre 2011; “Mga Pinakaimportanteng Usapin at Pinagkakaabalahan ng
mga Historyador sa Kasalukuyan hinggil sa Kasaysayan ng Pilipinas,” Bulwagang Claro M. Recto,
PUP Sta. Mesa, ika-16 ng Pebrero 2012; “Ang Bayan tungo sa/kay Inang Bayan at sa Haring
Bayang Katagalugan: Si Supremo Andres Bonifacio at ang Katipunan sa Pagbubuo ng Bansa,”
Bulwagang Balagtas, PUP Sta. Mesa, ika-27 ng Nobyembre 2013.
85 Isang intelektuwal na tradisyon mula sa Alemanya, ang festschrift ay isang publikasyong
iniaalay sa isang pantas bilang pagpupugay sa kanyang malaking kontribusyon sa larangan. Atoy
M. Navarro, Mary Jane Rodriguez-Tatel at Vicente C. Villan, mga pat., Pantayong Pananaw:
Pagyabong ng Talastasan. Pagbubunyi kay Zeus A. Salazar (Lunsod Quezon: Bagong Kasaysayan,
2015), at Portia L. Reyes, pat., Towards a Filipino History: A Festschrift for Zeus Salazar (Lunsod
83
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
SANTOS
75
pagdiriwang ng kanyang ika-80 kaarawan. Mahalagang mabanggit dito na
ang mga patnugot ng festschrift sa wikang Filipino ay sina Atoy Navarro, Mary
Jane Rodriguez-Tatel, at Vicente Villan, ang tatlong dating mag-aaral ni
Salazar na namatnugot rin sa Pantayong Pananaw: Ugat at Kabuluhan noong
1997. Kaiba ng publikasyong 1997 kung saan ang tomo ay binubuo ng mga
artikulo ni Salazar, ang festschrift ng 2014 (bagaman 2015 aktuwal na
nailathala) ay kalipunan ng mga sanaysay na isinulat ng mga dating
estudyante ni Salazar. Simboliko ito at nagpapakita kung gaano na umunlad
ang PP mula noong 1997, at kung paanong ang PP ay lampas na sa
indibiduwal na pagpupunyagi ni Salazar.
Noong 2018, muling inanyayahan ng PUP Departamento ng Kasaysayan si
Salazar, pero sa pagkakataong ito ay hindi na bilang tagapagsalita sa isang
kumperensya. Sa isang munting pagsasalo sa Via Mare, Sentrong Asyano,
inimbitahan ng noo’y tagapangulo ng PUP Departamento ng Kasaysayan na si
Raul Roland Sebastian si Salazar na magbigay ng modyular na pagsasanay sa
mga kaguruan ng Departamento ukol sa historiograpiya. Kalaunan nauwi ito
sa kasunduan na sa halip na sanayin ang mga kaguruan, siya na ang mismong
hahawak ng kursong metodolohiyang pangkasaysayan ng mga mag-aaral ng
kasaysayan na nasa kanilang ikaapat na taon sa pamantasan. Mula Hunyo
hanggang Oktubre 2018, sa edad na 84 ay nagklase siya sa Silid S606 ng PUP
tuwing Sabado, mula alas dos ng hapon hanggang alas sais ng gabi (bagaman
ang aktuwal na oras ng klase ay hanggang alas singko lamang). Naging bunga
ng kursong ito ang aklat na Metodolohiyang Pangkasaysayan86 na kolektibong
isinulat ng mga mag-aaral sa ilalim ni Salazar.
Matapos ang unang semestre ng akademikong taon 2018-2019 ay pumayag
muli si Salazar na magturo sa PUP, sa parehong klase ng mga mag-aaral. Sa
pagkakataong ito ang kanya namang itinurong kurso ay pilosopiya ng
kasaysayan. Mas naging mabunga ang semestreng ito dahil apat na aklat ukol
sa pilosopiya ng kasaysayan ang nailathala ng mga mag-aaral na ukol sa
sumusunod na mga paksa: 1. Pilosopiya ng Kasaysayang Pampook,87 2.
Pilosopiya ng Kasaysayang Pambansa,88 3. Pilosopiya ng Kasaysayang
Quezon: Bagong Kasaysayan, 2015).
86 Danica Dela Paz, Jomarie Ecleo, Jeremiah Montejo, Nikko Jay Ramos at Argen Rivas, mga
patnugot, Metodolohiyang Pangkasaysayan; Klase sa Historiograpiya ni Dr. Zeus A. Salazar
(Quezon City: Bagong Kasaysayan, 2019).
87 John Adrianfer Atienza, Danica Dela Paz, Joce Anne Magpayo, at Argen Rivas, mga
patnugot, Loob: Ang Saklaw ng Kasaysayan ng Bansa; Klase sa Historiograpiya ni Dr. Zeus A.
Salazar (Quezon City: Bagong Kasaysayan, 2019).
88 Rizza Mae Soledad, Zairylle Joice Garcia, Reign Narish Pedriña, at Krizia Rodriguez, mga
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
SANTOS
76
Rehiyunal,89 at 4. Pilosopiya ng Kasaysayang Pandaigdig.90 Bagaman isinulat
ng mga mag-aaral, monumental ang mga aklat na ito sapagkat ang mga ito
ang kauna-unahang nailathalang mga aklat sa Pilipinas ukol sa pilosopiya ng
kasaysayan na nasa wikang Filipino. Liban pa rito, kolektibo ring nagsulat ng
institusyunal na kasaysayan ng PUP ang klaseng ito.91
Dahil hindi sapat para kay Salazar ang apat na oras na klase upang
mapayabong ang kaalaman ng mga mag-aaral, ipinangkat niya sila sa iba’t
ibang grupo, at bawat grupong ito ay kinatatagpo niya ng isa o dalawang
beses sa kanyang tahanan na kung tawagin ay Bahay Escaler, tuwing araw ng
Martes. Sa pagkakataong ito sila binibigyan ni Salazar ng munting lektura,
rekomendasyon sa mga batis na dapat gamitin, at mga payo sa pag-aayos ng
kanilang balangkas upang maihanda sila sa gagawin nilang ulat sa araw ng
Sabado. Lahat ng katitikan (minutes of the meeting) na naitala ng mga mag-aaral
ukol sa metodolohiyang pangkasaysayan sa unang semestre ay tinipon at
inilathala bilang Martes sa Escaler.92 Nahahati ang mga katitikang ito ng mga
napag-usapan sa Bahay Escaler sa tatlong paksa: 1. Kritikang Panlabas at
Panloob, 2. Mga Pantulong na Disiplina (tulad ng arkeolohiya, antropolohiya,
lingguwistika, sikolohiya, ekonomiks, at agham pampulitika), at 3. Naratibong
Pangkasaysayan. Sa ikalawang semestre sa kursong pilosopiya ng kasaysayan
ay ganito rin ang naging paraan ng klase ni Salazar. Tuwing Sabado ay
nagkaklase siya sa PUP at tuwing Martes ay kinatatagpo niya ang mga grupo
sa Bahay Escaler. Sa pagkakataong ito, sa halip na katitikan ay naghanda ang
mga mag-aaral ng transkripsyon ng aktuwal na mga naging usapan sa BahayEscaler tuwing may nagaganap na pagpupulong. Ang koleksyon naman ng
mga transkripsyong ito sa mga pagpupulong na naganap mula Nobyembre
2018 hanggang Enero 2019 ang nagbunga ng ikalawang tomo na Martes sa
Escaler II: Pilosopiya ng Kasaysayan.93 Sa pangkabuuan, walong aklat ang
patnugot, Pilosopiya ng Kasaysayang Pambansa; Klase sa Historiograpiya ni Dr. Zeus A. Salazar
(Quezon City: Bagong Kasaysayan, 2019).
89 Alexander P. Asumbrado, Paula Louise L. Monilla, Aira Lei L. Nunag, at Audrey Stephanie L.
Quibot, mga patnugot, Ang Pilosopiya ng Kasaysayang Rehiyunal; Klase sa Historiograpiya ni Dr.
Zeus A. Salazar (Quezon City: Bagong Kasaysayan, 2019).
90 Nikko Jay B. Ramos, Jvel P. Atayde, Razziline A. Barlaan, Mary-Dianne A. Hernan, mga
patnugot, Ang Pilosopiya ng Kasaysayang Pandaigdig; Klase sa Historiograpiya ni Dr. Zeus A.
Salazar (Quezon City: Bagong Kasaysayan, 2019).
91 Adrianfer Atienza, Danica Dela Paz, Nikko Jay Ramos, Argen Rivas, mga patnugot,
Kasaysayan ng PUP; Klase sa Historiograpiya ni Dr. Zeus A. Salazar (Quezon City: Bagong
Kasaysayan, 2019).
92 Mark Joseph Santos at Axle Christien J. Tugano, mga pat., Martes sa Escaler; Klase sa
Historiograpiya ni Dr. Zeus A. Salazar (Lunsod Quezon: Bagong Kasaysayan, 2019).
93 Mark Joseph P. Santos, Martes sa Escaler II: Talakayan ng mga Mag-aaral ng P.U.P;
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
77
SANTOS
naisilang ng klase ni Salazar sa PUP sa loob ng dalawang semestre, na
inilathala ng BAKAS. Naganap ang paglulunsad ng mga aklat na ito sa PUP
Tahanan ng Alumni noong Disyembre 7, 2019.
Isa pang mahalagang pangyayari sa PUP ang pagbibigay niya ng serye ng
dalawang lekturang propesoryal sa kasaysayan at arkeolohiya noong Marso
2019. Ang una rito, na ukol sa PP sa harap ng kasalukuyang K-12 na
sistemang pang-edukasyon ng bansa,94 ay nilahukan nina Xiao Chua, Wensley
Reyes, Mary Jane Rodriguez-Tatel at Myfel Paluga bilang mga reaktor ng
panayam. Isa sa mahalagang punto sa panayam na ito ang ibinahagi ni Chua na
ang pagpasok ng K-12 sa sistemang pang-edukasyon ay nakatulong sa higit
pang pagpapalaganap ng PP. Sa kurikulum ng Humanities and Social Sciences
strand (HUMSS) ng Senior High School ay mayroong kursong ang tawag ay
Disciplines in the Social Sciences. Isa sa mga paksang pinag-aaralan dito ay ang
Agham Panlipunang Pilipino na kinabibilangan ng PP ni Salazar,
Sikolohiyang Pilipino ni Virgilio Enriquez at Pilipinolohiya ni Prospero Covar.
Sina Grace Barretto-Tesoro, Timothy Vitales, Joan Reyes-Hernandez, at
Andrea Ragrario naman ang tumayong reaktor sa ikalawang lekturang
propesoryal ni Salazar na ukol sa pagsuri sa tatlong artipaktong matatagpuan
sa Butuan Heritage Museum.95 Lahat ng ito ay nakatulong sa pag-uugat ng
PP sa PUP Departamento ng Kasaysayan, na hindi kalabisang ituring sa
kasalukuyan bilang pumapangalawa sa Departamento ng Kasaysayan ng
Pamantasang De La Salle sa pagiging tahanan ng PP.
MGA KRITIKA SA PANTAYONG PANANAW
Kaalinsabay ng pag-unlad ng PP ay ang pagtamo nito ng samu’t saring
kritisismo, kapwa konstruktibo at negatibo, mula sa iba’t ibang mga iskolar, na
likas lamang na matanggap ng anumang proyektong intelektuwal. Huling
bahagi pa lamang ng dekada nobenta ay nagsimula nang magsilitaw ang ilang
mga kritisismo sa PP. Marami na ang mga iskolar ang nagsulat ng kanilang
mga kritikal na sanaysay ukol sa PP tulad na lamang nina Ma. Serena
Diokno,96 Ramon Guillermo,97 Myfel Paluga,98 Portia Reyes,99 Rommel
Pilosopiya ng Kasaysayan; Klase sa Historiograpiya ni Dr. Zeus A. Salazar (Quezon City: Bagong
Kasaysayan, 2019).
94 Zeus Salazar, “Ang Pantayong Pananaw (PP) sa K-12: Tungo sa Pinal na Pagbubuo ng
Kapilipinuhan,” Bulwagang Bonifacio, PUP Sta. Mesa, Marso 11, 2019.
95 Zeus Salazar, “Preliminaryong Pagsusuri sa Representasyon/Pag-aanyo ng Tatlong Liktao
sa Butuan Heritage Museum sa Lungsod Antipolo,” Bulwagang Bonifacio, PUP Sta. Mesa, Marso
18, 2019.
96 Ma. Serena Diokno, “Philippine Nationalist Historiography and the Challenge of the New
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
78
SANTOS
Curaming,100 at Lisandro Claudio.101 Dahil dito, ibubuod na lamang nang
maikli sa ibaba ang ilang pangunahing kritika nila sa PP. Bagaman may tugon
na ang PP sa ilan sa mga puntong ito, hindi na ito isasama sa kasalukuyang
papel dahil sa limitasyon sa espasyo.
Maikakategorya sa apat ang mga pangunahing kritika sa PP.
1. Eksklusibista
Isa sa mga pangunahing iginigiit ng mga tagapagsulong ng PP ay marapat
na isagawa ang akademikong talastasan sa Filipino, tungo sa pagbubuo ng
isang diskursong pangkabihasnan. Kaya naman, upang makapasok sa
talastasan ng mga nagsusulong ng PP, isa sa mga pangunahing
pangangailangan ay ang paggamit ng wikang pambansa. Ito ay itinuturing ng
mga kritiko bilang senyales ng pagiging eksklusibista/sarado, kung hindi man
pagiging dogmatiko, ng PP. Hinuhusgahan ng mga nasa kampo ng PP ang
mga iskolar na iba sa kanila ang pananaw bilang “Inglesero,” “akulturado,”
“elitista,” “maka-Kanluran,” “komprador na iskolar,” at iba pang
derogatoryong pagbabansag. Nagiging dahilan ito upang mahadlangan ang
isang mabungang pag-uusap sa pagitan ng mga nasa loob at labas ng PP. Ang
pagbibigay ng restriksyon na tanging ang mga nagsusulat lamang sa Filipino
ang tutugunan ng PP ay nagpapakitid din daw ng diskurso sa akademya.
Pinupuna rin ng ilang kritiko ang mabilis na paghahanay ng PP sa anumang
akdang nasa wikang Ingles bilang “pangkaming pananaw,” isang reaktibong
pagsusulat ng kasaysayan na ang kinakausap ay ang mga banyaga. Kahit pa
ang mga historyador na may malinaw na maka-Pilipino at maka-masang
perkspektiba, tulad ni Teodoro Agoncillo at Renato Constantino, ay inilalagay
pa rin ng PP sa ganitong kategorya. Saad ni Moralina,
Failure to comply with PP’s own set of parameters
would elicit accusations of having ‘pangkaming
Paradigm,” Diliman Review 45:2-3 (1997): 8-13.
97 Ramon Guillermo, “Exposition, Critique and New Directions for Pantayong Pananaw,” Kyoto
Review of Southeast Asia 3 (March 2003).
98 Myfel Joseph Paluga, “Pagbabasa at Pagbabasang-Muli sa PP,” Kritika Kultura 13 (2009):
117-127.
99 Portia L. Reyes, “Fighting Over a Nation: Theorizing a Filipino Historiography,” Postcolonial
Studies 11:3 (2008): 241-258.
100 Rommel A. Curaming, “Postcolonial Studies and Pantayong Pananaw in Historiography: A
Critical Engagement,” Kritika Kultura 27 (2016): 63-91.
101 Lisandro Claudio, “Postcolonial Fissures and the Contingent Nation: An Antinationalist
Critique of Philippine Historiography,” Philippine Studies 61:1 (2013): 45-75.
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
79
SANTOS
pananaw’ which PP immediately dismisses as the
wrong way of doing Philippine history . . . Only in a
few instances, a consolation ‘proto-pantayo’ is used
to refer to a few works, such as Reynaldo Ileto’s
exemplary subaltern study Pasyon and Revolution
(1979).102
Napansin naman ni Diokno na tila mas nakatuon ang PP sa porma kaysa sa
nilalaman.103 Para sa kanya, higit sa wika kung saan nakasulat ang isang akda,
dapat na bigyang pagpapahalaga ng PP kung ang nilalaman ba nito ay
nakakatulong sa bayan.
2. Natibista
Mayroong tendensya ang PP na maging mapaghinala sa anumang
pagteteorisa na ang balangkas na ginagamit ay nagmula sa Kanluran. Matibay
ang distinksyon ng PP sa pagitan ng sarili at iba, Pilipino at banyaga.
Binabasa ito ng mga kritiko bilang porma ng natibismo o hindi kritikal na
pagbibigay prayoridad sa anumang nagmumula sa loob, laban sa mga ideya o
elementong tinuturing na banyaga. Isang paboritong bansag ng panganganti
ni Salazar sa mga gumagamit ng mga Kanluraning teorya ay “pospos”
(bagaman ang orihinal na reperensya nito ay ang tendensya ng mga Europeo
at Amerikanong pantas na lakipan ng “post” sa unahan ang mga
teorya/kilusan tulad sa kaso ng post-istrukturalismo, postmodernismo, at
postkolonyalismo, ang bansag na “pospos” ay mas maluwag na ginagamit sa
sinumang nahumaling sa mga Euro-Amerikanong pagteteorisa). Kritikal din
ang PP sa mga banyagang pantas na nagsusulat ukol sa Pilipinas
(pangkaraniwang puntirya nito lalo na ang mga Amerikanong iskolar).
Mangyari pa, higit sa dikotomiyang ginawa ni Ileto sa pagitan ng mga
Pilipinong pantas sa isang panig at mga banyagang pantas sa kabila (na pinuna
niya bilang nagtataglay ng pananaw na mapangmaliit sa mga Pilipino at
nagbibigay lohika sa imperyalismong Amerikano104), nagsasagawa ng
dikotomiya ang PP sa pagitan ng mga Pilipinong pantas na nasa Pilipinas, at
mga Pilipinong pantas na naka-base sa ibang bansa. Ang huli ay kolektibong
itinuturing ni Salazar bilang mga “komprador na iskolar.” Sa mainit na palitan
Aaron Rom O. Moralina, “Short Notations and Reflections on Pantayong Pananaw,” Kritika
Kultura 13 (2009), pah. 131-132.
103 Ma. Serena Diokno, “Philippine Nationalist Historiography and the Challenge of the New
Paradigm,” Diliman Review 45:2-3 (1997): 8-13.
104 Reynaldo Ileto, “Orientalism and the Study of Philippine Politics,” Philippine Political
Science Journal 22 (2001): 1-32.
102
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
80
SANTOS
sa pagitan ni Salazar at Patricio Abinales, ganito inilarawan ng una ang
“komprador na iskolar”:
Hukbo ng mga komprador na iskolar na
nagbebenta ng datos mulang Pilipinas patungong
Hapon at iba pang Kanluraning bansa, at gayundin,
papabalik sa Pinas, nagbabalik upang magbenta ng
mga teorya sa mga kapwa Inglesero. Isang uri ng
buy-an-sell iyan na matagal nang bistado ng Bayan
. . . Hindi ba lengguwahe ninyo ang komprador
kapitalismo? Mayroon ding mga komprador na
iskolar. Ang tinutukoy ko ay ang iyong pagbebenta
mo ng sarili bilang iskolar ng at tungkol sa
Pilipinas sa isang banyagang kapangyarihan na isa
rin sa mga nagsasamantala sa Pinas at naging
kolonisador din nito. At halos lahat ng sinusulat mo
tungkol sa Pinas ay upang alipustahin ang
kalagayan nito, sa halip na matulungan mo na
makaahon sa kanyang kalagayan, sa kanyang
pagkalugmok . . . Alam ko, hindi mo itinuturing ang
sarili bilang Pilipino, kaya pulos pang-aalipusta ng
kalagayan ng bansa ang ipinagbibili mo sa mga
Hapon at Amerikano – sa wika nitong huli.105
Sa isang akdang mas maaga kaysa sa palitan na ito, nagbigay pahayag na si
Abinales ukol sa elitistang asal umano ng tinawag niyang “UP Intellectuals” na
i-marhinalisa ang mga pantas na nasa labas ng UP, lalo na ang mga nasa ibang
bansa. Tumugon siya sa pamamagitan ng pagsasaad na kung tutuusin ay mas
mayabong pa nga ang intelektuwal na produksyon ng mga Pilipinong iskolar
na nasa ibang bansa kaysa sa ilang nasa loob ng UP (na maipaliliwanag ng
malaking pagkakaiba sa pagitan ng suportang pinansyal ng mga unibersidad
sa Pilipinas at ng mga unibersidad sa ibang bansa).106 Dinagdagan ni Claudio
ang kritisismo sa posisyong ito ni Salazar sa pamamagitan ng pahayag na ang
dapat maging batayan ng pagiging katanggap-tanggap ng isang kaalaman ay
ang empirikal na balidasyon nito, sa halip na husgahan ang kaalaman dahil
“Ang Akademikong Debate/Talastasan ng Dekada,” p. 22, 24. Isang di-nakalathalang
dokumento na tinipon at isinaayos ni Prop. Michael Charleston Chua. Naganap ang mahabang
sagutang ito sa facebook ni Abinales at Salazar, kasama ang iba pang tagapagsulong ng PP,
noong Hulyo 2010.
106 Patricio Abinales, The Joys of Dislocation: Mindanao, Nation, and Region (Pasig: Anvil
Publishing Inc., 2008), pah. 93-95.
105
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
81
SANTOS
lamang sa pinagmulan nito (na banyaga o Pilipinong nasa banyagang
bansa).107
Para naman kay Caroline Hau, ang dikotomiya sa pagitan ng banyaga at
Pilipino, gayundin sa pagitan ng Pilipino sa Pilipinas at Pilipino sa ibang
bansa, ay hindi na maaaring ituring bilang ganap o matibay na kategorisasyon.
Dulot umano ito ng katotohanan ng globalisasyon, malawakang migrasyon, at
malaking bilang ng mga Pilipinong nasa “diaspora.” Sa ganang ito,
nananawagan siya para sa isang uri ng talastasan na lagpas sa makitid na
hangganan ng nasyon, isang talastasang tumatagos at nagtatagpi-tagpi sa
lokal, nasyunal, at rehiyunal, tungo sa pagbuo ng mapagpalayang produksyon
ng kaalaman na nag-aambag sa pandaigdigang kaalaman.108
3. Esensyalista
Isang sandigan ng natibistang lapit ni Salazar, sa paningin ng mga kritiko,
ay ang kanyang pagiging esensyalista, na tumutukoy sa paniniwala niya na
may umiiral na isang buong kakanyahang Pilipino na nakaugat sa kalinangang
Austronesyano. Ang ganitong paninindigan ang sanhi kung bakit
nakakapagsagawa siya ng dikotomiya sa pagitan ng Pilipino at banyaga,
Kanluraning kultura at kalinangang bayan, sarili at iba. Naisasakatuparan niya
ang pag-ugat sa mga dalumat pangkalinangan ng mga Pilipino sa nakaraang
Austronesyano sa pamamagitan ng paggamit ng historikal na lingguwistika,
tulad ng etimolohikal na pagsusuri sa mga salitang bayani, ginhawa,
himagsikan, banwa, at iba pang kaugnay na mga dalumat na mababasa sa
kanyang mga akda.
Samu’t saring puna mula sa iba’t ibang direksyon ang ibinabato sa ganitong
pananaw ni Salazar. Sa pagsusuri ni Guillermo sa isang akda ni Salazar ukol sa
pagkakaiba ng Pilipinong “himagsikan” at Kastilang “rebolusyon,”109 iginiit
niya na problematiko ang metodo ni Salazar dahil sa dalawang pangunahing
punto. Una, hindi permanente ang mga kahulugang nakapaloob sa isang salita,
nagbabago ang pagpapakahulugan dito ng isang lipunan sa agos ng
kasaysayan. Ikalawa, tendensya ng isang lipunang nanghihiram ng mga salita
na malimutan ang orihinal na kahulugan ng mga salitang hiniram sa konteksto
Claudio, op cit, pah. 87.
Caroline Hau, “Privileging Roots and Routes: Filipino Intellectuals and the Contest over
Epistemic Power and Authority,” Philippine Studies 62:1 (March 2014): 52-56.
109 Zeus Salazar, Wika ng Himagsikan Lengguwahe ng Rebolusyon (Lunsod Quezon: Bagong
Kasaysayan, 1999).
107
108
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
SANTOS
82
ng pinagmulang lipunan. Dulot nito, hindi umano maipagpapalagay na
nananatiling magkaiba ang pagpapakahulugan ng mga Pilipino noong
ikalabingsiyam na dantaon sa himagsikan at rebolusyon, yamang mahirap maestablisa kung nanatili pa rin ba sa terminong himagsikan ang
Austronesyanong kahulugan nito sa isang banda, at kung nakakabit pa rin ba
sa rebolusyon ang orihinal na Kastilang pagpapakahulugan sa revolucion sa
kabilang banda. Kaya naman hindi sapat, dagdag pa ni Guillermo, ang
etimolohikal na pagsusuri sa mga dalumat tulad ng himagsikan at rebolusyon
gamit lamang ang mga diksyunaryo. Aniya, mas magiging mabunga ang pagaaral sa ganitong mga konsepto kung titingnan ang aktuwal na pagkakagamit
ng mga salita sa mga teksto mula sa magkakaibang yugto ng kasaysayan. Sa
pamamagitan nito ay malalaman kung talaga bang iba ang pagpapakahulugan
ng bayan sa himagsikan sa isang banda, sa pagkakaunawa ng mga Pilipinong
elit sa rebolusyon sa kabilang banda.110 Kritikal ang punang ito ni Guillermo,
dahil maaari itong batakin at ilapat sa iba pang dikotomiya ni Salazar tulad sa
kaso ng bayani at heroe.111
Sa harayang talastasan sa pagitan ng Postcolonialism (PC) at PP na
isinagawa ni Curaming, inilahad niya na isa sa siguradong pupunahin ng PC
ay ang esensyalistang pagtingin ni Salazar sa kultura. Para sa mga antiesensyalistang palaisip ng PC, ang kultura ay dinamiko. Mahirap umanong
paniwalaan ang pananatili ng kulturang Austronesyano ng mga Pilipino kung
ikokonsidera ang ilang siglong kolonisasyon ng bansa. Dahil sa matagal na
panahon ng pananakop, tiyak na malaki ang naging impluwensya ng
Kanluraning kultura maging sa ipinagpapalagay ni Salazar na mayorya ng
mga Pilipinong nananatiling katutubo ang wikang sinasalita. Kailangan ding
ikonsidera ang epekto ng globalisasyon sa kalinangang Pilipino sa nakaraang
mga dekada, gayundin ang malawakang migrasyon ng mga Pilipino sa ibang
bansa.112 Sa ganang kay Guillermo, kailangan pa ng aktuwal na mga
pananaliksik sa larangan upang mapatunayan kung totoo ba ang paninindigan
ni Salazar na may ilang aspekto ng kulturang Pilipino na nakaugat pa rin sa
kalinangang Austronesyano at nagpapatuloy pa rin sa kasalukuyan.113
Ramon Guillermo, “Pantayong Pananaw and the History of Philippine Political Concepts,”
Kritika Kultura 13 (2009): 107-116.
111 Para rito, tingnan ang Arvin Lloyd Pingul, et al, mga pat., Pamana ng Ika-19 na Dantaon:
Pagtatakdang Pangkasaysayan. Bayani at Heroe sa Pagbubuo ng Bansa (Lunsod Quezon:
Bagong Kasaysayan, 2017), partikular na ang sanaysay ni Salazar na “Ang Austronesyanong
*baRani hanggang sa ‘Bagong Bayani’ sa Kasalukuyang Hugis ng Kapilipinuhan,” pah. 452-480.
112 Curaming, op cit, pah. 75.
113 Ramon Guillermo, “Exposition, Critique and New Directions for Pantayong Pananaw,” Kyoto
Review of Southeast Asia 3 (March 2003).
110
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
83
SANTOS
Kaugnay nito, binibigyang kritisismo rin ang paggigiit ng PP sa paggamit
ng Filipino upang mapayabong ang iisa at buong kakanyahan ng
Kapilipinuhan. Ang pagkakabatay sa Tagalog ng wikang pambansa ay
itinuturong kahinaan ng posisyong ito. Para sa ilan, manipestasyon lamang ng
imperyalismong Maynila ang ganitong paggigiit, at nagsisilbing porma ng
opresyon sa ibang pangkat etniko ng bansa. Sa ganitong pagtingin,
naipagpapalagay ng ilan na elitista ang PP na minamarhinalisa ang iba pang
mga wika sa Pilipinas.
4. Pasista
Ang maituturing na isa sa pinaka mabigat na paratang sa PP ay ang
tendensya nito na magbigay lehitimasyon sa pasismo. Sinalungguhitan ni
Claudio na napapalabnaw ng nasyonalistang historiograpiya ang panunuring
panlipunan, partikular na ang pag-analisa sa tunggalian ng mga uri. Dahil
umano sa masyadong pagtuon ng mga nasyonalistang tulad nina Salazar at
Ileto sa pagbubuo ng bansa, napagtatakpan ang iba pang pang-aapi na
isinasagawa mismo ng ilang Pilipino sa mga kapwa nila Pilipino.
Simptomatiko umano ng ganitong tendensya ang pahayag ni Salazar kay
Abinales sa isang mainit na palitan sa facebook, kung saan ganito ang naging
tugon ng una nang sabihin ng ikalawa na pabor siya sa paghiwalay ng
Mindanao sa Pilipinas:
Nasa panig ako ng pagbubuo ng Bansa, isagawa
man ito ni Marcos, ni Estrada, o kahit na ni P’noy.
Kalaban ninyo ako at ako ang may karapatan na
husgahan kayo sa ngalan ng Bansa.114
Para kay Claudio, ang uni-direksyunal na tuon ni Salazar sa pagbubuo ng
bayan ang dahilan kung bakit pumayag siya na maging instrumento ng
diktador na si Marcos sa pagsusulat ng proyektong Tadhana, gayundin ang
kanyang pagsulat ng talambuhay ng mandarambong na si Estrada.115
Indikasyon daw ito ng tendensya ng PP na magbulag-bulagan sa mga panloob
na pang-aapi at mga tunggaliang nangyayari sa bansa, sa ngalan ng pagbubuo
nito. Sa isang komentaryo ni Abinales ukol sa mga manunulat ng Tadhana,
114 “Ang Akademikong Debate/Talastasan ng Dekada,” pah. 32. Isang di-nakalathalang
dokumento.
115 Lisandro Claudio, “Postcolonial Fissures and the Contingent Nation: An Antinationalist
Critique of Philippine Historiography,” Philippine Studies 61:1 (2013): 80.
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
84
SANTOS
ipinahayag niya na nakakapangilabot isipin ang mga historyador na patuloy na
nagsusulat ng kasaysayan sa kanilang opisina, habang isinasagawa ng
kanilang pinaglilingkurang pinuno ang pagnanakaw, pagpapahirap, at
pagpatay sa napakaraming mga Pilipino. Pinaka mainam na halimbawa aniya
ito ng isang pantas na nasa toreng garing. Hindi lang sila naging pasibong
tagapagmasid, sinalungguhitan ni Abinales na naging instrumento mismo sila
upang mabigyan ng pangkasaysayang lehitimasyon ang pasistang estado ni
Marcos.116
Problematiko rin para sa mga kritiko ang kawalan ng pulitikal na tindig ng
PP.117 Ang PP ay isang proyektong kultural, na ang layunin ay bumuo ng
isang diskursong pangkabihasnan na nasa wikang Filipino, upang magkaroon
ng isang buong talastasan ang buong bansa. Limitado ang aspirasyon nito sa
pagbibigay-boses sa bayan sa pamamagitan ng pagbuwag sa dambuhalang
pagkakahating pangkalinangan na nagpapanatili ng kapangyarihan sa iilang
Kanluraning elit. Ngunit wala itong malinaw na pulitikal na tunguhin, o kung
anong konkretong kaayusan ng lipunan ang nais na buuin. Sa wika ni
Rhommel Hernandez,
Hindi naghahangad ng kapangyarihan ang PP.
Hangarin lamang nitong maging makapangyarihan
ang kalinangang Pilipino na sana nga’y maging
kabihasnan. Hindi nito ninanais na magtayo ng
estado kundi pinag-aaralan lamang nito ang mga
uri ng estadong sumilang at lumaganap sa
sangkapilipinuhan. Hindi nito kinikilala ang sarili
bilang tagapagligtas at tagapaglutas ng mga
suliranin ng Pilipinas.118
Ito ay nangangahulugan na bukas ang PP sa anumang ideya, tunguhin, at
kaayusan hanggat binibigyan ito ng basbas ng bayan. Kung kapitalismo,
komunismo, o diktaduryan man, ang bayan na ang bahalang mamili. Walang
preskripsyon ang PP sa anyong pampulitika na dapat suotin ng bayan.
Patricio Abinales, “Historians and the distortions of ‘that Martial Law thingy,’” Rappler,
June 11, 2016.
117 Para sa paksang ito, tingnan ang Nancy Kimuell-Gabriel, “Ang Pantayong Pananaw at ang
Usapin ng Agenda sa Harap ng Iba’t Ibang Kilusang Pang-Akademiko at Sosyo-Pulitikal,” Kalatas
1:1 (2017): 32-47.
118 Jose Rhommel B. Hernandez, “Ang Pandaigdigang Pananaw ng Pantayong Pananaw,”
Kritika Kultura 13 (2009): 143.
116
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
85
SANTOS
Problematiko ang ganitong kalikasan ng PP para sa mga kritiko dahil sa
tatlong dahilan.
Una, ani ni Guillermo, isang masalimuot na gawain ang pagsagot sa tanong
na “paano ba malalaman ang pasya ng bayan?” Aniya, ang nosyon ni Salazar
ng isang bayang nagdedesisyon sa sarili nito ay hindi tumutugon sa reyalidad
na maraming mga salik, puwersa at institusyon sa labas nito na nakakaapekto
sa mga desisyong isinasagawa ng bayan. Ika niya,
Ang aktitud ni Salazar na hintayin lamang ang kapasyahan ng
‘Bayan’ at sumunod ditto pagkaraan ay implisitong naniniwala na
walang alinmang institusyon o pwersang panlipunan na
nagkakaroon ng papel sa pagkakabuo ng alinmang kapasyahan ng
‘Bayan.’ Maging ang isang intelektuwal tulad niya ay itinuturing
niyang walang anumang magagawa sa paghuhubog ng
kapasyahan nito. Ngunit para sa ano at para kanino sa gayon ang
sinulat niyang mga libro at monograpo kung wala siyang nais
maimpluwensyahan na opinyon?119
Ikalawa, dahil sa pagiging bukas ng PP sa anumang pulitikal na direksyon,
maaari itong angkinin ng pasismo. Dahil sa diin nito sa nasyonalismo, kaya
itong kasangkapin ng anumang pasistang estado na ipinangangalandakan ang
sarili bilang tagapagbuo ng bansa.
Nakaugnay ang ikatlo sa ikalawang dahilan. Dagdag na kumplikasyon dito
ang pagiging kritikal ni Salazar at ilang tagapagsulong ng PP sa Marxismo.
Matayog ang paninindigan ni Salazar na hindi pa naaangkin ang Marxismo ng
kalinangang Pilipino, at nananatili pa rin itong Kanluraning teorya na
nakalutang sa taas ng lipunang Pilipino. Isang ilustrasyon ng ganitong
pananaw ni Salazar ang pagsasalin niya ng Manifesto ng Partido Komunista,
kung saan iginiit niya na hindi kasalin-salin ang Marxismo sa Pilipinas.120 Para
sa mga kritiko ng PP, kapwa ang diin ni Salazar sa pagbubuo ng bayan at
pagkakaroon ng anti-Marxistang sentimiyento ay makakapagpahina sa mga
progresibong kilusan at makakapagpalakas naman sa mga represibong
estadong nagbabalat-kayo bilang tagapangalaga ng bayan.
119 Ramon Guillermo, Pook at Paninindigan: Kritika ng Pantayong Pananaw (Quezon City:
University of the Philippines Press, 2009), pah. 127.
120 Karl Marx at Friedrich Engels, Manifesto ng Partido Komunista ng Pilipinas, salin ni Zeus
Salazar (Lunsod Quezon: Bagong Kasaysayan, 2000).
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
SANTOS
86
Bibliograpiya:
Abinales, Patricio N. The Joys of Dislocation: Mindanao, Nation, and Region.
Pasig. Anvil Publishing Inc. 2008.
________. “Historians and the distortions of ‘that Martial Law thingy.’”
Rappler. June 11, 2016.
Abrera, María Bernadette L., Dedina A. Lapar. mga pat. Paksa, Paraan at
Pananaw sa Kasaysayan: Ulat ng Unang Pambansang Kumperensya sa
Historiograpiyang Pilipino, 27 March - 1 April 1989. Lunsod Quezon.
Departamento ng Kasaysayan. Unibersidad ng Pilipinas. 1993.
Alaras, Consolacion R. Pamathalaan: Ang Pagbubukas sa Tipan ng Mahal na Ina.
Kolonya. Bahay-Saliksikan sa Kasaysayan. 1988.
Alatas, Syed Farid. Alternative Discourses in Asian Social Science: Responses to
Eurocentrism. India. Sage Publications Pvt Ltd. 2006.
Aquino, Clemen. “Panlipunang Pagbabanghay: Piling Usapin sa Pag-unawa sa
Sariling Lipunan.” Daluyan: Journal ng Wikang Filipino 19:2 (2013).
Asumbrado, Alexander P., Paula Louise L. Monilla, Aira Lei L. Nunag, Audrey
Stephanie L. Quibot. Mga Pat. Ang Pilosopiya ng Kasaysayang Rehiyunal; Klase
sa Historiograpiya ni Dr. Zeus A. Salazar. Quezon City. Bagong Kasaysayan.
2019.
Atienza, John Adrianfer, Danica Dela Paz, Joce Anne Magpayo, Argen Rivas.
Mga Pat. Loob: Ang Saklaw ng Kasaysayan ng Bansa; Klase sa Historiograpiya
ni Dr. Zeus A. Salazar. Quezon City. Bagong Kasaysayan, 2019.
Atienza, Adrianfer, Danica Dela Paz, Nikko Jay Ramos, Argen Rivas. Mga Pat.
Kasaysayan ng PUP; Klase sa Historiograpiya ni Dr. Zeus A. Salazar. Quezon
City. Bagong Kasaysayan. 2019.
Bastide, Roger. The African Religions of Brazil: Toward a Sociology of the
Interpenetration of Civilizations. Maryland. John Hopkins University Press.
1978.
Bautista, Violeta V., Rogelia Pe-Pua. mga pat. Pilipinolohiya: Kasaysayan,
Pilosopiya at Pananaliksik. Maynila. Kalikasan Press. 1991.
Chua, Michael Charleston B. “Ang Dapat na Tadhana ng Tadhana: Isang
Muling Sulyap sa Pamana ng Intelektwal na Produksyon ng Diktadurang
Marcos ukol sa 17-18 Siglo.” Panunuring-aklat sa klase ni Vicente Villan na
Kasaysayan 203. Unang Semestre. 2010-2011.
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
SANTOS
87
________. “Saysay ng sariling kasaysayan: Ang Ambag ni Zeus Salazar sa
Bayan.” GMA News. Enero 8, 2018.
________. “Mga Maling Akala ukol sa Pantayong Pananaw.” Abante. Mayo 4,
2019.
Claudio, Lisandro. “Postcolonial Fissures and the Contingent Nation: An
Antinationalist Critique of Philippine Historiography.” Philippine Studies
61:1 (2013): 45-75.
Covar, Prospero. Larangan: Seminal Essays on Philippine Culture. Metro Manila.
National Commission for Culture and the Arts. 1998.
Curaming, Rommel. “Filipinos as Malay.” Nasa Maznah Mohamad, Syed
Muhd Khairudin Aljunied. mga pat. Melayu: The Politics, Poetics and
Paradoxes of Malayness. Singapore. NUS Press. 2011.
Curaming, Rommel A. When Clio Meets the Titans: Rethinking State-Historian
Relations in Indonesia and the Philippines. PhD Dissertation. Australian
National University. 2006.
________. “Postcolonial Studies and Pantayong Pananaw in Historiography: A
Critical Engagement.” Kritika Kultura 27 (2016): 63-91.
Danica Dela Paz, Jomarie Ecleo, Jeremiah Montejo, Nikko Jay Ramos at Argen
Rivas, mga patnugot, Metodolohiyang Pangkasaysayan; Klase sa Historiograpiya
ni Dr. Zeus A. Salazar. Quezon City. Bagong Kasaysayan. 2019.
Diokno, Ma. Serena. “Philippine Nationalist Historiography and the Challenge
of the New Paradigm.” Diliman Review 45:2-3 (1997): 8-13.
Flores, Ma. Crisanta. Ideolohiyang Anacbanua: Pagtatakda ng Baley/Sentro ng
Doxa at Kamalayang Makabansa sa Kasaysayan at Panitikan ng Pangasinan.
Lunsod Quezon. Bagong Kasaysayan. 2006.
Guillermo, Ramon. Pook at paninindigan sa pagpapakahulugan: pag-uugat ng
talastasang sosyalista sa kalinangang bayan. MA Thesis. University of the
Philippines. 1999.
________. “Exposition, Critique and New Directions for Pantayong Pananaw.”
Kyoto Review of Southeast Asia 3 (March 2003).
________. Pook at Paninindigan: Kritika ng Pantayong Pananaw. Quezon City.
University of the Philippines Press. 2009.
________. “Pantayong Pananaw and the History of Philippine Political
Concepts.” Kritika Kultura 13 (2009): 107-116.
________. “Notes on Zeus Salazar’s Filipino Translation of The Communist
Manifesto.” Nasa Teresa S. Encarnacion Tadem, Laura L. Samson, mga pat.
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
SANTOS
88
Marxism in the Philippines: Continuing Engagements. Mandaluyong: Anvil
Publishing Inc. 2010.
________. “Pantayong Pananaw and the History of Philippine Political
Concepts.” Kritika Kultura 13 (2009): 107-116.
Hau, Caroline. “Privileging Roots and Routes: Filipino Intellectuals and the
Contest over Epistemic Power and Authority.” Philippine Studies 62:1
(March 2014): 52-56.
Hernandez, Jose Rhommel B. “Ang Pandaigdigang Pananaw ng Pantayong
Pananaw.” Kritika Kultura 13 (2009): 136-144.
Ileto, Reynaldo. “Orientalism and the Study of Philippine Politics.” Philippine
Political Science Journal 22 (2001): 1-32.
Isorena, Efren. Ang Sakayan sa Pagbubuo ng Banua: Pandan, 1174-1948. Lunsod
Quezon. Bagong Kasaysayan. 2006.
Jens, Walter. Pagguho ng Troya. Salin ni Zeus Salazar. Maynila. Kalikasan
Press. 1989.
Jose, Mary Dorothy dL., Atoy Navarro. mga pat. Kababaihan sa Kasaysayan at
Kalinangang Pilipino. Lunsod Quezon. C&E Publishing Inc. 2010.
Kimuell-Gabriel, Nancy. Ang Timawa sa Kasaysayang Pilipino. Lunsod Quezon.
Bagong Kasaysayan. 1999.
________. “Ang Pantayong Pananaw at ang Usapin ng Agenda sa Harap ng
Iba’t Ibang Kilusang Pang-Akademiko at Sosyo-Pulitikal.” Kalatas 1:1
(2017): 32-47.
Marx, Karl, Friedrich Engels. Manifesto ng Partido Komunista ng Pilipinas. Salin
ni Zeus Salazar. Lunsod Quezon. Bagong Kasaysayan. 2000.
Mendoza, S. Lily. Between the Home and the Diaspora: The Politics of Theorizing
Filipino and Filipino American Identities. A Second Look at the
Poststructuralism-Indigenization Debates. New York. Routledge. 2002.
Moralina, Aaron Rom O. “Short Notations and Reflections on Pantayong
Pananaw.” Kritika Kultura 13 (2009): 128-135.
Navarro, Atoy. Ang Bagong Kasaysayan sa Wikang Filipino: Kalikasan,
Kaparaanan, Pagsasakasaysayan. Lunsod Quezon. Bagong Kasaysayan. 2000.
________. “Ama ng Sikolohiyang Pilipino: Buhay at Kontribusyon ni Virgilio
G. Enriquez.” Diwa E-Journal 1:1 (Nobyembre 2013): 241-248.
Navarro, Alejandro, Wilfredo Sarino, Wilfredo Reyes, Daniel Agoncillo,
Nelson Molina, Cristina Sionosa, Juan Miguel Padua. “Ang Pantayong
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
SANTOS
89
Pananaw Noong 1983.” Papel na inihanda para sa klase ni Zeus Salazar ng
Kasaysayan 199, U.P. Diliman, 1983.
Navarro, Atoy M. Will P. Ortiz, Mary Jane B. Rodriquez-Tatel. Saliksik: Gabay
sa Pananaliksik sa Agham Panlipunan, Panitikan, at Sining. Lunsod Quezon.
C&E Publishing Inc. 2011.
Navarro Atoy, Ma. Florina Y Orillos-Juan. mga pat., Kasaysayang Pampook:
Pananaw, Pananaliksik, at Pagtuturo. Lunsod Quezon. Limbagang
Pangkasaysayan. 2012.
Navarro, Atoy M., Flordeliza Lagbao-Bolante. mga pat. Mga Babasahin sa
Agham Panlipunang Pilipino: Sikolohiyang Pilipino, Pilipinolohiya at Pantayong
Pananaw. Lunsod Quezon. C&E Publishing Inc. 2007.
Navarro, Atoy, Mary Jane Rodriguez, Vicente Villan. mga pat. Pantayong
Pananaw: Ugat at Kabuluhan. Pambungad na Pag-aaral sa Bagong Kasaysayan.
Lunsod Quezon. Palimbagan ng Lahi. 1997.
________. Pantayong Pananaw: Pagyabong ng Talastasan. Pagbubunyi kay Zeus
A. Salazar. Lunsod Quezon. Bagong Kasaysayan. 2015.
Ocampo, Nilo S. Katutubo, Muslim, Kristiyano: Palawan 1621-1901. Kolonya.
Bahay-Saliksikan sa Kasaysayan. 1985.
Paluga, Myfel Joseph. ‘Araw’ at ‘Gahum’ ng New Israel sa Mindanaw: Isang Pagaaral sa Sekta ng Moncado Alpha and Omega sa Perspektibang HistorikoKultural. Lunsod Quezon. Bagong Kasaysayan. 2000.
________. “Pagbabasa at Pagbabasang-Muli sa PP.” Kritika Kultura 13 (2009):
117-127.
Peñalosa Ma. Carmen V., Zeus A. Salazar. Mga Pat. Pagkabuo ng Bayan (15881913): Ikalawang Yugto ng Kasaysayan ng Kapilipinuhan. Quezon City. Bagong
Kasaysayan. 2014.
________. Pantayong Pananaw: Bagong Historiograpiyang Pilipino, Bagong
Balangkas ng Kasaysayan ng Kapilipinuhan. Araling K to 12 sa Powerpoint.
Lunsod Quezon. Bagong Kasaysayan. 2018.
Pingul, Arvin Lloyd, Reymar Tecson Yson, Jose Mario De Vega. mga pat.
Talastasang BAKAS sa Facebook; Ang Monumento at ang Torre: Pagtatakda sa
Luneta. Hiraya ng "Knights" at Pasiya Ng Bayan. Lunsod Quezon. Bagong
Kasaysayan. 2015.
Pingul, Arvin Lloyd, Jose Mario De Vega, Trixie Cariño. mga pat. Pamana ng
Ika-19 na Dantaon: Pagtatakdang Pangkasaysayan. Bayani at Heroe sa Pagbubuo
ng Bansa. Lunsod Quezon. Bagong Kasaysayan. 2017.
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
SANTOS
90
Quibuyen, Floro C. A Nation Aborted: Rizal, American Hegemony, and Philippine
Nationalism. Quezon City. Ateneo de Manila University Press. 1999.
Ramos, Nikko Jay B. Jvel P. Atayde, Razziline A. Barlaan, Mary-Dianne A.
Hernan. Mga Pat. Ang Pilosopiya ng Kasaysayang Pandaigdig; Klase sa
Historiograpiya ni Dr. Zeus A. Salazar. Quezon City. Bagong Kasaysayan.
2019.
Reyes, Portia Liongson. Ang Himagsikang Pilipino sa mga Pahayagang Aleman.
Lunsod Quezon. Bagong Kasaysayan. 1999.
________. Pantayong Pananaw and Bagong Kasaysayan in the New Filipino
Historiography. A History of Filipino Historiography as an History of Ideas. PhD
Dissertation. Bremen University. 2002.
________. Panahon at Pagsasalaysay ni Pedro Paterno, 1858–1911: Isang Pagaaral sa Intelektwalismo. Lunsod Quezon. Bagong Kasaysayan. 2011.
________. “Fighting Over a Nation: Theorizing a Filipino Historiography.”
Postcolonial Studies 11:3 (2008): 241-258.
________. pat. Towards a Filipino History: A Festschrift for Zeus Salazar. Lunsod
Quezon. Bagong Kasaysayan. 2015.
Rodriguez, Mary Jane. Ang Kababaihan sa Himagsikang Pilipino. Lunsod
Quezon. Bagong Kasaysayan. 1999.
________. Ang Dalumat ng Bayan sa Kamalayan at Kasaysayang Pilipino. Lunsod
Quezon. Bagong Kasaysayan. 2006.
Salazar, Marlies S. Perspectives on Philippine Languages: Five Centuries of
European Scholarship. Lunsod Quezon. Ateneo de Manila University Press.
2014.
Salazar, Zeus A. pat. Ang Kasaysayan: Diwa at Lawak. Lunsod Quezon.
Limbagan ng Unibersidad ng Pilipinas. 1974.
________. pat. The Ethnic Dimension: Papers on Philippine Culture, History and
Psychology. Kolonya. Counseling Center for Filipinos. 1983.
________. “Pantayong Pananaw: Isang Paliwanag.” Philippine Currents IV:9
(September 1989).
________. Jaime Veneracion, Wilfredo Tamayo, Elizabeth Pastores.
Kabihasnang Asyano: Isang Pangkasaysayang Introduksyon. Mandaluyong.
Cacho Publishing House Inc. 1990.
________. Ang P/Filipino sa Agham Panlipunan at Pilosopiya. Maynila:
Kalikasan Press. 1991.
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
SANTOS
91
________. Si Bonifacio at ang Kabayanihang Pilipino. Lunsod Quezon. Bagong
Kasaysayan. 1997.
________. Ang ‘Real’ ni Bonifacio bilang Teknikang Militar sa Kasaysayan ng
Pilipinas. Lunsod Quezon. Bagong Kasaysayan. 1997.
________. Malayan Connection: Ang Pilipinas sa Dunia Melayu. Lunsod Quezon.
Bagong Kasaysayan. 1998.
________. Ang Babaylan sa Kasaysayan ng Pilipinas. Lunsod Quezon. Bagong
Kasaysayan. 1999.
________. Ang Kartilya ni Emilio Jacinto at ang Diwang Pilipino sa Agos ng
Kasaysayan. Lunsod Quezon. Bagong Kasaysayan. 1999.
________. Wika ng Himagsikan Lengguwahe ng Rebolusyon. Lunsod Quezon.
Bagong Kasaysayan. 1999.
________. Mga Tula ng Pag-iral at Pakikibaka. Lunsod Quezon. Bagong
Kasaysayan. 2001.
________. Liktao at Epiko: Ang Takip ng Tapayang Libingan ng Libmanan,
Camarines Sur. Lunsod Quezon. Bagong Kasaysayan. 2004.
________. Kasaysayan ng Kapilipinuhan: Bagong Balangkas. Lunsod Quezon.
Bagong Kasaysayan. 2004.
________. Sikolohiyang Panlipunan-at-Kalinangan: Panimulang Pagbabalangkas
ng Isang Larangan. Lunsod Quezon. Bagong Kasaysayan. 2004.
________. Pangulong ERAP: Biograpiyang Sosyo-Pulitikal at Pangkalinangan ni
Joseph Ejercito Estrada. Tomo 1. Pinunong Bayan: Tungo sa Hamon ng EDSA
II. San Juan. RPG Foundation Inc. 2005.
________. Ang Pilipinong Banua/Banwa sa Mundong Melano-Polynesiano.
Lunsod Quezon. Bagong Kasaysayan. 2006.
________. Atoy Navarro, Lars Ubaldo, Sharon Maminta. Asya: Kasaysayan at
Kabihasnan. Lunsod Quezon. Abiva Publishing House Inc. 2010.
________. Carmen Peñalosa. mga pat. Ang Saysay ng Inskripsyon sa Binatbat na
Tanso ng Laguna. Lunsod Quezon at Laguna. Bagong Kasaysayan at Pila
Historical Society Foundation Inc. 2013.
________. “Pantayong Pananaw como Discurso Civilizacional.” Isinalin ni
Isaac Donoso. Revista Filipina 2:2 (2015): 5-22.
Santos, Mark Joseph, Axle Christien J. Tugano. Mga Pat. Martes sa Escaler;
Pilosopiya ng Kasaysayan. Lunsod Quezon. Bagong Kasaysayan. 2019.
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.
SANTOS
92
Santos, Mark Joseph P. Pat. Martes sa Escaler II: Talakayan ng mga Mag-aaral
sa PUP; Pilosopiya ng Kasaysayan; Klase sa Historiograpiya ni Dr. Zeus A.
Salazar. Quezon City. Bagong Kasaysayan. 2019.
Soledad, Rizza Mae Zairylle Joice Garcia, Reign Narish Pedriña, Krizia
Rodriguez. Mga Pat. Pilosopiya ng Kasaysayang Pambansa; Klase sa
Historiograpiya ni Dr. Zeus A. Salazar. Quezon City. Bagong Kasaysayan.
2019.
Spengler, Oswald. The Decline of the West. Munich. C.H. Beck’sche
Verlagsbuchhandlung. 1922.
Veneracion, Jaime. Kasaysayan ng Bulakan. Kolonya. Bahay-Saliksikan sa
Kasaysayan. 1986.
Santos, Mark Joseph P. “Ang Paglago ng Pantayong Pananaw sa
Konteksto ng Kapantasan ni Zeus A. Salazar: Isang Maikling
Pagsasakasaysayan, 1951-2019.” TALA 2, no. 2 (December 2019): 46-92.